رواية سهام الجزء الثاني

من حبي ليك .. بيتهيألي انا كده رايحتك مني 
اصاپة الكلمه هدفها لتتبدل ملامحه للجمود 
أنتي عقلك جراله ايه... اجازه ايه واحنا خلاص اتجوزنا 
يداه قبضت علي كتفيها پقسوه 
ندي الصبر ليه حدود.. مش كلمه سمعتيها وانتي بتتصنتي عليا انا واخويا هتعملي فيها الضحيه.. فوقي بقى جايه دلوقتي تشوفي نفسك المظلومه واني مستهلش حبك 

لو كانت شعرت بزهوة النصر منذ لحظات ولكن الآن كل شئ انتهى قسۏة كلماته كانت تغرز بقلبها... دموعها التي جاهدت على اخفائها انسابت فوق وجنتيها.. دفعته عنها بضعف وقد شعر بالندم ولكن تبريره لنفسه انها السبب انها تستحق ذلك
عندك حق.. انا لسا فاكره اعيش دور الضحيه 
شعوره بالمقت تلك المره كان علي حاله 
انا اسف ياندي 
ولم تعد للكلمه معنى فقد اخبرها بالحقيقه 
............................... 
دفعتها حانقه من نوبة الضحك التي انتابتها عندما وصفت لها لحظة سحق قدمها... لم تتحمل سماح تخيلها لهيئة ياقوت وسط الديناصورات كما اطلقت عليهم 
كفايه ياسماح انا غلطانه اني حكتلك
صدحت ضحكات سماح بعلو وأخذت تتنفس ببطئ
الصداقه ديه جات اخيرا بفايده يا ياقوت... بقى ليكي طرائف وعجائب 
واردفت ضاحكه 
والديناصورات علي كده حلوين 
ضاقت عين ياقوت من سماجة سماح... فدفعتها بقوة اكبر حتي كادت تسقط من فوق الفراش 
خلاص يامفتريه هسكت... شويه جد بقى عشان محتاجه منك مساعده 
...................................... 
كان كالغيور الغاضب منذ أن رأها مع ذلك الرجل تصعد سيارته... حاول أن يمنع نفسه من القدوم إليها ولكن قدماه أخذته لها كالمعتاد وجدها جالسه على المقعد الخشبي تنتظر شقيقتها 
وقبل ان يجلس جانبها ويتحدث هتفت بأبتسامه واسعه 
شريف 
اندهش من معرفتها بوجوده فسألها بلطف وقد تبدلت كل مشاعره المتهجمه الي أخرى سعيده 
عرفتي ازاي 
ابتسامتها كانت أجمل ما يراه في يومه وجلس جانبها ينتظر سماعها
عرفتك من ريحتك
تعجب من اجابتها واخذ يشم رائحة عطره ثم ضحك 
افرض غيرت ريحة البرفن بتاعي... هتعملي ايه 
نطقت بعفويه 
هعرفك وده هيكون بأحساسي 
لم يفهم معنى كلامها ولكن المعنى كان واضحا لا يحتاج لتفسير اكثر
انت مجتش ليه اليومين اللي فاتوا... مش قولتلي هتيجي وتجبلي من شيكولاته الفرح 
لم يعرف بماذا يجيب عليها ولكن عقله قد صنع كذبته 
كان عندي شغل مهم 
اماءت برأسها متفهمه... وشعرت بجلوسه جانبها ثم تناول كفها يضع به الحلوى التي وعدها بها 
ارتسمت السعاده على شفتيها وهي تداعب بكفها الاخر الحلوى 
ديه شكولاته الفرح 
حرك رأسه إيجابا على سؤالها ولكن أدرك سريعا انها لا تراه فتمتم مبتسما
شيكولاته الفرح زي ما وعدتك
قلبها خفق من قطعه حلوى... أزالت غطاء الحلوى وأخذت تقضم منها... كانت تترك له حرية رؤيتها ومطالعتها 
احكيلي عن الفرح... العروسه كانت حلوه
واردفت بحماس طفولي 
انا بعرف اتخيل الناس بسهوله من الوصف متخافش 
انطفئت لمعت عيناها وهي تخبره انها تتخيل الأشخاص من وصفهم... وفي لحظة عادت ملامحها تشرق ثانية وهو يصف لها ملامح العروس ومريم شقيقته 
وهي تستمع بأبتسامه تنير عيناها قبل وجهها 
................................
وجدت سماح تقف على باب غرفتها تنتظرها بحماس جلي على ملامحها 
عرفتي تاخديلي ميعاد معاه يا ياقوت 
ومن نظرة واحدة وجهتها ياقوت لها... فهمت سماح انها لم تستطع 
انا اسفه ياسماح... معرفتش انتي عارفه انه مستني ليا فرصه واحده بس ويطردني
فأبتمست إليها سماح وهي تعلم بصدق ما تقول 
انا عارفه يا ياقوت... ولا يهمك 
لم تحزن سماح بالفعل فقد كانت تعلم بعدم مقدرة ياقوت لأخذ لها موعد ففي النهايه هي موظفه ومازالت في بداية وظيفتها 
اوعدك هحاول تاني... بس يجي فرع الشركه عندنا... انا بس بقيت مهمتي حاليا اودي ورق