رواية هاجر الجزء الاول

بتأكيد .... تمام يا مستر هيثم .. حضرتك تؤمر بحاجه تانيه 
هيثم بنفي .... لا شكرا إتفضلي 
قامت سهر بفتح الباب وخرجت ثم اغلقته خلفها لتتجه نحو مكتب أميرة وهي تتنهد ..
أميرة بضحك .... إيه يا بنت كنت بتحربي جوه ولا إيه 
سهر ... لا بس مستغربة أووي تتصوري إنه عرف إنك ساعدتيني 
اميرة بتأكيد .... أكيد يا بنت ده مستر هيثم مش أي حد إنت مع الوقت هتعرفيه كويس 
سهر بشرود .... ممكن برضوا 
أميرة .... يلا بقي عشان نأكل 
سهر بدهشة .... إنت لسه ما كلتيش والله بحسبك كلتي عشان إتأخرت جوه 

هزت راسها نافية ..
أميرة .... لا طبعا أنا قولت نأكل مع بعض عشان يبقي عيش وملح
إبتسمت لها سهر بحب ثم تلاشت إبتسامتها لتتذكر شئ .... يالهووووي نسيت 
أميرة بإنتباه .... إيه في إيه !!
جلبت سهر سماعة الهاتف .. ثم نظرت لأميرة ..
سهر .... مستر هيثم كان عايز قهوة عشان تلفونه عاطل .. أطلب رقم إيه 
تنهدت أميرة .... ياشيخه إفتكرت مصېبه أطلبي ٤ وأااه قوليلهم قهوة مستر هيثم وهما عارفين 
سهر .... مااشي 
لياتيها الرد وأخبرته ثم أغلقت الخط وجلست مع أميرة لتتناول معها الفطور ..
وهم يتناولون كانوا يتحدثون في أمور عديدة وكانت أميرة تحكي لسهر عن حياتها ..
سهر بإعجاب .... يعني إنتوا إتعرفتوا علي بعض هنا
أميرة بإيماء .... أيوة إحنا متعرفين علي بعض هناا وأعجبت بيه وأعجب بيه وبصراحه هو كويس جدا ومش حارمني من حاجة أنا وعيالي 
سهر بإبتسامة .... ربنا يخليكوا لبعض 
أميرة بحب .... ويخليكي يا حياتي 
وفجأة قطعهم صوت رنين هاتف فنظرت سهر لهاتفها وجدتها نهي فضغطت علي الزر لتجيب ..
سهر .... الوو يا نهي أنا تمام وإنت .. تمام ماشي .. أه هقول لعمي إني طالعة هجيب حاجات وهتأخر وهستناكي هناك .. خلاص تمام علي معدنا تمام يلا بااي ..
لتغلق معها لتنظر للأميرة ..
سهر .... دي أميرة بنت عمي ودي أحسن منهم كلهم 
أميرة بعدم فهم .... أحسن منهم إزاي
سهر بتنهيدة .... مع الوقت هحكيلك حكايتي لأن بصراحة إرتحتلك جداا 
أميرة بإبتسامة .... وأنا كمان والله .. إنت حقيقي عسوله وطيبه 
سهر بإمتنان .... ربنا يخليكي 
بعد أن إنتهوا جلسوا قليلا معا لتعلمها أميرة بعض الأشياء الأخري وهكذا .. إلي أن جاء موعد الإنصراف فإستعدا جميعهم ..
أميرة .... قوليلي صح إنت هتروحي فين 
سهر .. بنت عمي مستنياني عند ... أروحلها هناك 
أميرة بتفكير .... طب كويس يعني في طريقي تعالي معانا أنا وحسام نوصلك
هزت رأسها نافية ..
سهر .... لا لا مافيش داعي عشان ما عطلكيش أنا اخد تاكسي 
أميرة .... تعطليني إيه بس ولا إنت مكسوفة عشان حسام 
سهر بخجل .... لا مش كده يعني 
لتقاطعها أميرة .... خلاص بقي وكمان يلا عشان أعرفك عليه 
وبعد محاولات قررت سهر تذهب معها ولكن قبل أن يذهبوا وجدوا مكتب هيثم إنفتح ليخرج منه فنظر لهم بتعجب ..
هيثم بتساؤل .... لسه ما مشيتوش ليه !! 
أميرة بإبتسامة .... هنمشي دلوقتي أهو يا مستر حضرتك عايز حاجه 
هيثم بإمتنان .... لا شكرا يا مدام أميرة إتفضلي 
ليوجهه حديثه لسهر .... سهر إعملي حسابك بكرة هتحضري معايا إجتماع هنا في الشركة فإتفضلي الملف ده تراجعيه كويس عشان بكرة 
لتأخذه سهر .... تمام يا مستر 
أماء رأسه ثم ذهب من أمامهم .. فغمزت لها أميرة بمرح .... أيوه بقي يا ست هتحضري إجتماع 
سهر پخوف .... بس بقي عشان قلقانة جدااا 
أميرة بإطمئنان .... يا بنت إنت علي طول خاېفة ماتخافيش إنت بس عشان لسة جديدة مع الوقت هتتعودي .. يلا بقي عشان ما نتأخرش علي حسام 
تنهدت بهدوء ثم تحركوا للخارج ..وحدثت أميرة إنها سوف تذهب لعمها أولا وتخبرة فتفهمت وأخبرتها إنها سوف تنتظرها في الخارج أماءت رأسها ثم تركتها لتذهب لعمها ..
سهر بهدوء .... عمي أنا أروح أشتري شوية حاجات كده 
صلاح بتعجب .... حاجات إيه !!
سهر .... حاجات ليا عشان الشغل كده 
صلاح متفهما .... ماشي ويااريت بقي تتصرفي بعد كده وتروحي وتيجي إنت خلاص عرفتي المكان ما أنا مش كل يوم أخدك وأروحك ما ده برضوا بنزين وفلوس فياريت تشوفي هتعملي إيه 
إصطدمت من حديثة .. وظهر علي ملامحها الحزن ..
سهر .... ماشي يا عمي