رواية الشغف العاشق الجزء الاول

عشان شايلة حتة منك
قام بطبع قبلھ فوق جبينها  و بنبرة عاشق متيم أخبرها
أنت اللى بقيت حتة مني و أنا كمان حتة منك
ابتسمت و كأن الشمس قد أشرقت بنورها الساطع تخبره أيضا
عارف لو النونو طلع ولد هاسميه يوسف و بدعي ربنا إنه يكون نسخة منك و الكل يضرب بيه المثل فى الأخلاق و الجدعنة
ازدادت ابتسامته و رقص قلبه طربا فعقب

و لو بنت هاسميها على اسمك رقية يعقوب عبدالعليم الراوى
أمسكت بأطراف أناملها مقدمة قميصه تسأله بدلال مازحة
هتحبها أكتر منى
حتة منك و منى أكيد هحبها لكن القلب كله ملكك أنت أنت بنتي و بنت قلبي
أخبرها بتلك الكلمات التى حفرت على جدران مملكة العاشقين أجابت عليه من أعماق فؤادها المتيم به
أنا بحبك أوى يا يعقوب
احتضنها بقوة قائلا
أنا تخطيت معاك مرحلة العشق يا روح و حياة يعقوب ربنا يبارك لي فيك و ما يحرمنيش منك أبدا
و فى داخل السيارة يستمع إلى كلمات تتغني بها كوكب الشرق تلك الشارة التي تذكره بأول يوم عمل لها لديه
 رجعوني عنيك لأيامي اللي راحوا
علموني أندم على الماضي و جراحه
اللى شفته قبل ما تشوفك عنيه
عمر ضايع يحسبوه إزاي علي
انت عمري اللي ابتدي بنورك صباحه...
يردد هذا المقطع و أنامل يده تتخلل أنامل خاصتها و كل فينة و الأخرى يطبع قبلھ على ظهر يدها
لم تمر سوى دقائق فالسعادة تدون بضع كلمات داخل معجم ملئ بالحزن بينما كان شاردا فى عينيها انتبهت هى إلى الشاحنة الكبيرة القادمة نحوهما صاحت بفژع
حاسب يا يعقوب
انتفض پذعر و حاول أن يتفادى الإصتدام يصيح بها بأمر
ألبسي حزام الأمان بسرعة
كانت السيارة تتأرجح يمينا و يسارا حاول التحكم فى المكابح لكن لا تعمل سألته بخۏف ذريع
فيه إيه يا يعقوب
الفرامل مش شغالة
حوار قصير خلال ثوانى معدودة انتهت بانحراف السيارة عن الطريق وانقلبت من الحافة أخذت تتدحرج عدة مرات متتالية حتى استقرت على جانبها كانت آخر ما رأت عيناه هى و تخبره بأنفاس مټقطعة
خد.. بالك.. من يوسف.. يا.. يعقوب
فقدت الوعي فى الحال و كان هو ليس أقل حال منها لم يستوعب عقله ما حدث ففقد الوعي أيضا.
و فى وسط همهمات يكاد أن يسمعها و اشعة الشمس تخترق ما بين أهدابه كان ثقل جفونه يجبره على الإستسلام إلى النوم
لكن قلبه أجبره على الإفاقة بعدما يذكره بشأن زوجته حاول جاهدا أن يفتح عينيه فرأى الممرضة تضبط من وضع كيس المحلول فسألها بلسان ثقيل للغاية
رقية فين
ردد ذلك السؤال مرارا و إذا به ينهض فجأة يتلفت من حوله مناديا
رقية يا رقية
أوقفته الممرضة لتخبره
حضرتك رايح فين ما ينفعش تقوم
لم يكترث إلى تحذيرها فرأى إبرة المحلول المغذي متصلة بيده ذراعه الأخرى محاوطة بالجص و مرفوعة على حامل معلق حول عنقه و ساعده يستند على صدره رفع يده المنغرزة بها الإبرة و قام بجذبها بأنامل يده المصاپة بصعوبة بالغة.
جاء الطبيب إليه ليوقفه عما يفعله
حضرتك رايح فين أنت لسه تعبان و فى جسمك إصابات
دفعه يعقوب من أمامه پغضب
أوعى من وشي فين مراتي
و كاد أن يخرج من باب الغرفة أوقفه حديث الطبيب و كانت أقسى الكلمات التى سمعها طوال حياته
المدام اللى جابوها معاك دخلت العمليات الدكاترة حاولوا ينقذوها هى و الجنين أنقذوه و دخلوه الحضانة لكن مع الأسف كانت إصابتها قوية و حاصلها نزېف فى المخ البقاء لله
يقف الآن خلف الزجاج و يرى ولده الذى كتب عليه أن يولد