روايه رائعه جدا الفصول من السادس ل العاشر بقلم الكاتبة الجليله

بحر و سليم الشنط في العربيه .. خلصو و بصو لاقو خالد و داليدا بس الي نازلين 
سليم امال فين موج ! 
داليدا طلبت خمس دقايق تبص علي البيت و تنزل بس 
سليم ماشي 
بحر طب عن اذنكم هطلع اشوفها ممكن تحتاج حاجه 
طلع بحر ل موج .. دخل شافها واقفه بتبص علي البيت في كل ركن و دموعها بتنزل .. قرب ناحيتها فا حست بيه .. بصتلو بحزن و اترمت في حضنو و قعدت ټعيط 
ششش بټعيطي ليه بس يا حبيبتي دلوقتي 
مش متخيله اني بسيب البيت هنا و بروح مكان تاني .. هو انا كده بخون ذكرى ماما يا بحر و لو كانت موجوده كانت هتزعل مني اكيد صح ! 
لا طبعا يا موج ايه الي انتي بتقولي ده 
رفع راسها و بدأ يمسح دموعها 
مامتك لو كانت موجوده و شايفه الي بيحصل ده كانت هتفرح اوي انك و اخيرا هتبقي مع باباكي و اخواتك و ليكي سند و اهل و هتكوني في وسطهم اكيد كانت هتبقاا مبسوطه بكل ده 
ابتسمت موج 
مش عارفه من غيرك كنت هعمل ايه .. دايما كده كلامك بيديني دفعه اكمل و مش بكون متردده ابدا
احنا في الخدمه علي طول يا موج هانم 
ضحكت موح و حضنتو تاني 
ربنا يخليك ليا يا بحر 
و يخليكي ليا يا موجي .. يلا بقاا عشان منتأخرش علي باباكي و اخوكي تحت 
يلا 
اخدها بحر و نزل بيها و سلمت عليه و سلمت علي داليدا و ركبت مع سليم و باباها و مشيت .. راح بحر علي الجاليري بتاعو .. اما داليدا فا رجعت بيتها .. و موج كانت وصلت البيت مع باباها و اخوها .. نزلت من العربيه وقفت تبص علي البيت و هي جواها خوف و توتر كبير .. اتمنت لو كان بحر معاها عشان يطمنها زي كل مره .. في اللحظه دي وقف جمبها سليم و بصلها حس انها متوتره طبطب علي كتفها 
يلا مټخافيش كلهم جواه بيحبوكي قبل ما يشوفوكي و مستنينك و متأكد انك هتحبيهم 
ابتسمت لسليم و هزت راسها بالمواقفه و مشيت معاه .. متنكرش ان سليم عرف يطمنها بكلمتين 
دخلت حلم البيت لاقيت شابين واقفين و ست كبيره شويه في العمر زي باباها في انتظارها .. حاولت تبتسم بتوتر ليهم .. جيه سليم من وراها 
سليم دول بقاا يا ستي اخواتك .. حازم الي هو يعتبر توأمك لانو قدك في السن 
موج بابتسامه ازيك يا حازم 
قرب منها حازم و حضنها علي طول 
حازم ياااه و اخيرا جيتي انا كنت مبسوط ان و اخيرا هتيجي اخت بنت ليا و كمان قدي في السن 
اتخضت موج بس فرحت لرد الفعل الحلو ده حضنتو هي كمان .. بعدو عن بعض فا بصلها و شاف ملامحها 
حازم ايه ده يا بابا دي طلعت حلوه اوي .. طب هو ينفع نغير الاوبشن و تبقاا مراتي بدل اختي عادي 
كلهم ضحكو 
خالد يا بني بس البنت لسه جايه مش من اولها كده 
سليم حازم كده يا موج بيحب يهزر علي طول .. اما ده بقاا يا ستي اخر العنقود بتاعنا .. احمد .. احمد اصغر منك انتي و أدم ب تلات سنين .. تعالي سلم علي اختك الكبيره يا احمد 
قرب احمد و سلم علي موج باسها من خدها 
احمد اختي الكبيره بقاا اعمل الي انا عايزو .. اول مره ابوس بنت حلوه اوي كده 
ضحكت موج ربنا يخليك ده انت الي قمر 
سليم يا جدعان البنت لسه داخله البيت مش كده 
احمد اسكت انت ملكش دعوه متدخلش بينا و بين اختنا 
سليم يا سلام ما هي اختي انا كمان .. يلا ياض انت و هو من هنا 
ضحكت موج علي طريقتهم و حبيتهم جدا .. باباها كان معاه حق هي فعلا محستش انها غريبه وسطهم 
خالد تعالي يا بنتي اعرفك علي اهم حد في بيتنا و عيلتنا 
مسك ايديها و راح بيها ناحيه الست الي واقفه جمبهم 
خالد دي بقاا سهير مامت اخواتك و هتبقاا مامتك انتي كمان من النهارده 
سهير انا مش مامتها ولا عمري هبقاا مامتها ....
. 
. البارت السابع 
خالد دي بقاا