روايه زين الفصول من السابع الي الثاني عشر

كان زمانك مرميه في البيت وبتعيطي علي حظك وانك اتسرقتي  
يبص في عنيها يلاحظ الدموع فيهم يسيبها ويفضل يضرب في الحيطه من عصبيتو ومن ضيقو انو اتعصب عليها وقالها الكلام ده 
رسل انا بكرهك يا زين انت سامعني بكرهك  
وټعيط وتمشي تركب وتروح بيتها وتجري علي اوضتها وتفضل ټعيط .. ټعيط وتفتكر كل حاجه وكل لحظة عاشتها مع زين تمسح دموعها وتقعد مع اسر لغاية معاد الحضانه وتوصلو الحضانه بتاعتو وتروح بيتها تغير هدومها تلبس فستان اسود بنص كم وواسع وطويل وبحزام من الوسط وتروح بيت زين  
اسماء ازيك يا بنتي عامله ايه  
رسل ازي حضرتك يا طنط وازي جودي 
اسماء بخير يا بنتي  
ينزل زين وجودي بس متهتمش رسل  
رسل الحقيقه يا طنط انا جايه عشان اقول لحضرتك تودي رسل الحضانه عشان انا مش هقدر اديها درس تاني  
اسماء ليه بس كده يابنتي هي ضايقتك في حاجه 
رسل لا والله دي ربنا يحميها عسولة بس انا تعبانه والفتره الجايه مش هقدر اني اديها او ... او اجي هنا اصلا .. عن اذن حضرتك 
اسماء طب استني اشربي العصير حتي 
رسل ملهوش لزوم والله تسلمي عن اذن حضرتك 
وتمشي يبص زين لامو ف تشاورلو بعنيها علي رسل ف يطلع يجري وراها 
زين انتي بتعملي فيا كده ليه 
رسل وانت عملت فيا كده ليه  
زين ياستي انا مستعد ل اي عقاپ بس متتجاهلينيش وتسيبيني .. كام مره اقولك متسيبينيش وانتي وعدتيني ودلوقتي عايزة تسيبيني  
رسل طب منا كام مره اطمنتلك وطلعت بتضحك عليا ف الاخر  
زين رسل انا حبيتك بجد 
رسل وانا مغفلة وحبيتك بس اوعدك كل ده هيخلص قريب .. 
تمشي رسل يمسكها زين من دراعها ويشدها ليه ك حركة معتادة  
زين متسبينيش يا رسل  
رسل سبني يا زين لو سمحت  
يبصلها في عنيها جامد ويسيبها وتمشي ويدخل هو البيت ويطلع علي اوضتو يخبي وشو بين كفوفو ويحاول يهدي من نفسو ويحس انو بيعرق ومخڼوق يقوم يحط دماغو تحت الماية وتندمج المايه بكام دمعة نزلو من عينو وهو مش حاسس وامو بصالو من بعيد مش عارفه تعملو حاجه تجبلو فوطه وتنشفلو شعرو وينزلو يقعدو وتعملو عصير من اللي بيحبو وتقعد جمبو وتسند دماغو علي كتفها  
زين معقول يا ماما اللي بيغلط مبيتغفرلهوش .. 
اسماء طب انت مقولتلهاش من بدري ليه يابني  
زين كنت عارف ان ده هيحصل .. كنت عايز اشبع منها قبل متسبني بس مش عايزها تسيبني عارف اني غلطان بس انا بقولها عاقبيني ب اي طريقة انشالله كنت اتفصل مع حور مكنش هيفرق معايا .. انا مش عايز في الدنيا غيرها 
تعدي شهور وكل يوم زين بيحاول يكلم رسل ويتصل بيها او يشوفها ومن غير يأس .. وهي رافضة تماما مع انها تعبانه جدا من غيرو .. طلعت رسل المركز الاول في المشروع وفازت بالمنحه وهتكمل دراستها بره هي وخمسه كمان كانت مدارسهم بتعمل نفس المشروع .. عدت الامتحانات وزين كل يوم كان بيحاول يوقفها ويتكلم معاها وكانت بتمشي بسرعه او بتتجاهلو وبكذا طريقة بتمنعو .. قاعده رسل في البيت بتحضر شنطة السفر تلاقي الباب بيخبط وفي بوكية ورد وهديه جمبو تمشي خطوتين تبص ع السلم متلاقيش حد تدخل تاني .. يتنهد زين ويقوم من جمب السلم وينزل ويمشي ويتصل بيها ف ترد  
رسل انت اللي بعت الهديه 
زين هديه هدية ايه 
رسل زين متستهبلش  
زين ايوة انا 
رسل ودي بمناسبه ايه 
زين مش ناسي عيد ميلادك  
رسل وهديتك مش مقبولة .. تقدر تيجي تاخدها 
زين متقدريش تجبريني اخدها 
رسل عادي جدا ممكن ارميها 
زين ارميها او احرقيها انتي حره يا رسل  
تسكت شوية ف يسكت هو كمان وهو عارف ومتأكد انها بټعيط  
زين ممكن متعيطيش 
لما تعرف انو عرف انها بټعيط تزيد اكتر ف العياط وټعيط بصوت  
زين بتعملي فيا وفيكي كده ليه يا رسل 
رسل سلام يا زين  
تقفل وتدخل اوضتها تفضل باصه علي بوكيه الورد وتبتسم وتشيلو جمب سريرها تطلع بوكس الهديه تلاقي سلسله عباره عن كتاب صغير ومقفول تفتحو تلاقي صورهم سوا وكل متقلب صفحة تلاقي صورة مختلفة تبتسم وتدمع وتقفل الكتاب وتلبس السلسله وتخبيها في هدومها تلاقي خاتم فضة بشكل كانت ھتموت عليه 
فلاش باك 
ينزلو من اللعبه دايخين الاتنين ورسل بتضحك بفرحه وهو شايفها ومبسوط  
رسل شكرا بجد انك جيت معايا وطاوعتني وانا تافهه اساسا  
زين يباشا انت تؤمر  
يفضلو يتمشو ووهما ماشيين جمبهم محل بيبيع اكسسوارات فضة يلفت انتباهها خاتم علي شكل تاج بس جميل اوي يلاحظ زين بس ميعرفهاش انو فهم  
زين ايه وقفتي ليه 
رسل جميل الخاتم ده  
زين اه شكلو جميل 
رسل جدا يلا بينا بقا قربنا ع الكافيه اللي بحبو 
اند باك 
تبتسم وتلبس الخاتم تلاقيه علي مقاسها بالظبط .. تشيلو في علبتو وتحطو تاني ف البوكس تلاقي معاه دبدوب باندا صغير ف تضحك وتقفل ع البوكس وتحطو في شنطه السفر تمسك بوكيه الورد وتشمو تلاقي ورقة تفتحها  
مش بنسي اي تفصيلة تخصك سواء كانت صغيره او كبيره عارف انك تقريبا كرهتيني وده حقك انا مش زعلان منك .. بس متبعديش عني بالطريقه دي منتي عارفه اني مينفعش اكمل من غيرك بتمني منك تسامحيني احنا بني ادمين وبنغلط وانا اسف انا غلطي كان كبير بس والله اسف عايزك تعرفي انك وحشتيني اوي ووحشتني كل لحظة معاكي واخر حاجه هقولهالك انا بحبك بجد .. مهما عملتي فيا ومهما بعدتي عني انا بحبك بجد ومش هيأس  
تقرا الورقة مرة واتنين وتلاته وتمسح دموعها وتحطها هي كمان في الشنطه .. تاخد كتاب كانت ديما بتقراه وتاخد ورده من البوكية وتحطها في وسط ورقات البوكيه وتحطو في الشنطه وتفضل قاعده مع اسر ويعدي اليوم وتنام ... اليوم اللي بعدو 
اسر هتسيبيني يا رسل  
رسل ياحبيبي متقلقش انا كل فترة هجيلكو زيارة  
غسان رسل هقولك تاني .. اي ثانيه تكوني فاضيه فيها تكلميني وتطمنيني عليكي 
رسل حاضر يا غسان والله 
يارا رسل خدي بالك من نفسك  
رسل متقلقيش يا يارا عليا  
تسلم علي كلو وتركب تاكسي مع غسان وفي طريقهم للمطار يرن عليها زين Video Call تتنهد وتبص لاخوها  
رسل هو يعرف اني مسافره انهارده 
غسان لا .. محدش قالو  
تفتح رسل عليه  
رسل ابن حلال .. كأنك حاسس وبتكلمني تودعني  
زين اودعك! 
رسل انا مسافره انهارده يا زين  
يسكت زين شوية وتحمر عنيه  
زين وراجعه امتي  
رسل مفتكرش الفتره الجاية ممكن اجي خالص  
ميتمالكش اعصابو وتنزل دموعو ڠصب عنو يحط ايديه علي وشو يحاول يمنع الدموع تشوفو رسل متقدرش وتنطشي من العياط  
زين انتي بتعملي كده ليه  
رسل كان لازم احرمك مني الفتره اللي فاتت عشان يوم ما اسافر متزعلش
عليا وتنساني بسهولة حتي وانا بحبك   
زين انا ولا نسيتك ولا هنساكي ولا هفكر .. مستحيل انساكي  
رسل شوف حالك من غيري يا زين انا كنت فترة ف حياتك وجه الوقت اني ابعد ومتعرفش عني حاجه بعد كده  
زين انتي نفسك لا يمكن تكوني مصدقة اللي بتقولية ده .. انتي حالي وحياتي انتي بتطلبي مني اموت 
ټعيط اكتر ومتقدرش وتبصلو اخر نظرة  
رسل هتوحشني يا زين اوي  
وتقفل التليفون