روايه رائعه جدا الفصول من السادس ل العاشر بقلم الكاتبة الجليله

الي حصل و تبعد عننا 
احنا ملناش ذنب و موج عاقله و واعيه و عارفه ده كويس اكيد مش هتاخد قرار ممكن يحرمنا منها هي عارفه احنا حبيناها و اتعلقنا بيها قد ايه 
هز راسو سليم موافقه علي كلام حازم 
المهم روح انت دلوقتي و انا هفضل معاها هنا و لو حصل اي حاجه هكلمك 
خلاص ماشي .. خلي بالك منها و من نفسك 
حاضر متقلقش 
نزل سليم من عند موج و روح و فضل حازم قاعد عندها
فضلت موج ټعيط عند مامتها و زعلانه علي الحال الي هي فيه و الي حصل .. قعدت كتير و هي بټعيط لحد ما نامت من غير ما تحس من العياط
كان نايم حازم علي الكنبه برا و اخدتو نومه من غير ما يحس .. صحي علي صوت الجرس مخضوض .. حاول يفوق و قام فتح الباب لاقى بحر واقف 
بحر تعالي ادخل 
دخل بحر و بصلو 
كلمت موج كتير بس مرديتش عليا فا قلقت و اتصلت ب سليم قالي انها ناسيه تليفونها في البيت التاني و حكالي الي حصل و انها جات هنا فا جيت اطمن 
كويس انك جيت .. من ساعه ما جينا و هي في الاوضه جوا مخرجتش و انا سيبتها هي اكيد محتاجه تكون لوحدها و غالبا هتكون نامت 
طيب انا هدخل اشوفها و اطمن عليها
ماشي
دخل بحر عن موج لاقاها نايمه و ضامه نفسها عليها .. قرب و قعد جمبها و قعد يملس علي شعرها .. شاف اثار دموعها علي خدها زعل و حزن جدا .. حست بيه موج و بدأت تفتح عينيها براحه شافتو قصادها و مبتسم لها 
بحر 
ايه يا روحي 
دموعها نزلت و بدأت ټعيط تاني 
شوفت الي حصل 
شش اهدي انا عارف الي حصل 
قعدت و سندت راسها علي كتفو 
انا معرفش ليه بيحصل معايا كده بس انا بجد تعبت .. کرهت البيت الي هناك ده و مش عايزه اروح هناك تاني يا بحر خلاص 
يا حبيبتي انتي دلوقتي مضايقه فا مش عارفه تفكري .. براحه و بهدوء كده تعالي نحسبها سوا .. هل باباكي و اخواتك كان ليهم ايد في الي حصل ! 
لا 
طب حد فيهم عاملك وحش قبل كده ! 
لا 
طب عمرهم ضايقوكي او زعلوكي
برضو لا 
يبقاا هما ملهومش دعوه ولا ذنب بالموضوع .. بدليل ان حازم و سليم لما عرفو مخبوش الموضوع و سكتو .. و بدليل انهم بلغو علي مامتهم .. و بدليل ان حازم مرمي علي الكنبه برا و سليم نبره صوتو باين فيها قلقو عليكي .. اخواتك و باباكي بيحبوكي يا موج متحاسبيهمش علي حاجه هما ملهومش ايد فيها 
هديت موج و اقتنعت ب كلام بحر 
صح يا حبيبي معاك حق 
ياا ايه !! 
بحر بقاا انت في ايه ولا في ايه دلوقتي 
ضحك بحر 
ماشي يا ستي .. المهم عايزك في موضوع كده 
موضوع ايه 
فاكره يوم ما كنتي خارجه من المستشفى قبل ما تخرجي كنا اتكلمنا و عرضت عليكي حاجه كده .. فاكره الحاجه دي ولا ايه ! 
اتكسفت موج و اتكسفت و بصت للارض 
اه اه فاكراه 
طب ايه يا موج انا ساعتها مسمعتش جوابك و مستني اسمعو دلوقتي .. تتجوزيني يا موجي ! 
بصتلو موج ب عيون كلها فرحه و حب و هزت راسها 
موافقه 
فرح بحر و من الفرحه حضنها .. و بعدين خرجها من حضنو و اتكلم 
في قصه كده هحكيلك عليها بعدين ملخصها ان بابا رجع .. هتكلم معاه النهارده و انتي خديلي معاد من عمو خالد و هاجي اطلب ايدك انا و اهلي منو 
ضحكت موج و كانت مبسوطه جدا 
حاضر 
سلم عليها بحر و خرج من الاوضه 
حازم انا ماشي ادخل ل موج هتحكيلك و تفهمك كل حاجه يلاا بااي 
و مشي قبل حتي ما حازم يلحق يرد عليه .. خبط حازم ايدي الاتتين في بعض بعد فهم و دخل عند موج الاوضه 
اما بحر فا راح جري علي بيتو .. و دخل سأل علي باباه و قعدو و