روايه جميله اوي الفصول من الاول للرابع بقلم الكاتبه الجليله
سيد سيده
وفضلت اعيط اسبوع بحاله وانا مش بخرج من الاوضه
والصدمه التانيه اللي جت
لقيت ماما بتقولي ...
اخرجي من اوضتك بټعيطي علي اي بس
عشان تعرفي انك كنتي لعبه
اهو خطب ضحي وهيتجوزها الخميس الجاي
وانا بسمع الكلام ده دماغي لفت ومبقتش قادره اقف واغمي عليا
ولما فوقوني فضلت ابكي
كنت فاكره ان اغلي حاجه راحت مني
بس مكنتش اعرف ان هيروح الاغلي
وطبعا احنا مش هنروح
مش قادره اتخيل أنهم مع بعض
مش هتحمل نظرة ضحي ليا
اكيد كل ده من تخطيط صباح عاوزه ټحرق قلبي وټحرق قلب امي عليا وتشعلل حكاوي للناس تحكيها عني
فضلت قاعده افكر
والساعه كانت حوالي عشره بليل وزمان الفرح ابتدي
باب الشقه اتفتح واتقفل
خرجت لقيت ماما واقفه قدام الباب
ماما هو بابا خرج ولا اي
لا مش رايح ده في تليفون جاله رقم غريب بيقوله أن المحل اتسرق
يالهوووي اتسرق ازاي ومين اللي سرقه
ما ابوكي راح يشوف بس انا قلبي مش مطمن
خير يا ماما خير متقلقيش
وفضلنا قاعدين مستنين تليفون من بابا يطمنا
وماما حاولت تتصل بيه بس تليفونه كنسل مره اتنين تلاته وبعدين اتقفل
لحد الساعه واحده بليل ومفيش حس ولا خبر وانا وماما هنتجنن
لا انا قلبي واكلني عليه انا هنزل
هتروحي فين يا ماما بس دلوقتي
هروح القسم ابلغ أو اروح المحل اشوف في ايه
طب اصبري يا ماما انا جايه معاكي
وفجأة جت رساله ع التليفون
بسرعه يا ماما شوفي
فتحت بسرعه
موبايله اهو اتفتح
رنت عليه رن رنتين وبعدين ردت ....
الو يا عادل انت فين كده تقلقني عليك
وفجأة سكتت ولقيت التليفون وقع من أيدها ووقعت مرميه ع الأرض
جريت عليها
ماما ماما فوقي
مسكت التليفون وقولت ...
الو يابابا إلحقني
لقيت راجل غريب بيرد عليا وبيقول ....
