روايه زين الفصول من السابع الي الثاني عشر

تسلم علي اخوها مرة تانيه وتحضر الاكل ويقعدو ياكلو سوا  
غسان بس انا حاسك خسيتي كده وبطنك لزقت في ضهرك مالك يا بت  
رسل والله يا غسان الايام صعبه اوي بروح المدرسه الصبح وارجع اروح ادي لبنوته درس ف بيتها بعدين ارجع اعمل غدا واكل انا واسر بعدين بقا افضل سهرانه طول الليل في المشروع ده جمب مذاكرتي
غسان طب يا رسل انا جيت اهو وهبدأ شغل من تاني مظنش انك هتحتاجي تروحي تشتغلي بعد المدرسه 
رسل انا حابه ده يا غسان هو مش مجرد شغل وخلاص وبعدين اديني ابقا مع اسر  
غسان طب كنت عايز افاتحك في موضوع كده واخد رايك  
رسل جول  
غسان انا عايز اتقدم ليارا  
رسل بتهرج . 
غسان لا والله مبهرج انا بحبها  
رسل منا عارفه يا ولا يا شقط يا لقط انت قال يعني مكنتش باخد بالي وانت بتبصبصلها قبل الجيش ولهفتك عليها كل متكلمنا Video Call  
غسان طب مانتي قرده اهو وعارفه كل حاجه امال اټصدمتي ليه  
رسل بعيش الدور بقا وكده بما اني اخت العريس بقا  
غسان طب ياختي المهم  
رسل هاا  
غسان تفتكري ممكن اهلها يوافقو عليا .. اقصد ان زي منتي عارفه انا مش جاهز ف اي حاجه ولسه هظبط نفسي من الاول وجديد الفكره كلها ان انا عايز يبقا في حاجه رسميه بينا عشان لو حبيت اكلمها او اشوفها فهماني 
رسل فهماك .. سيب الحوار ده عليا ده انا ممكن اقلب اراجوز بس يوافقو انت عارف اختك تموووت ف الافراح بعشق الزيطه  
اسر وانا كمان هتجوز جودي 
غسان مين جودي دي يا ولا  
رسل اللي بديها الحصه في البيت يا سيدي الولا مهبول بيها  
غسان وانا موافق ياعم نتقدملها  
اسر هييييه انا بحبك اوي  
رسل يلا ماهي ظاطت 
زين بخي اللي جواكي يا حور وخلصيني 
حور هي بقت كده يعني يا زين !! خلاص بقيت كخه عشان ست رسل !! 
يمسكها زين من دراعها ويضغط عليه جامد  
زين هو انا كام مره هقولك متجبيش سيرتها !  
حور انت كده بتغلط واسمعني بقا يا زين المشروع ده كان هيتسرق وكنا هنقدمو احنا الاتنين وتيجي المنحه بأسمنا ونسافر بره ويادار مدخلك شړ .. انما بقا بما ان حضرتك عملتلي فيها دور تومكروز والبت عجبتك ف اشبع بيها حلو يباشا بس متقفش ف طريقي ! المشروع هيتسرق وهخلع انا وطبعا انت هتساعدني في مقابل اني اسكت عشان انا ممكن في ثانيه كده اخليها تتحول عليك واعرفها كل حاجه واظن كمان السنيورة متعرفش ان انت اللي كنت قايل للبنات يتلمو عليها يضربوها تاني يوم دراسه ! بلاش انا يا زين عشان انا معبيه كتير وصدقني لو اتكلمت انت اللي هتخسر مش انا !  
وتمشي وتسيبو يفضل متعصب ويروح ع بيتو ويطلع اوضتو يكسر في كل حاجه لحد ما يتعب ويقعد ع السرير يفكر ويخبي وشو بين كفوفو ويفضل يعيط بحړقة وخنقة  
زين يعني كل حاجه وحشه كنت بعملها هتتقلب عليا بعد متعدلت شوية ! يعني اللي بسببها وعشانها اتغيرت وبتغير وهتغير في كل الحالات هتضيع مني انا بحبها اوي 
الحلقة 9 
غسان يعني نقرا الفاتحه يا عمي  
ابو يارا نقرا الفاتحه يابني  
يقرو الفاتحه كلهم وتشتغل الزغاريط في البيت وتفضل رسل مبسوطه وبتسقف  
رسل وافرحي يا عروسة انا العريس يا عروسه يا عروسة انا العريس  
يقعدو يتفقو علي شوية حجات ويحددو معاد الخطوبة اخر الاسبوع وتنزل رسل وغسان واسر مبسوطين ويروحو علي بيتهم يشغلو اغاني ويفضلو يرقصو سوا ويعدي اليوم والكل مبسوط ومرتاح الا زين ... بقالو يومين قاعد يفكر بخنقة ومش متخيل هيعيش ازاي لو بعدت عنو وتايه بين افكارو  .. بعد كام يوم 
غسان ايه يا حببتي انتي ماشيه 
رسل اه يا سوسو انت هتمشي امتي  
غسان ما تبطلي بقا ام الاسم العره ده يعني ع الساعه 9 كده 
رسل طب قبل ما تمشي ابقا ودي اسر ل يارا عشان ميقعدش لوحدو في البيت لغايه ما اجي  
غسان من عنيا لو عايزاني اوديه دلوقتي فل خالص  
رسل بدأناها بنحنحه يخويا  
غسان انا حر يختي  
رسل طب يلا انا ماشيه 
غسان رايحه فين 
رسل رايحه يومين الغردقة فسحه بقا وكده  
غسان يا ظريفه  
رسل متقول لنفسك يا جدع انت انا غايرة ف داهيه اغسان  
تنزل رسل تقابل حور وحور مش طيقاها 
حور ايه تسليم المشروع الاسبوع الجاي خلصتيه ولا ايه 
رسل فاضلي حجات بسيطه كده وهيخلص بس غريبه بتسالي ليه !
حور يعني عشان نسلموه سوا ونأجز سوا وكده  
رسل صح بقولك خطوبة اخويا بكره وانتي اكيد هتيجي  
حور اكيد يا حبيبي  
رسل خدي الكارت اهو والله لو مجيتي هزعل منك 
حور ايه ده انتي جايبة كارتين الكارت التاني ده لمين  
رسل ل زين .. الحقيقه هبقا مبسوطه اوي لو جه  
حور هو انتي ايه حكايتك بالظبط مع زين  
رسل متخيلتش في يوم ان ده يحصل بس الحقيقه اني حبيتو  
حور لا فل اوي 
يوصلو ع المدرسه يحضرو الطابور ويطلعو ع الفصل وزين كل شوية عنيه عليها ويحضرو الحصص كالعاده ويجي وقت البريك  
خالد زين اتغير اوي 
ادم وانا لاحظت جدا الموضوع ده 
خالد ده يابني في الفصل قاعد سرحان وباصص ع رسل وفي البريك يروح يقعد معاها  
ادم يابني حتي كنا بعد المدرسه نروح نلعب بلايستيشن سوا بقا بيقعد في البيت عشان بتروح تدي درس لاختو وبيستني يشوفها 
خالد مكنتش فاكر ان الموضوع هيقلب جد كده ده زين هو اللي مخطط لكل حاجه من الاول ! 
ادم اينعم انا مكنتش مستفيد اي حاجه وانتو اللي رسيتوني ع الموضوع يوم خناقة البنات بس كده كل حاجه هتبوظ من اللي كان زين وحور مخططنها 
خالد ياعم هما حرين سوا اهم حاجه برا عننا احنا 
غسان يا صباح العنبر ممكن نمبر   
يارا لا حبيبي قالي مديش رقمي لحد غريب  
غسان وياترا بتحبي حبيبك اد ايه عشان تسمعي كلامو كده  
يارا اد اكبر اي حاجه انا بحبو كتير  
غسان كلمني علي فكره وبلغني انو بيحبك اكتر بكتير  
يجي اسر من وراه يشدو يرجعو لورا ويدخل يارا جوه ويقف في النص  
اسر رخمين  
يارا اسفه يا استاذ اسر  
اسر مسحتي الالعاب !!!
يارا والله ابدا هو انا اقدر 
غسان جبانه اوي  
يارا بس اسكت ده شرير متعرفش بيعمل فيا ايه 
غسان ايوة مسيطر زي اخوه  
اسر هتتاخر علي فكره  
غسان حاضر يا استاذ اسر مش محتاج حاجه يعم الحج  
اسر لا  
غسان يلا مع السلامه بحبك  
يارا وانا كمان  
اسر امشي بقااا وانتي خشي جوه يلااااا  
غسان يعم يخربيت قرفك انا غاير ف داهيه 
يعدي يومهم ويخرجو من المدرسه  
زين هتيجي انهارده مش كده 
رسل اه اكيد  
زين طب يلا اشوف وشك بخير