روايه رائعه جدا الفصول من الاول الي الخامس بقلم الكاتبة الجليله

بابا 
حاضر 
راحت داليدا تفتح و اول ما فتحت لاقيت بحر قدامها 
يخربيتك كنت فين ده كلو و اخيرا ظهرت 
يا بنتي هو انا كل ما اجي هنا الاقيكي  ..  انتي ملكيش اهل يسألو عليكي 
لا يا ظريف معنديش 
ظريف  !!!!  طب وسعي كده خليني ادخل 
دخل بحر و قفلت داليدا الباب 
فين موج 
جوا في الاوضه بتلم حاجتها  ..  هتمشي النهارده علي فكره 
عارف  ..  هدخلها خليكي انتي هنا  ..  و حسابك معايا بعدين علي كلمه ظريف دي 
دخل بحر ل موج خبط علي الباب جالو صوت موج الي كان واحشو جدا من جوا 
ادخل 
فتح الباب بحر لاقي موج مديالو ضهرها بتحط هدومها في الشنطه  ..  ابتسم و فضل يبصلها 
حمدلله علي السلامه و اخيرا ظهرت 
ضحك علي انها كل مره بتعرف و تحس بوجودو من غير ما تشوفو 
وحشتيني اوي 
ميرسي 
قرب منها و وقفها عن الي كانت بتعملو خلاها تبصلو 
انا عارف اني غلطان و عارف ان مكنش ينفع اختفي و ابعد بالطريقه دي بس والله كان ڠصب عني انا كنت متلخبط اوي الفتره الي فاتت دي و كنت محتاج اكون لوحدي عشان اعرف اخد قرارتي 
و اخدت قرارتك 
ايوه و ده الي جابني لحد هنا 
تمام عن اذنك بقاا عشان انا مش فاضيه زي ما انت شايف 
كانت لسه هتبعد عنو عشان تكمل الي كانت بتعملو لكن بحر شدها من ايديها بسرعه  ..  رجعت وقفت قصادو و عيونها في عيونو 
موج انا بحبك  .....
.