رواية فريدة الجزء الاول
المحتويات
لما البت تزهق منك وتفقد الامل فيك لانها انسانه برده وكرمتها هتوجعها من كتر صدك ليها فتقرر انها توافق علي اي حد مالي بيتقدملها
انت بقي هتقدر تطلقها وميباقش ليك اي حق فيها
هتقدر تسلمها بايدك لواحد غيرك يبقي كل دنيتها مكانك
طبطب علي كتفه واردف شوف اجابتك عالكلام ده وانت هتعرف ايه الي فيك
سلام
ثم تركه شارد ومبهوت تماما من حقاءق رماها اخيه في وجهه وتركه يغرق في بحر افكاره
تعالت همسات الجميع من حولها منهم المشفق منهم الشامت بينما هي تجلس مكانها جاحظة العينين غير مصدقة انه فعل بها هذا لقد غادر بوسط الزفاف تاركا اياها تواجه نظرات و همسات ا...
ابعدتها قليلا ولكنها مازالت تحتويها وسالتها ها احسن شويه
ابتعدت مهره واستندت علي ظهر الفراش وردت بتعب اه الحمد لله
لوجي طب ناويه علي ايه مينفعش حد يعرف انك عرفتي خصوصا بدر
مهره بعد ان استعادت بعض من قوتها اردفت انتي هبله يا لوجي ده بدر بالذات مينفعش يعرف اني عرفت حاجه
لوجي بحيره طب انتي ناويه علي ايه
مهره مش عارفه بس كل الي نفسي اعمله اني اطبق في زماره رقبته اطلعها بايدي
ليه كده هنت عليه يعزبي كل ده واوعي تقولي ميعرفش بحبي ليه ده كلكم ملاحظين ده عم عبده بتاع السوبر ماركت الي علي اول الشارع عارف يبقي هو الي حافظني اكتر من نفسي ميعرفش
طب ليه كده يابدر ده انا مش بشوف الدنيا غير بعيونك انت حياتي كلها مختصره علي حروف اسمك
هنت عليك تشوف حبي ليك في عيوني وتهرب منه
وكل ما احاول المحلك تغير الكلام كانك مش واخد بالك
طب مصعبتش عليه ده دايما يقولي لما بتتعبي بشويه برد بحس ان انا الي تعبان معقوله محستش بۏجع قلبي
انا هتجنن انتي عارفه انا بحبكم اد ايه و اقسم بالله بتمني لكم الخير وبفرح لفرحكم بس ڠصب عني حسيت اني اقل منكم كلكم عشان كل واحد من
________________________________________
الشباب شاف فيكم الي بيتمناه وانها نصه التاني
ڼهرتها لوجي سريعا حتي تفيق مما هي فيه
ايه الهبل الي بتقوليه ده امال لو مكونتيش احلي واحده فينا غير جدعنتك مع الصغير قبل الكبير واصلا احنا بنعتمد عليكي في حل مشاكلنا برغم انك اصغر واحده فينا كنتي قولتي ايه تعالي نتكلم بالعقل شويه هو برده ڠصب عنه شايف ان مينفعش يربيكي وفي الاخر يحبك كده عادي
انتي طفله بالنسباله يا ميمو
انتفضت مهره من مكانها بعد ان نفضت ضعفها بعيدا
طب وحياته عندي ان ما خليته يجي لحد الطفله الي بيقول عليها دي بنفسه ويعترف بعشقها مش بس حب مبقاش انا مهره
لوجي يالهوي يابت انتي ناويه علي ايه مع اخويا
مهره علي كل خير ان شاء الله والحمد لله انه جوزي عشان يبقي كله بالحلال
لوجي يعني ايه مهره مش فهماكي
مهره يعني هلعبه عالشناكل يا قلب اختك
ثم فركت كفيها ببعضهم دلاله علي بدء المعركه واكملت
يلا استعنا عالشر بالله والله صعبان عليه يا بدوري كنت جدع وطيب بس انت الي جبته لنفسك
ههههههههههههههه
ضحكت الفتاتان معا و هم يتخيلان ما هم مقدمين عليه
مهره بعد ان فكرت قليلا قالت بقولك يا لولو تعالي معايه ننزل قوضتي عشان عايزه انزل شنط شواري من فوق الدولاب
لوجي باستغراب ليه هو انتي جبتي حاجه جديده و عايزه تشليها
مهره بخبث لا ياختي وانا من امتي بشتري حاجه لشواري انتي ناسيه ان هو الي بيشتريلي كل فتره حبه حاجات حتي منع عمتك او تيتا انهم يشترولي حاجه
لوجي امال ايه فهميني مش مرتحالك
غمزت لها مهره بشقاوه وقالت انا هطلع منهم كام حاجه كده لزوم الخطه عشان نويت اقرا الفتحه علي ميكي وبطوط
وابدا بقي اوريله ان العيله كبرت خلاص ودي اول خطوه والباقي ييجي عالهادي واما نشوف نفس مين فينا اطول
لوجي ېخرب بيتك دماغك دي ايه سم
بس يا فالحه انتي ناسيه حاجه لو حد من ستات البيت وبالذات عمتك شافوكي
متابعة القراءة
