رواية اية الجزء 1-2

امامه
صباح الخير
قالها يحيى بابتسامته الجميلة مع ظهور غمازتيه وتضييق عينيه العسليه حاجة بسيطة
اميرة صباح النور
يحيى ايه ناوية تفطرينا النهاردة ولا ايه
اميرة اكيد هنفطر بس اعطينا ساعه بس
يحيى شكلك مش عارفة تعملى اى حاجة
اميرة بصراحة اه واقفة بقالى ساعه ونص فى المطبخ بحاول اعمل فطار ومش عارفة
يحيىوهو بيضحك ضحكة مكتومة بقالك ساعه ونص وكمان عايزة ساعه
اميرة على فكرة مالهاش لازمة تكتم ضحتك اضحك عادى
اه يا دادة انتى الى كنتى بتعمليلى كل حاجة فينك بس دلوقتى
يحيى بصى بقى انتى قولتى ساعه والفطار يجهز اروح انا بقى مشوار على السريع كده فى الساعه دى على ما الفطار يكون جهز يلا سلام
قالها بسرعه ثم ترك المطبخ
اميرة ياربى اعمل ايه فى المصېبة الى انا فيها دى فطار ايه الى احضره ده دا انا عمرى ما دخلت المطبخ ابدا
بت يا هنا بطلى زن بقى
هنالا مش هبطل بقى يا تيتة االا لما تقوليلى ماما فين
ماجدة ماما خرجت
هنا لا ماما مش بتخرج الا لما كانت بتقولى وحتى لما كانت بتروح المستشفى كانت بتقولى الاول
سعيد معلشى يا نونة اصلهم كانوا عايزنها ضرورى اوى فى المستشفى فخرجت بدرى
هنا على فكرة شكلكوا انتوا الاتنين بتحاوروا عليه وانا بقى مش مصدقكوا
ماجدة بت عيب فى واحدة تقول كده لجدها وجدتها
هنا اه فيه وعايزة تعرفى هى مين
ماجدة مين يا لمضة
هنا انا ماشى
ورجعت هنا تانى تزن وټضرب برجليها فى الارض وتقول بصوت عالى حد بقى فى البيت ده يقولى ماما فين بجد
ايه رأيك اقولك انا
اول ما سمعت هنا الصوت ده بصت على الى قال كده و جريت عليه
هنا عمو حبيبى وحشتنى اوووى
يحيى وانتى وحشتينى مووت
هنا انت بجد عارف ماما فين
يحيى ايوة يا ستى عارف
هنا طب هى فين يلا بقى بسرعه قول انت ساكت ليه
يحيى مش تعطينى فرصه الاول اتكلم ماما يا ستى عندى فى الفيلة بتاعتك
تنحتله هنا وقالت وعندك ليه
يحيى مش انتى كان عاجبك الفيلة بتاعتى اووى وكان نفسك اووى تيجى تعيشى فيها
هنا ايوة دى جميلة اوووى
يحيى طب خلاص انتى وماما هتيجوا تعيشوا معايا فيها
هنا بجد يا عمو
يحيى ايوة بجد يا روح عمو يلا بقى روحى جرى على دادة ام كلثوم وقولى ليها تعالى كلمى عمو يحيى
هنا حاضر
جريت هنا على المطبخ وكان سعيد ومراته قاعدين ومشاهدين الحوار ده كله مشى يحيى وراح لعندهم
يحيى صباح الفل عليكوا
ثم قبل امه وابيه
ماجدة صباح الخير يا حبيبى شكلك مبسوط
يحيى يارب نكون كلنا دايما مبسوطين يا امى
ابتسم سعيد على رد يحيى على امه فماجدة كانت تريد ان تفتح حوار ولكن برد يحيى انهى الكلام من قبل ان يبدأ
جاءت ام كلثوم فى هذا الوقت
ام كلثوم خير يا يحيى بيه
يحيى يلا يا دادة اطلعى لبسى هنا والبسى انتى كمان وهاتى هدومك علشان هتعيشى هناك معانا
ام كلثوم حاضر يا بيه
يحيى يا نونة اطلعى مع دادة وانزلوا بسرعه بقى يلا
هنا حاضر ثم نظرت للدادة يلا بقى يا دادة بسرعه
انصرفت ام كلثوم ومعاها هنا
ماجدة وهتاخد ام كلثوم ليه ان شاء الله
يحيى انتى عارفة ان دادة ام كلثوم كانت دادة اميرة من وهى صغيرة ويعتبر كمان هى الى ربتها وكانت عايشة معاها هناك فى بيت عمى ابراهيم الله يرحمه ولما جيت بيتنا هنا جت معاها وبرضه لما اميرة تيجى بيتى هتيجى معاها
جت ماجدة تتكلم قاطعها سعيدالى عمله يحيى صح والموضوع مش محتاج كلام كتير
ماجدة ماشى الى تشوفوه ها يا يحيى فطرت يا حبيبى
يحيى بصراحة لا
ماجدة طب هقوم اخليهم يحضرولك فطار
يحيى لا يا امى اقعدى انا هفطر مع مراتى متشكر
لوت ماجدة بوزها ماشى الى تشوفه
نزلت ام كلثوم ومعاها حقيبتها وهنا ايضا
هنا مش يلا يا عمو بقى
يحيى يلا بينا
ماجدة ايه ما فيش حضڼ لتيتة
هنا لا طبعا فيه مش حضڼ وبس وبوستين كمان ليكى انتى وجدو بس طبعا جدو الاول
ركضت لعند جدها

وحضتنته وباسته وفعلت ذلك مع جدتها
وودعوهم ومشيوا الثلاثة
وهما فى الطريق مر يحيى على مطعم واشترى منه فطار
كانت اثير جالسة على شاطىء البحر وفى اذنها الهند فرى مر من امامها فتاتين يشبهون بعضهم كثيرا يبدو انهم اخوات وكانوا يلعبون بالكرة
المشهد ده جعل اثير تفتكر حاجة حصلت معاها من كذا سنة
برضه على شاطىء بحر الاسكندرية هناك فتاتين كانوا يركضون وراء بعضهم
اثير هاتى بقى يا اميرة الكورة
اميرةخليكى كده زى ما انتى بتجرى ورايا ولو مسكتينى هعطيكى الكورة
اثير انتى اكبر منى وبتجرى اسرع ومش هعرف امسكك ابدا
اميرةطب وانا مالى
اثيرعملت نفسها وقعت ومثلت انها بټعيط
وقفت اميرة الجرى وجريت لعندها وقعدت جانبها
وطبطبت عليها
اميرة انا اسفة يا اثير انا كنت بس بهظر معاكى خلاص قومى وخودى الكورة
استمرت اثير فى تمثليتها وظلت تبكى
اميرة خلاص بقى خوديها اهه واعطتها لها
اخذتها اثير ثم فجأة قامت وبعدت عنها شوية وقالت
اثيروهى مطلعه لسانها ضحكت عليكى انا موقعتش اصلا لو شاطرة بقى اجرى ولو قدرتى تمسكينى ابقى خوديها منى
فاقت اثيرعلى صوت صاحب الفريسكا وهى بيعرض عليها انها تشترى منه
اثير متشكرة انا مش عايزة
ابتسمت اثير على ذكرياتها الجميلة ثم عادت تانى لشرودها مع البحر
اما يحيى واخيرا وصل الفيلة واتفقوا يعملوا حاجة وخلى هنا هى الى تخبط وتقف لوحدها اادام باب الفيلة
الحلقه 5
لسه بتلف وبتدور فى المطبخ علشان تحضير الفطار عملت الاومليت يعتبر خمس مرات وكل مرة يتحرق برضه ومش فيه حاجة بتظبط معاها خالص سمعت صوت خبط على الباب خرجت من المطبخ وراحت فتحت الباب
هناانا جيت يا ماما
حملتها اميرة وحضنتها بقوة وظلت تقبلها
اميرة وحشتينى اووى يا نونة
هنا وانتى كمان
اميرة صحيح انتى مين الى جابك
التفتت هنا وشاورت بصوبعها وقالتعمو يحيى الى جابنى ومش انا وبس وكمان دادة ام كلثوم
اول ما شفتها اميرة نزلت هنا وراحت لعندها واحتضنتها وخانتها دموعها ونزلت
يحيى على فكرة بقى يا هنا نسيتى اهم حاجة جت معانا برضه
هنا وايه الحاجة دى بقى
يحيىوهو رافع الكيس الى فيها الفطارالفطار
اميرة ايه ده انت جبت فطار من برة
يحيى دى حاجة اكيدة وكمان ايه مش ناوية تدخلينا ولا ايه
ابتعدت اميرة ودخلوا وقالت سورى الفرحة لبختنى خالص
يحيى طب ايه مش هنفطر ولا ايه جعان يا ناس
ام كلثوم طب هات يا بيه الاكل وانا هجهزه ليكوا
يحيى بجد لو عملتى كده يبقى الف شكر ليكى يا دادة
ثم اعطاها الكيسة
اميرة هنا حبيتى خليكى بقى مع عمو وانا هدخل اساعد دادة
هنا موشى
دخلا كل من ام كلثوم واميرة الى المطبخ وقامت ام كلثوم بتفريغ الاكل وتجهيز الفطار
اميرة دادة مش عايزة تعرفى ايه الى حصل امبارح
ام كلثوم لو حابة تقولى قولى
اميرة اكيد حابة
ام كلثوم طب يلا قولى
اميرة يحيى طلع بجد جدع اوووى هو وافق بس على الجوازة علشان امه مكنش ينفع يرفض ليها طلب بس هو اتفق معايا اننا هنكون اخوات فى السر اما ادام عمى وماما هنكون اسعد زوجين
ارتسمت على وجه ام كلثوم معالم عدم الرضا على كلام اميرة لاحظت ذلك اميرة
اميرة حاسة انه مش عاجبك الكلام
ام كلثوم بصراحة يا بنتى اه
اميرة ليه بس
ام كلثوم يحيى انسان برضه نفسه يكون ليه زوجة بجد ويكون عنده ولاد ويعيش حياة طبيعيه زيه زى غيره
اميرة مفكرتش ابدا فى الحكاية دى
ام كلثوم لانك فكرتى بانانية
بصت لها اميرة باستغراب تركتها ام كلثوم مذهولة من جملتها الاخيرة ثم خرجت لكى تضع الاكل على السفرة
ام كلثوم انا حطيت الاكل كله خلاص ويحيى بيه وهنا بيسألوا عليكوا يلا اطلعى علشان تاكلى معاهم
اميرة بس يا دادة
قاطعتها ام كلثوم روحى يا بنتى دلوقتى وبعدين نكمل كلام
اميرة حاضر
خرجت اميرة وقعدت معاهم على السفرة كل الفطار معظمه ضحك وهزار بين هنا ويحيى وابتسامة مصطنعه من اميرة كان شاغل تفكيرها الكلام الى قالته ام كلثوم
صور كتيرة محطوطة على السرير يعتبر شاغلة ربع السرير كل صورة فيها مشهد وليها ذكرى جميلة
هناك صورة كانت فى ايد بطلتنا عبارة عن بنوتين وابوهم ضاممهم لصدره كانت بتشاهد اثير الصورة دى ودموعها بتنزل بغزارة والالم مليها من جواها
اثير يارتنى ما كنت سمعت كلامها وسبتك يا بابا ابدا
جت فى بال اثير فكرة فى الوقت ده سابت الصور زى ما هيه وقامت بسرعه

غيرت هدومها وتركت الغرفة ونزلت ركبت تاكسى وقالتله على عنوان معين
انا خارج حد فيكوا عايزة حاجة منى
اميرة لا سلامتك يا يحيى
هنا هتتأخر يا عمو
يحيى لا يا حبيبتى انا رايح بس اشوف واحد صاحبى وهاجى عالطول
اميرة ماشى يا يحيى تروح وتيجى بالسلامة
يحيى الله يسلمك يلا سلام عليكم
اميرةهنا وعليكم السلام
اميرة هنا انا رايحة لدادة هشوفها كده بتعمل ايه
هنا ماشى يا ماما بس ممكن تجيبلى على الكرتون
اميرة من عيونى يا حبيبتى
فتحت ليها التليفزيون وجابت ليها على قناة الكرتون وتركتها واتجهت للمطبخ
دادة ممكن نكمل كلامنا
بصت ام كلثوم لمصدر الصوت الى كانت اميرة طبعا ثم عادت وبصت للبطاطس الى كانت بتقشرها
مشيت اميرة بعض الخطوات وراحت قعدت قصادها على الكرسى
اميرة دادة انا عمرى ما كنت انانية ابدا
ام كلثوم وضعت السکينة والبطاطس فى الطبق الى ادامها
ام كلثوم وانا مقولتش انك انانية انا قولت بس انك فكرتى بانانية
اميرة انا كل الى انا كنت عايزاه انى مخونش وعودى لاياد ابدا من بعد مۏته
ام كلثوم ولما لقيتى ان يحيى ساعدك على الى انتى عايزاه فرحتى ونسيتى حقه كانسان
اميرة يحيى باستطاعته يعيش زى ما هو عايز يحب براحته ولو فى يوم قال انه عايز يتجوز انا اول واحدة هقف جانبه وهساعده على كده
ام كلثوم بصى يا بنتى سيب الكلام ده لما يجى وقتها واعذرينى على الى قولته
اميرة ماشى يا دادة انا هطلع اوضتى هنام شوية
ام كلثوم على راحتك
تركتها اميرة وصعدت لغرفتها ونامت بس عيونها مفتحة ظلت تفكر فى بعض الاشياء حتى غلبها النوم ونامت
بس هنا يا اسطى لو سمحت
اعطته اثير النقود ثم نزلت من التاكسى ادام فيلة وقفت ادامها شوية وفضلت تبص ليها اوووى
اثير يااااه وحشنى اوووى المكان ده
رواية رائعة للكاتبة آية الجزء الثاني
الحلقه 6
مهما نبعد هنلاقينا نحن اووى ونشتاق ويكون نفسنا اووى نرجع واول ما نرجع بنجرى على المكان الى جمعنا الى عيشنا فيه مع حبايبنا يمكن نلاقى الزمان قسى علينا اووى وحرمنا من حبايبنا بس بنلاقى المكان الى مليان ذكريات مليان ضحك وحب وسعادة وساعات حزن ودموع بس كلها حاجات حلوة وجميلة بنتمنى ساعتها اننا نرجع تانى ليها ونعشها من اول وجديد بس مش دايما كل الى بنتمناه بيحقق 
اثير يااااه وحشنى اوووى المكان ده
مشيت اثير وراحت لحد المكان الى كان قاعد فيه البواب 
بصتله اثير شوية وهو كمان بصلها باستغراب 
اثير ازيك يا عم مرجان