روايه حلوه اوي الفصول من الواحد ل الخامس بقلم الكاتبة الجليله
لازم اغير هدومي ..
يكون احسن بردوا ..
ثم قال
هطلعلك بيجامة من شنطتك ...
واتجه نحو الحقيبة وسحب احدى بيجاماتها وهو يقول
ابقي علقي هدومك فالخزانة بدل مانتي سايباها فالشنطة كده ..
ثم اعطاها البيجامة ليجدها تستند عليه وهي تنهض من فوق السرير وتسير نحو الحمام ..
دلفت الى الداخل وغيرت ملابسها بتأني ثم خرجت وهي تعرج على قدمها المصاپة لتتجه نحو طاولة التجميل وتجلس أمامها ثم تبدأ بفك تسريحة شعرها تحت انظار جاسر المستمع بما يشاهده .. انسدل شعرها الحريري على ظهرها ثم بدأت تخلع العدسات الطبية وترتدي بدلها النظارة قبل ان تتجه بخطوات بطيئة نحو السرير وتتمدد عليه ..
ظل صامتا للحظات قبل أن يسألها
نمتي ..!
اجابته بخفوت
لسه ..!
الټفت نحوها وظل ينظر اليها قليلا ثم قال بعدما التفتت هي الاخرى نحوه وظلت تنظر اليه
جبتي منين حكاية الستات دي ..!
رمشت بعينيها قليلا قبل ان تسيطر على ارتباكها وتقول
تطلع اليها بصمت قليلا قبل ان يعاود سؤالها
جاوبي على سؤالي يا ملك ..
ردت ملك بجدية
انا مكدبتش يا جاسر .. انت فعلا كده ..
عرفتي منين ..!
ردت بخفوت كاذبة
شفتك مرة بالصدفة مع وحدة ست قاعدين فكافيه ..
قال بسرعة
هنكدب من اولها .. انا عمري مقعدت مع وحدة من صحباتي فكافيه ..
يعني بتعترف انوا عندك صحبات ..!
رد بضيق
مجاوبتيش على سؤالي ..
لا جاوبتك ..
منا قلتلك عمري مقعدت مع ست اعرفها فكافيه ...
زفرت انفاسها وقالت
جايز كان مطعم ومخدتش بالي ..
ولا مطعم حتى ..
نظرت اليه بغيظ ليسألها
ايه ..! القطة اكلت لسانك ...
نظرت اليه بتردد وقالت
انا شفتك ..
شفتي ايه ..!
ردت بخفوت
شفتك فالصور مع كذا بنت فوضعيات مش حلوة ..
جحظت عينا جاسر وهو يسألها
شفتيني امتى وازاي .!
اغمضت عينيها قليلا قبل ان تجيبه
الكلام ده قبل جوازك من ريم بيوم ... وهو ده السبب اللي خلاها تهرب .. وانا لما شفت الصور ساعدتها عشان تهرب يوم الفرح ..
