رواية اية الجزء الاخير

الكل
ماجدة والله انتى الى ست الكل عارفة يا اميرة انا نفسى بس اعيش ليه
اميرة ليه
ماجدة علشان اعوضك عن عملته فيكى واصحح كل حاجة غلط عملتها
اميرة ربنا يعطيكى طولة العمر
ماجدة ربنا يخليكى يا بنتى
دخلا يحيى وسعيد فى هذا الوقت
سعيد ها خلصتوا كلام ولا هتوزعونا تانى
ماجدة لا ياسيدى خلصنا
سعيد طب يلا يا يحيى خود مراتك وروحوا انت علشان هنا 
اميرة ما تخلينى يا عمى ابات مع ماما النهاردة
سعيد لا يا بنتى روحى انتى لبنتك وانا هبات معاها انا
ماجدة بس انت مأخدتش دوا السكر بتاعك يا سعيد روح خده ويحيى يبات معايا
سعيد ايوة ايوة اتحججى بدوا السكر علشان تخلى ابنك يبات معاكى عالعموم يا ستى ماشى خليه يبات معاكى وهمشى انا
ماجدة اخص عليك يا سعيد انت هتزعل بجد
سعيد لا والله ما زعلان انا بهزر يا ستى
ماجدة ماشى
سعيد يلا يا اميرة نمشى احنا
اميرة حاضر يا عمى يلا
سعيد يحيى خلى بالك من امك
يحيى حاضر

الكل واقف خارج الغرفة يحيى سعيد محمد اسامة اميرة شيماء مجيدة ريم شريف كلا منهما خائڤ ومتوتر للغاية منذ دخول ماجدة لغرفة العمليات فقد مرت حوالى اربع ساعات ومازالت بالداخل ومعاها الاطباء والممرضين
ثم اخيرا خرج الطبيب وعلى وجهه معالم غير مبشرة ابدا وليست جيدة اقبل عليه يحيى بسرعه قائلا بلهفة 
دكتور والدتى كويسة 
اخفض الدكتور رأسه وهو يقول بأسف البقاء لله يا جماعه
انتهت مراسم الډفن والعزاء 
لقد مر ثلاث ايام بدون ان يسمع صوتها او انا يراها 
حتى وهو يدفنون والدته لم يراها ابدا ظل يبحث بعينه 
عليها من وسط جميع النساء الموجودين ولكن لم يراها
وفى العزاء لم يراها ابدا من ضمن النساء اللاتى جاءوا 
للتعزية كاد ان يجن اين هى لماذا لم تأتى اشتاق اليكى حقا يا حبيبتى عندما ماټت امى كنت اود ان اجرى اليك وارتمى فى حضنك لتعوضينى الحنان الذى حرمت منه شعرت حقا بأن يتيما بدون والدتى وبدونك ايضا هل تخليتى عنى فى اكثر وقت احتاجك فيهولكن كيففأنتى كنتى بجوارى دائما لم تتخلى عنى يوما قط ولكن اين انتى الان لماذا لم تأتى اشتاق اليكى حقا
رحل الجميع وتبقى سعيد ويحيى بمفردهم فى المكان الخاص بالرجال
سعيد يلا يا يحيى قوم روح انت
يحيى لا
يا بابا انا هبات النهاردة معاك
سعيد تبات ايه يا يحيى قوم روح علشان اميرة متروحش لوحدها
يحيى اميرة روحت مع اسامة وشيماء يا بابا
سعيد بس برضه قوم روح مينفعش تسيب اميرة وهنا  واثير لوحدهم فى البيت صحيح هى اثير فين مظهرتش خالص النهاردة ولا يوم العملية كانت موجودة
يحيى مش عارف يا بابا اانا هتجنن دا انا حتى بتصل عليها وتليفونها مغلق
سعيد طب قوم يلا روح واطمن عليها تلاقيك ھتموت وتشوفها انا عارف
يحيى انا هتصل باميرة وهطمن عليها منها وهبات معاك
سعيد يحيى متتعبش فى قلبى قوم روح زى ما بقولك اسمع الكلام بقى
يحيى ماشى يا بابا تحت امرك
سعيد الامر لله يا حبيبى 
يحيى ينهض يلا سلام عليكم
سعيد وعليكم السلام خلى بالك من نفسك
يحيى ان شاء الله
حبيبى احضرلك العشا
لا يا شيماء مش جعان
شيماء بس انت مش أكلت من الصبح يا اسامة 
اسامة بعصبية خلاص يا شيماء قولتلك مش جعان هاكل ڠصب عنى يعنى
شيماء بزعل على راحتك
اسامة انا طالع انام تصبحى على خير
شيماء وانت من اهله
صعد اسامة الحزين على فراق خالته التى كانت بالنسبة اليه بمثابة والدته الى غرفته 
جلست شيماء على الاريكة حزينة على وضع زوجها وعلى وضعها لم يمر على فرحهم الا 3 ايام وهذه هو حالهم الان 
تناولت شيماء هاتفها واتصلت على اثير ولكن على رقمها الجديد فقد ابتاعت خطا جديدا بدلا من القديم 
شيماء ازيك يا اثير 
اثير الحمد لله ايه يا بنتى فينك كده بقالك يومين ورنيت عليكى مرة ومش رديتى
شيماء اثير لازم ترجعى الوقت مش مناسب ابدا بأنك تبعدى عن يحيى لانه محتاجك اوووى
اثير انتى متصلة بيه علشان تقوليلى الكلمتين دول ابوس ايدك يا شيماء ارحمينى انا الى فيه مكفينى وزياد ة
شيماء باندفاع وصوت عالى اثير مامة يحيى ماټت
صدمت اثير مما سمعت لم تجد اى كلام تقوله احست بأن لسانها لا يقوى على الحركة فماذا تقول 
تمنت لو تترك المكان وتهرول اليه وتأخذه فى احضانها وتواسيه وتقول له انا هنا  بجانبك يا حبيبى ولكن لا والف لا فيجب ان اقسو وابعد فكفى اهانة وچرحا
شيماء اثير انتى روحتى فين
اثير انا معاكى لاحول ولا قوة الا بالله ان لله وانا اليه راجعون ماټت امته دى كانت هتعمل العملية خلاص 
شيماء ماټت وهى بتعملها 
اثير الله يرحمها اكيد ادفنت صح
شيماء ايوة ادفنت النهاردة
اثير بصعوبة يحيى كويس
شيماء تفتكرى برضه هيكون كويس فى حالة زى دى
وعلى فكرة يحيى لسه ميعرفش انك سيبتى البيت لانه لغاية دلوقتى لسه مروحش بيته اصلا شوفى بقى بعد مۏت امه لما يرجع ويلاقيكى مشيتى هيعمل ايه وانك سبتيه فى اكتر وقت هو محتاجك اووى فيه الصدمة هتكون كبيرة اووى عليه 
اثير شيماء ارحمينى انتى بتقتلينى بكلامك ده
شيماء اثير لو بتحبى يحيى بجد ارجعى علشانه اقفى جانبه استحملى اى اهانة او چرح علشانه دا محتاجك اووى لو شوفتيه هيصعب عليكى اووى دا عامل زى الطفل التايه
اثير شيماء انا هقفل سلام
شيماء ماشى يا اثير اهربى زى ما انتى عايزة سلام
قفلت اثير هروبا من كلام شيماء فكلامها كان مثل الخناجر تطعن قلبها حاوطت وجهها بكلتا يديها واجهشت فى بكاء مرير
فتح باب الفيلة بكل قوة وپغضب شديد ودخل مثل الثائر الهائج وهو يهتف بعلو صوته قائلا اثير اثير 
كانت اميرة جالسة على الاريكة وهنا  نائمة على رجليها وكانت تلعب فى شعرها وهى نائمة 
هبت اميرة فزعا من صوته العالى واستيقظت هنا  ايضا
وخرجت ام كلثوم من المطبخ على صوته
اميرة فى ايه يا يحيى مالك
يحيى اثير فين فوق فى اوضتها صح
لم ترد عليه اميرة ونظرت الى ام كلثوم كأنها تطلب منها المساعده ولكن ام كلثوم نظرت اليها نظرة كأنها تقول لها لن اساعدك فواجهى نتائج افعالك بمفردك
صعد هو الى غرفتها ولم ينتظر رد اى منهما عليه
ظل يطرق على باب غرفتها وبالتأكيد ما من مجيب عليه فتح الباب بقوة ودخل وجد ابواب خزانتها مفتوحة على مصراعيها والخزانة فارغة لا يوجد اى ملابس بها فزع مما رأه وخرج مسرعا من غرفتها ثم وقف على اخر درجات السلم ساندا بيديه على سور السلم 
يحيى بصوت عالى اميرة 
جاءت اليه اميرة مسرعه ووقفت امامه ولكن بالاسفل
اميرة ايوة يا يحيى 
يحيى اثير فين
هنا  خالتو سافرت يا عمو ماما قالت انها كانت عايزة تشم هوا ومخڼوقة فقررت تسافر
نظر يحيى الى اميرة فعرف من نظراتها اليه ايضا ان شىء ما حدث وان كلام هنا  ليس صحيحا
يحيى اثير راحت فين يا اميرة 
نظرت اميرة لهنا  قائلة هنا  يلا اطلعى على اوضتك علشان تنامى
هنا  لا انا مش هطلع علشان انا عارفة انك بتضحكى عليه وخالتو مش سافرت ولا حاجة وعايزانى اطلع علشان تقولى لعمو الحقيقة وتخبيها عليه
اميرة بعصبية هنا  قولتلك اطلعى فوق
تسمرت هنا  فى مكانها ولم تفعل ما امرتها به امها
يحيى سيبى هنا  يا اميرة وجاوبى عليه اثير راحت فين
اميرة مشيت يا يحيى 
يحيى پصدمة مشيت امته وليه
اميرة مشيت فى اليوم الى مامتك راحت فيه المستشفى
يحيى يعنى سايبة البيت بقالها 3 ايام وانا معرفش
اميرة انت كان فيك الى مكفيك والوضع الى كنت فيه ميستحملش انى اقولك هى فين
يحيى بهدوء ومشيت ليه
اميرة اتخنقت انا وهى وسابت البيت ومشيت
يحيى مش مهم دلوقتى اعرف سبب الخناق ايه هعرفه بعدين بس اهم حاجة دلوقتى اعرف هى فين
اميرة طب وانت هتعرف ازاى
تركها يحيى ولم يرد عليها وغادر الفيلة وركب سيارته متجهها الى مكان ما
هنا  انتى الى زعلتيها وخلتيها تمشى
اميرة هنا  انا
هنا مقاطعه انا زعلانة منك اووى ومخصماكى ومش هكلمك الا لما تصلحى خالتو وتخليها ترجع انتى وحشة اووى
تركت هنا  امها وغادرت مسرعه الى غرفتها 
الټفت اميرة لتنظر الى ام كلثوم التى ما زالت واقفة
اميرة دادة انا محتاجة ليكى اووى ارجوكى 
لم ترد عليها ام كلثوم وهمت ان تغادر المكان ولكن اسرعت اميرة وامسكت يدها 
اميرة دادة متعاملنيش بالقسۏة دى ارجوكى
ام كلثوم انا مش بقسى عليكى انا عايزاكى بس تحسى بنفس الاحساس الى اختك حاسة بيه دلوقتى احساس ان مفيش حد جانبك احساس بالوحدة علشان تعرفى قد ايه ان الاحساس ده صعب اووى
تركتها ام كلثوم وغادرت الى غرفتها لتنام اما اميرة جلست على الاريكة بتعب شديد وسمحت لدموعها ان تنزل بدون صوت ندما على ما فعلته
انت لسه صاحى يا رؤوف برضه
رؤوف مش جايلى نوم يا ماما قولت اقف فى البلكونة شوية
تحية بس الجو بارد عليك يا حبيبى
رؤوف متقلقيش انا لابس هدوك تقيلة
تحية ها قولى قدمت طلب النقل
رؤوف اه اللواء كان رافض الاول بس اترجيته وقولتلها انى محتاج اتنقل ضرورى جدا
تحية ووافق
رؤوف اه بس قالى هياخد فترة على ما يوافقوا على طلب النقل
تحية فترة قد ايه
رؤوف على الاقل اسبوع
تحية تربت على كتفه معلش يا ابنى مجتش على اسبوع
رؤوف يارب بس استحمل الاسبوع ده ويمر بسرعه
تحية هيمر بسرعه ان شاء الله بس عايزاك بقى تفك من جو الحزن ده يا حبيبى وترجعى رؤوف ابنى بتاع زمان
رؤوف حاضر يا ماما
تحية يلا بفى ادخل نام علشان اكيد وراك شغل بدرى
روؤف حاضر انا هدخل انام جنب زياد يمكن لما اخده فى حضنى انام عالطول
تحية ماشى يا حبيبى ربنا يخليكوا لبعض
رؤوف مقبل رأس امه ويخليكى لينا يا ست الكل
كنتى ناوية تنامى تحت ولا ايه
لا ابدا
امال اتأخرتى على ما جيتى ليه
كنت بعمل حاجة ولما خلصتها جيت
كان اسامة نائما فقام وجلس على السرير وجذب شيماء من يدها واجلسها على رجليه 
اسامة كنتى بتعملى حاجة ولا زعلانة منى وقولت استنى لما ينام وابقى اطلع
شيماء بنظرة عتاب وهزعل منك ليه انت عملت حاجة تزعل
داعبها اسامة بأنفه فى انفها قائلا ايوة عملت اتنرفزت عليكى من شوية بس اكيد حبيبى عذرنى صح
شيماء طبعا عذراك بس انا مش حابة كده ابدا
لما يكون حد فينا زعلان من حاجة مش يتنرفز على التانى ويطلع ضيقته فيه لأ المفروض يخليه يخفف عنه همه 
ويسمحله انه يكون جانبه مش يبعد
اسامة خلاص انا اسف واخر مرة ممكن بقى تسامحينى
شيماء خلاص مسمحاك 
اسامة بابتسامة يعنى صافى يا لبن
شيماء حليب يا قشطة
اسامة يلا تعالى بقى علشان تنامى فى حضنى
شيماء ماشى 
سمعوا فى هذا الوقت صوت طرقات على باب غرفتهم
ااسامة يا ترى فى ايه
شيماء مش عارفة
اسامة انا هقوم افتح هشوف فى ايه
قامت شيماء من على رجليه وقام اسامة ايضا ثم فتح الباب ووجد الخادمة
اسامة خير