روايه رائعه جدا الفصول من السادس ل العاشر بقلم الكاتبة الجليله

و ترتاح منكم 
اتنحنحت موج 
موج    احم بابا بالمناسبه الجواز و كده كنت عايزه اقولك علي حاجه
خالد    قولي يا بنتي خير في ايه 
موج بكسوف و هي باصه للارض
موج    بحر عرض عليا الجواز و قالي خدي معاد من باباكي عشان يجي يتقدملي و كده يعني
خالد    بجد الف مبروك يا حبيبتي مبروك 
سليم    بقاا انتي يا اوزعه هتبقي عروسه و يبقاا اختي الي اصغر مني بتتجوز و انا لسه يرضيكي الناس تقول عليا انا الي عنست 
ضحكت موج  
موج    لا يا سيدي لسه بدري عليك متقولش كده انت في عز شبابك 
سليم    ايوه اضحكي عليا بكلمتين كده عموما يا ستي مبروك
موج    الله يبارك فيك عقبالك 
احمد    مبروك يا ست موج ربنا يتمملك علي خير
موج    الىه يبارك فيك يا صغنن 
بثت ل حازم لاقيتو واقف مش بيتكلم و ملامحو زعلانه 
موج    مالك يا حازم انت مش مبسوط ان بحر هيتقدملي ولا ايه 
حازم    لا مش كده فرحتلك والله مبروك يا حبيبتي  ..  بس  ..  بس انا زعلان ان انتي هتروحي و تسبينا و احنا ما صدقنا انك تكوني معانا و في وسطنا 
موج    بس انا مش هبعد و هتقدرو تيجو تزروني في اي وقت اكيد 
حازم    صح معاكي حق مبروك يا ستي و ربنا يتمم علي خير
موج    الله يبارك فيك يا زومتي 
خالد    كلمي بحر يا بنتي و قوليلو بابا مستنيك بكره تيجو انت و اهلك
موج    حاضر يا بابا  ..  عن اذنكم عشان اكلمو
راحت موج عشان تكلم بحر  ..  مسكت تليفونها و اتصلت بيه
الو 
ايوه يا بحر كنت بكلمك بس عشان اقولك اني قلت ل بابا و اخواتي
طب حلو  ..  انتي في البيت
ايوه 
طب البسي هعدي عليكي بعد نص ساعه 
حاضر بس هو في حاجه
مفيش عايز اتكلم معاكي شويه بس
حاضر هلبس و استناك
تمام
لبست موج و اول ما خلصت لاقيت بحر وصل نزبت و ركبت معاه  ..  اخدها بحر و راح بيها عند الكافيه الي كانو بيقعدو فيه دايما  ..  دخل و قعدو علي الترابيزه الي متعودين يقعدو فيها  ..  طلب اتنين قهوه 
اول مره قعدنا مع بعض كان هنا فاكره
ايوه طبعا فاكره مقدرش انسى
بحر اخد نفس و سكت كان باين عليه انو في حاجه
مالك يا حبيبي في ايه
كان لسه هيرد لكن الويتر جيه حط القهوه قدامهم و مشي  ..  بصتلو موج و محبتش تعيد سؤالها تاني عشان متضغطش عليه كانت عايزه يتكلم لوحدو  ..  شرب بحر من القهوه بتاعتو و بصلها و بدأ يتكلم
كان عندي 4 سنين لما بابا مشي و سابنا  ..  سابنا بسبب انو اټخانق مع شريكو في الشركه و فضو الشړاكه الي بينهم  ..  قال ل ماما مش هقدر اعيش هنا في مصر بعد ما اتخانقت مع شريكي و فضيت الشړاكه بينا  ..  مكنش سبب مقنع ماما سألتو كتير عن السبب ده لكنو رفض يقولها و اكتفى بالسبب الي مش مقنع ده  ..  قال ل ماما انو هيسافر برا و يبدأ حياتو هناك  ..  ماما رفضت انها تسافر و قالت انها مش هتخرج برا مصر ابدا  ..  حاول ياخدني انا و ياسمين معاه و لكن ماما رفضت برضو  .. و هو مفكرش يتراجع عن سفرو و يقعد معانا هنا لا اتخلى عننا و مشي  ..  لما كبرت شويه فكرت كتير ايه الي يخلى يسافر كده و يسبنا لاني عمري ما كنت مقتنع بالسبب الي قالو  ..  فكرت انو ممكن يكون متجوز واحده تاني  ..  او قاټل حد و بيهرب  ..  او سارق فلوس من الدوله او من حد و خاېف يتعرف  ..  فكرت كتير و لكن كلها كانت مجرد افكار لاني عمري ما عرفت السبب الحقيقي ايه  ..  و لحد دلوقتي مش عارف  ..  بابا رجع من كام شهر  ..  رجع بعد 24 سنه لا و فوق كل ده كان عايزنا نستنى بأيدين مفتوحه و حب كانو كان قاعد اليوم الي قبلي معانا علي العشاا  ..