روايه زين الفصول من السابع الي الثاني عشر
المحتويات
الباب مره ميفتحش ف تزقو جامد وتفتح الباب ع اخرو تسمع صوت تبص جمبها تلاقي زين واقع ع الارض وپينزف من مناخيرو
رسل يالهوي !! انا اسفه انا اسفه اوي قوم قوم
اند باك
قاعده رسل كل كلمة زين بيقولها بتصدمها اكتر وبتخلي عياطها يزيد
زين بس صدقيني ان اخوكي واختي يطلعو في نفس الحضانه دي مكانتش خطه وان انتي تيجي البيت عندنا وتدي جودي انا فعلا كنت مخطط لكده بس ده كان عشان اشوفك بس والله العظيم انا حبيتك بجد مكذبتش عليكي ف حبي
زين لازم تصدقيني .. انا لو كذاب زي ما بتقولي كنت كملت الخطه انما انا عشان حبيتك مستحملتش ان حاجه تحصل تكون سبب في اذيتك ومن خۏفي من اليوم ده كنت كل شوية اقولك اوعي تبعدي عني لاي سبب
رسل وحور
زين حور كانت بتلاحظ اني قلقان عليكي بجد وكانت بتلاحظ اني بغير عليكي بجد وكنت ببقا مضايق بجد وعرفت اني حبيتك بجد ومبقتش بجبلها سيرة المشروع وتقريبا قطعت علاقتي بيها نهائي عشان انا مكنتش شايف غيرك وكنت مستعد ان لو حد قربلك او ضايقك بكلمة كنت مستعد اقتلو
زين عرفت بقا اني بحبك وبدأت تهددني بيكي في اليوم اللي غسان جالك فيه المدرسه وانا كنت مش طايق نفسي ولا اللي حواليا والغيرة كانت عمياني قبل ماعرف انو اخوكي
فلاش باك
حور انت بتزعقلي ليه دلوقتي وانا هعرف منين مين دا
زين ازاي يعني معقول محكتلكيش عنو !!
حور لا محكتش يا زين وبعدين انت بتتعصب عليا انا ليه !! ومضايق في نفسك كده لتكون كدبت الكدبه وصدقتها يا زين !!
حور افهم من كده انك حبيتها بجد !
يسكت زين وميردش
حور طب اسمعني بقا يا حبيبي ... فكرة الحب والكلام الفارغ ده مينفعش معايا خطتنا هتمشي زي ما هي .. وانا عارفه يا حبيبي انك معجب بيها بس او صدقت نفسك شويتين عشان انت بتحبني انا وبس وملكي انا وبس !!
يتعصب زين ويمسكها من شعرها
ويسيبها
حور ارجع لعقلك يا زين عشان انت متعرفنيش لما اقلب انا وانت مصلحتنا من البنت دي واحده والفرصه قدامنا وياريت متضيعهاش من ايدينا لان صدقني لو انت السبب في ضياع الفرصه دي انا هندمك بالجامد
حور ماشي يا زين بس ابقا افتكر كلامك ده كويس يا روحي
اند باك
زين يومها عرفت اني بحبك وعرفت اني مستحيل اكمل في الخطه وان مستحيل اسيبها تكمل في الخطه وبقت كل ما تشوفني بقرب منك تفكر في طريقة تبعدنا وتكمل في الخطه مش عشان بتحبني ده عشان المشروع .. وبدأت اخاڤ لما جبتيلي سيرة المشروع
رسل حصل خير استاذ ثابت مقالش المشروع فاضل عليه اد ايه
يتقلب وش زين ويضايق
زين بعد تقريبا اسبوع ونص واللي هيسلم المشروع هيقعد في البيت مش شرط انو يجي المدرسه
رسل طب كويس اني محضرة نفسي ايام بسيطه ويخلص
زين ابقي بلغيني اول ما تخلصيه يا رسل
رسل ايشمعنا
زين ملكيش دعوة بس ابقي بلغيني واوعي تبلغي حد انك خلصتيه اتفقنا
رسل اتفقنا
اند باك
زين كنت عايزك تقوليلي قبل ما تقولي لحور وكنت هحذرك متقوليلهاش او هقولك ازاي يبقا في امان .. ونفس اليوم ده بعد ما وصلتك رجعت تهددني تاني
فلاش باك
زين بخي اللي جواكي يا حور وخلصيني
حور هي بقت كده يعني يا زين !! خلاص بقيت كخه عشان ست رسل !!
يمسكها زين من دراعها ويضغط عليه جامد
زين هو انا كام مره هقولك متجبيش سيرتها !
حور انت كده بتغلط واسمعني بقا يا زين المشروع ده كان هيتسرق وكنا هنقدمو احنا الاتنين وتيجي المنحه بأسمنا ونسافر بره ويادار مدخلك شړ .. انما بقا بما ان حضرتك عملتلي فيها دور تومكروز والبت عجبتك ف اشبع بيها حلو يباشا بس متقفش ف طريقي ! المشروع هيتسرق وهخلع انا وطبعا انت هتساعدني في مقابل اني اسكت عشان انا ممكن في ثانيه كده اخليها تتحول عليك واعرفها كل حاجه واظن كمان السنيورة متعرفش ان انت اللي كنت قايل للبنات يتلمو عليها يضربوها تاني يوم دراسه ! بلاش انا يا زين عشان انا معبيه كتير وصدقني لو اتكلمت انت اللي هتخسر مش انا !
اند باك
زين وبدأ الكره يملي قلبها من نحيتي ومن نحيتك وبدأت تحس ان فرصتها في المشروع ده مستحيلة بعد ما فهمت اني بجد حبيتك وعرفت انك كمان بتحبيني وبقت الفرصه مستحيله ولجأت للټهديد برضو يوم الفرح
فلاش باك
تطلع رسل ويجي يطلع وراها يحس بحد بيمسك ايدو يلف يلاقيها حور يشد ايدو من ايديها بس تفضل ماسكه فيه
حور ايه يا زين هو انت مش قايلها ان احنا مرتبطين ف الاساس ولا صح هي كل ده فاكره اني مرتبطه ب ادم
يشد ايدو جامد ويسحبها وينزل تاني
زين هو انتي مجنونه ولا دماغك فيها حاجه ! كام مره هقواك زيك زي اي واحده اتسليت بيها صدقتي نفسك ولا ايه مانتي عارفه اني بتسلي م الاول وانتي وافقتي عشان مصلحتك
حور عندي استعداد اقولها علي كل حاجه وانك انت اللي مدبر لكل حاجه من ساعة ما مستر ثابت قالنا ان هي جاية المدرسه جديد وانها هتشترك معانا في المشروع وانو واثق انها اللي هتنقل المشروع في مكان تاني وهي اللي هتفوز بالمنحه وتكمل تعليمها بره ومن غير ولا جنيه
زين هو انتي عاوزة ايه بالظبط
حور المشروع يا زين وبمساعدتك انتا وبلاش تلعب معايا يا زين ااحسنلك .. لو عاوزها اشبع بيها ! بس متقفش ف سكتي
اند باك
زين لحد ما جه انهارده ورحتلهم البيت عشان انهي الموضوع ده لان تسليم المشروع كان شغال لمدة اسبوع
فلاش باك
زين انا مستحيل اسكت .. ومستحيل اخليكي تأذيها ولو بحركه ولو بكلمة واحده
حور انت بتقول ايه !
زين بقول ان الحوار الۏسخ ده لازم يخلص بقا !! حرام عليكي دي اعتبرتك صحبتها وامنتك علي كل حاجه ف حياتها متعرفش غيرك !!
حور وانا من امتي بيفرق معايا التفاهات دي ولا من امتي بتفرق معاك انتا !
زين فرقت معايا من ساعة ماعرفتها من ساعة ما عرفتها
متابعة القراءة
