روايه زين الفصول من الاول الي السادس

من الوسط بشريط ستان ونازل بوسع وشكلو جميل تروح قدام مرايتها تتبسط اخيرا انها مش هتلبس النضارة وتسرح تسريحه غير المعتاده وتفرد شعرها بطريقة جميلة وتحط ميك اب خفيف وبسيط   
يارا والجمال ده كلو رايح علي فين  
رسل اولا لازم ازور البحر طبعا وممكن لما اخلص قعدتي معاه ارن عليكي تجيلي نتفسح  
يارا ماشي يختي  
تنزل رسل وتاخد فونها وتتمشي شوية ف يلقط التليفون شبكه تلاقي رسايل كتير اوي ومكالمات فائتة اكتر من رقم غريب ف ميعديش شوية وتلاقي نفس الرقم بيرن  ف تستني شوية وترد  
رسل الو 
زين اخيرا رديتي !! انتي كويسه طمنيني عليكي فيكي ايه !! 
رسل زين اه يا زين كويسه الحمدلله هو في ايه 
زين في ايه !!! مختفية بقالك عشر ايام وكل يوم بتصل عليكي وتليفونك مقفول وادور عليكي في كل حته مش لاقيكي وتقوليلي في ايه ! 
تبتسم رسل لما تحس انو قلق عليها  
رسل والله التليفون مش مجمع شبكه عندنا في البيت 
زين علي فكرة انتي عصبتيني ! انتي فين 
رسل في ايه ياز..
زين اخلصي انتي فين انا محتاج اشوفك ! 
رسل انا قريبة من البحر يا زين 
زين خلاص استنيني عند خمس دقايق وهكون عندك 
ينزل زين يركب عربيتو ويروح عند المكان يلاقيها واقفه بضهرها يروحلها ويشدها من دراعها ناحيتو بعصبيه  
رسل في ايه يا زين ايه اللي حصل لكل ده 
زين انتي بتستهبلي يا رسل !! انا كنت هتجنن عليكي عشان بس اعرف اوصلك !! 
تبتسم رسل بفرحة انو خاېف وقلقان عليها .. تبص في عنيه تلاقيه متعصب وعلي اخرو ف ابتسامتها توسع وتتقلب لضحكه  
زين انتي بتضحكي علي ايه متنرفزينيش ! 
تمسك ايدو وتحاول تريحو  
رسل طب اهدي بس انت مضايق ليه دلوقتي  
زين عشر ايام يا رسل مش بشوفك ولا عارف عنك حاجه وبدور عليكي مش لاقيكي كل يوم بروح المدرسه كنت بستناكي تيجي ومش بتيجي وكان اليوم بيعدي بطيء وبارد واخلص اروح الحضانه محدش يعرف عنك حاجه وبرن عليكي تليفونك مقفول كنت هتجنن ! 
رسل طب اهدي عشان خاطري انا والله كويسه  
زين برضو بتقوليلي اهدي 
رسل ايوة انت متعصب ليه دلوقتي منا كويسة اهو  
زين وانا اضمن منين انك مش هتعملي فيا كده تاني 
رسل ياسيدي وحياتك عندي ماهعمل كده تاني  
يهدي ويبص للبحر بعدين يبصلها ويبدأ ياخد بالو انها مش لابسه النضاره وانو اول مره يشوفها زي القمر كده  
زين وايه القمر ده انتي كمان ! 
رسل والله  
زين لا استني ايه ده بجد ايه الجمال ده انا اول مره اشوفك كده  
رسل يعني مبسوطه بقا عشان عملت عملية عيني وكده  
زين ده كويس انك شيلتي النضارة عشان اشوف العيون دي  
رسل اهو انا كنت غايبه عشان العمليه وغلط اني اطلع من البيت  
زين ياستي انا اسف اني اتعصبت عليكي وزعقتلك وحمدلله ع السلامه انا ميهمنيش غير انك تكوني بخير  
رسل الله يسلمك يا زين وانا اسفه اني اختفيت بس حقيقي مكنتش عارفه اوصلك  
زين حصل خير تعالي نتمشي شوية 
ويفضلو يتمشو ع البحر وهما الاتنين حاسين بالفرحه ماليه قلوبهم 
رسل تعرف ان شكلك كان حلو وانت متعصب  
زين ايه ده بجد اتعصب تاني يعني  
رسل مش الفكره بس حبيت انك خاېف عليا  
زين الفكره مرعبه .. لو كان جرالك حاجه الحقيقه مش عارف كان ممكن يجرالي ايه 
رسل اطمن انا بخير  
زين يارب دايما انتي كنتي مستنيه حد ولا ايه 
رسل لا كنت مخڼوقة م البيت وقولت انزل افك شوية 
زين يعني انتي نازله ع البحر كده ولوحدك ! 
رسل اه ايه المشكله يعني 
زين وافرد حد عاكسك ولا جه جمبك وانتي متشيكه كده هتعملي ايه 
رسل همد شوية  
زين اتفضلي عصبيني تاني يلا  
رسل متقلقش يا زين الناس هنا محترمه وبعدين انا مش حلوة للدرجه يعني 
زين طب اكتمي بقا قال مش حلوة قال  
تضحك رسل وميعديش شوية ويجي واحد يمشي ورا رسل ويهمسلها  
الشاب يا ازرق ياللي خطفت قلبي بنظرة وخطوتك داست علي قلبي  
تسمعو رسل وشها يحمر وتسكت وتمسك في ايد زين وتشد عليها يحس انها متوتره يبص وراهم بس يلاقي واحد ماشي وباصص بعيد 
زين في حاجه يا رسل 
تخاف تقولو ويتعارك معاه ف تسكت  
رسل لا انا تمام مد شوية بس  
زين ليه 
رسل يعني عشان منتاخرش
يمشو ويحس زين بحد ورا رسل يبص يلاقيه نفس الشاب وباصص بعيد  
زين استنيني هنا هروح اجيب حاجه ناكلها 
رسل وهي بتشد علي ايدو زين لا 
زين في ايه ! 
رسل بلاش تسبني  
زين هو في حاجه  
رسل لا .. لا يازين مافيش حاجه 
زين طب خليكي هنا ثواني 
ويبص زين ع الشاب ويمشي يقرب الشاب من رسل  
الشاب ايه يا قمر احسن انو مش برضو وخلاني اعرف اتكلم