رواية انت الحب الفصول الاولي

انتى اكتر ياريمو وحشتينى موووت الحبايب اخدوكى مننا
ريم اه لو تعرفى يادينا بس دى اسرار بيتى مش هينفع اقولك
دينا كمان سرحتى في احمد لالالا والله هزعل
ريم اسرح فى مين يابت ده انا بجد بفتكر ساندوتش الشاورمه بتاع الكليه وحشنى اوى وتضحك
دينا ههههههههههههه متغيرتيش خالص ياريمو فيكى حاجه مش طبيعيه ليه مش عايزه تتكلمى
ريم سرحتى فى مين يلا ياختى هنتأخر وهنشوف موضوع السرحان ده
دينا هههههههه بفكر مين اللى هيحاسب على الساندوتشات والكانز الى هنجيبه
ريم هههههه طبعا انتى
دينا حاجه متوقعه من عروسه زى القمر يلا بينا
وبتروح دينا وريم على الجامعه واول مابتدخل بتكلم احمد علشان تعرفه انها وصلت زى مااحمد قال ..شايفين تغيير احمد
وبعد السلامات بينها وبين اصدقائها اول مايلمحها معتز يجرى عليها .. اول مره اعرف ان الجواز بيحلى اوى كده
ريم دى حلاوة عنيك انت ياميزو 
معتز وحشتينا اوى ياريم وعامله ايه واحمد عامل معاكى ايه
ريم كله تمام ياقمر اخبارك انت ايه ..
معتز انا تمام وفل كمان
ريم طيب تمام
دينا طيب يلا علشان المحاضره هتبتدى ورامز هيبهدلنا لو روحنا متأخرين
ريم ومعتز حاضر
اول ما بتدخل ريم المدرج يجرى عليها رامز ويقول فى جمال من ده
تبصله دينا بصه معناها اسكت
ريم شكرا يادكتور رامز وعقبالك ان شاء الله وتضحك
رامز ربنا يخليكى ياريم يلا ادخلوا وحشتينى ياريم حاسس انك مهمومه ياريم يارب صبرها وصبرنى
وطبعا يقعد يشرح 3 ساعات وطبعا مش مركز لانه كل شويه يبص لريم
وريم مش مركزه وقاعده تفكر فى احمد... دينا قاعده تفكر فى صاحبتها وانها حاسه انها مش مبسوطه وان فى حاجه
معتز قاعد يفكر فى ريم وياترى سعيده ولا لا مع احمد
وبتخلص المحاضره والثلاثه قاعدين وفجأه بيرن تليفون معتز على نغمة العب العب العب اه ياسيدى
يفوق اصدقائنا الثلاثه على النغمه ويبصوا لبعض وهيستريا من الضحك على موقفهم وعلى النغمه دى
بتروح ريم الكافتيريا هى ومعتز ودينا وبتطلب من معتز يجيب وجبه زياده علشان خاطر احمد
وبتاخد الوجبتين بتاعت احمد وبتاعتها مش هاين عليها تاكل وهو لا وتروح على مكتب احمد وبتدخل وفجأه تشوف ايه
الحلقه السابعه
ريم شايله صنية الاكل وطبعا دى وصايه لريم لانها مصاحبة بنات الكافتيريا
المهم ....
تدخل ريم وعلى وشها اجمل ابتسامه وفى ثانيه تتلاشى الابتسامه وتسمع صوت بيقول
الله الاكل جه ده انا كنت جعانه موووت
ريم تبصلها بصه استغراب على موقفها ... شروق كانت قاعده على المكتب قدام احمد واحمد قاعد على كرسى المكتب
احمد تعالى ياريم واقفه ليه وبيقوم يقابلها تزقه شروق وتبصله وتقوم هى
شروق ايه ياريم كنتى حاسه بينا اننا جعانين هاتى ياريم بجد شكرا ليكى بس تاعبه نفسك ليه
ريم تعب ايه ياشروق مفيش تعب انا عارفه ان احمد مش فطر فجبت اكل ليه وجيت
شروق بس انتى جايبه وجبتين
ريم ليه هو حرام انى اكل معاه
شروق لا عادى يعنى هو مش ليه
ريم كان ليه وبقى ليكى بس ياترى هيبقى فين فى النهايه
شروق تبصلها بصه تعرفها انها فهمت مقصد كلامها
هنا احمد ادخل ...
احمد ريم شروق خير ادخلى ياريم تعالى شروق انتى واقفه ليها كده ليه
هنا بتاخد شروق الصنيه وبتقولها هاتى عنك ياريم وبتروح على احمد
احمد استنى ياشروق انا هنزل اجبلك وجبه
تقاطعه ريم بسرعه لالالا انا اصلا هاكل مع اصحابى تحت معتز ودينا منتظرنى
ولسه احمد هيتكلم بيدخل عم امين
عم امين ..
راجل غلبان جدا بيشتغل فى الكليه ومعاه بنته وبيعمل مشروبات للدكاتره وعنده غرفه جمب مكتب الكتور احمد وريم ديما تعطف عليه وهو بيحبها جدا ودى حاجه مش يعرفها احمد
نرجع تانى للاحداث
احمد لسه هيتكلم يلاقى عم امين داخل بالقهوه والنسكافيه ليه ولشروق
عم آمين اتفضل يادكتور ويبص يلاقى ريم يروح يحط الصنيه على المكتب ويروح على ريم
عم امين ازيك ياست ريم عامله ايه
ريم ست ايه بس ياعم امين هو انا مش زى بنتك بزعل اوى لما بتقولى كده
عم امين ياريت بنتى تكون زيك ياست ريم
ريم ربنا يخليك يارب دى بنتك دى عسل ربنا يباركلك فيها يارب
عم امين تسلمى يابنتى
ريم يلا ياعم امين تعالى علشان عيزاك بعد اذنكم ياجماعه
طبعا كل ده واحمد متابع حديثهم ومستغرب ريم وعجبته اوى طريقة ريم وحنانها مع رجل طيب 
وانها مش اتكبرت عليه وافتكر موقف شروق