رواية قصيرة رووووووعة
لاهلى اتفضلى روحى للى يقدرك وتقدرى تخلفى منه
امينه ارجوك ياعبد الله انا .. انا ..
تعالى صوت والده عبد الله انت جيت ياعبد الله مش تسلم على حماتك منورانا النهارده
عبد الله اهلا ياطنط نورتى
ام امينه انا جايه اسلمك امينه بايدى اهو وهى خلاص عقلت
عبد الله خلاص ياطنط الموضوع خلص
ام امينه لا خلص ولا حاجه دول شويه زعل عيال وحيخلصوا متكبرش الموضوع
عبد الله پغضب ماما لو سمحتى
والده عبد الله يوه طب احكمى انتى ياام امينه شايفه وشه عامل ازاى وامينه برضو مفهاش الرمق .. انتوا مالكوش الا بعض ياولاد متوجعوش قلبى بقى .. تعالى ياام امينه نكمل احنا الاكل ونسيبهم يتصافوا
عبد الله انا حطلع اغير هدومى
امينه وهى تمسك بذراعه انا جبتلك هدومك هنا فى الاوضه وانا كمان جبت هدومى حنعد مع طنط
نظر اليها باستغراب قائلا والله
امينه اه والله ياعبد الله من هنا ورايح حنبقى مع طنط احنا الاتنين
عبد الله بسخريه احنا الإتنين.. ياااه طموحك عالى اوى وياترى حتعدى كل ده مع واحد مبيخلفش ومخبى عليكى
عبد الله عارف
امينه بدهشه عارف وعرفت انى سقطت
عبد الله عارف بردو يمكن ربنا اختارلنا الاحسن عشان منخلفش طفل بين ام واب متطلقين
امينه عبد الله ارجوك سامحنى
عبد الله انا طالع شقتى فوق حعد فيها وانتى اقعدى الوقت اللى يريحك
امينه حطلع معاك
علد الله للاسف مش حيجمعنا مكان واحد تانى
الټفت اليها پذعر ووصل اليها فى خطوه واحده ممسكا اياها فى ايه مالك حاسه بايه
امينه بطنى مش قادره
عبد الله طب ايه الۏجع بتاع العمليه رجع ولا ايه تعالى تعالى ..
وقام بحملها حتى وضعها على الفراش وقام بمناداه والدته ووالدتها ..
نظرت اليها والدتها بخبث فهى تعلم تمثيل ابنتها جيدا فقالت متقلقش حاجه بسيطه حعملها نعناع على ينسون وحتبقى كويسه
ام امينه ملوش لزوم هو الدكتور قال حيجيلها ۏجع كده ونعملها تدليك فى المنطقه دى وحيبدأ يخف
عبد الله طب اعمليلها ياطنط لو ده حيريحها
ام امينه انا حروح اعملها النعناع
عبد الله طب اعمليلها ياماما
والده عبد الله مقدرش ياابنى ايدى بتترعش زى ماانت شايف مفييش اعصاب
عبد الله خلاص قوليلى الطريقه وانا اعملها ياطنط
ام امينه هى تشرحلك بقى حروح اشوف النعناع
خرجت أم امينه وهى تغمز لابنتها واتبعتها والده عبد الله وقد فهمت مايدور بينهما واغلقت الباب خلفها ..
عبد الله قوليلى الۏجع فين بالظبط
امينه مشيره الى اسفل بطنها هنا ياعبد الله بيوجعنى اوى
عبد الله طب اعمل ايه
امينه بهمس حط إيدك عليه حيروح عل طول
وضع عبد الله يده على بطنها ببراءه وهى تقترب منه اكثر حتى ملأ عطرها رئتيه ..
عبد الله كده خف
امينه اه بس فى ۏجع هنا كمان
عبد الله بتساؤل فين
امينه وقد وضعت يده على قلبها هنا
نظر الى عينيها وشفتاها اللتان يقتربان منه وكاد ان يستسلم اليهما لولا تذكره ماقالته ذلك اليوم فانسحب فورا تاركا الغرفه باكملها ..
ابتسمت امينه بحماس فالآن سوف تبدأ لعبه الكر والفر والتى طالما قرأت عنها فى روياتها .. الآن ستعيش لذه البعد بين احضانه.. الآن سينتفض جسدها من جديد عند قربه .. الآن ستعيش قصه حب جديده .. هى بطلتها وهو بطلها .. هو .. عبد الله زوجها .. هو البطل فى يد امينه
النهايه
اتمنى تكون النوفيلا عجبتكوا ووصلكوا المغزى منها .. ابطال الروايات خيال فعشان كده الخيال لازم يكون مكتمل وجميل وبيجمع كل الصفات الحلوة انما واقعنا فيه ابطال برضو مش مكتملين ومش واو انما ابطال ..
ركزوا على النقاط الحلوة اللى فيهم وحاولوا تخلوا حياتكوا حلوة زى الروايات ..
عارفه ان معظم الرجاله مش فاضيين للرومانسيات والكلام الحلو وانه يحسسك ان هو بطلك وعارفه انهم بردو مش فى اجسام ووسامه ابطال الروايات بس لو دورتى حتلاقيه فعلا هو البطل بتاعك وانك من غيره حاجات كتير ناقصاكى .. حتلاقى انك حبتيه كده زى ماهو حتى لو اقرع وبكرش ..
وعاوزة الفت نظركوا ان حتى البطل بتاع الروايه لو لقيتيه فى الحقيقه مش حيبقى كامل كده خالص .. يمكن يبقى وسيم ومعاه فلوس وشركات وفيه كل المميزات الشكليه بس ممكن يطلع بتاع بنات وخاېن ممكن يطلع بيشرب خمره او يلعب قمار يمكن يطلع مش رومانسى وتفكيره كله فى شغله .. حاجات كتير بنحاول منبينهاش فى ابطالنا بس كل انسان عنده الجانبين .. ربنا يسعدكوا وتعمروا بيوت وتطلعوا ذريه صالحه خاليه من العقد والازمات النفسيه
تنويه لكل اللى بيسأل مين البطل اللى رمزتله ب هو وليه مذكرتش اسمه .. بصوا ياجماعه انا سبته لخيالكوا كل واحده تحط البطل اللى اتمنته فى اى روايه قريتها وعجبتها .. انا حبيت ان الموضوع يبقى واقعى مش انى احط اى اسم وخلاص .. كنت عاوزاه ان الروايه دى تمثل اى واحده مننا بتقرا روايات ومتعلقه ببطل معين زى اوس او مراد او كرم او ليث او كريم او احمد او ايهم وغيرهم كتير جدااا ..
فمكنش ينفع احط بطل بعينه ويطلع وحش فى النهايه ..
وفى الآخر طبعا البطل هو جوزها مش بطل الروايات خالص
