رواية قدرنا الجزء الاخير

الي الغرفة وهي غير مصدقة للأمر حقا كيف كيف يحدث هذا هل الشخص الذي تحبه والذي يعاملها دائما بجفائ يريد أن يتزوجها هي لا تصدق حقا ذالك و لكن ما الذي غير رأيه هكذا فهو من تصرفاته يتضح تقريبا انه يكرهها حقا فكيف تغيرت وجهة نظره هكذا هل هو مجبر علي ذالك الزواج ما إن وصلت الي تلك النقطة حتي اختفت فرحتها ثم سريعا ما قالت في نفسها _وحتي لو مجبر هيحصل ايه يعني هخليه بردو يحبني بعد الجواز و افهم هو ليه بيكرهني
قاطع شرودها ذالك دق أحدهم علي باب غرفتها لتقول ميادة _ادخل

نغم _ ايه اقولهم موافقة و خلاص
ميادة _ ايوه طبعا
نغم _يا بت اتقلي شوية متبقيش مدلوقة كده
ميادة _ما اخوكي قمر الله
نغم _مجنونة وربنا انا هخرج اقولهم انك بتقولي يعملوا اللي هما عايزينه علشان منظرك حتي
ميادة _الله يرحم يا اختي كان نفسي اشوف ردة فعلك لما عرفتي ان شريف هيتقدملك و كنت تقيلة بردو و لا ايه
نغم _احم ايه الاحراج ده انا ماشية
ما إن خرجت حتي ابتسمت ميادة بفرحة وقالت_ هتجوز اللي بحبه
ثم فاقت اخيرا لنفسها لتقول بضيق_ ايه اللي انا بعمله ده بجد
عند نغم خرجت لتقول _بتقول اللي انتوا شايفينه
شريف بسخرية _اللي احنا شايفينه من امتي الاحترام ده
ليكمل بهدوء_ علي العموم هبقي اكلم رعد و اقوله يجوا يتقدموا بس امتي
كوثر في الميعاد اللي يناسبك
شريف _تمام هقوله يجي بكره
كوثر _ تمام
شريف _ طيب انا طالع بقي
كوثر _ماشي يا حبيبي
ليصعد وتصعد نغم خلفه
عند محمد دخل الي الشقة ليقوم بالدخول الي الشرفة ليقوم بمهاتفة رعد_ الو
شريف _بقولك يا معلم تقدروا تيجوا بكره في الميعاد اليناسبك
رعد _تمام هبقي ابعتلك رسالة بالميعاد
شريف _ اشطا سلام
رعد _سلام
ما إن دخل حتي وجد نغم جالسة علي السرير وهي تكلم نفسها وهي متضايقة فقال شريف بحذر _ انت اټجننتي يا حبيبتي و لا ايه في ايه مالك
نغم بضيق _ ازاي يعني ما ميقولوليش علي الموضوع ده ما انا كنت عندهم امبارح
شريف _عادي يا حبيبتي يمكن فكروا في الموضوع ده بعد ما انت مشيتي
نغم بضيق _لا هما كانوا قاصدين انا متأكده بس ليه مقالوش انا كنت هعملهم ايه يعني
شريف _يمكن علشان انت ڤضيحة مثلا وكنت هتروحي تقولي لميادة وليا ومش بعيد لماما كمان و هما كانو عايزين رعد هو اللي يتكلم
نغم پصدمة _ انا ڤضيحة يا شريف
شريف _لا خالص يا روحي مين الي قال كده
لتقوم نغم بقذفه بالوسادة قائلة بضيق_ بني ادم رخم اصلا
اقترب منها شريف قائلا_ ايه يا قمر بس انت زعلتي و لا ايه
لم ترد عليه الأخري ليكمل_ وحشتيني يا عسل مش هتحن يا جن و ترد بقي
ابتسمت نغم بخفة رغما عنها
شريف _ايوه كده هي دي حبيبتي اللي انا اعرفها مقدرش اشوفك مضايقة ابدا يا حياتي مفيش حاجة تستاهل اصلا
نغم برقة _حبيبي
شريف _عيونه
نغم _انت مش ملاحظ انك بقية أوفر اوي اليومين دول
ليقول شريف بضيق مصتنع وهو يقوم بدفعها بيده ولكن بخفة _اوفر يا فصيلة قومي اعمليلي حاجة اكلها انا غلطان اني بحاول اتعامل معاكي برومانسية اصلا
نغم بضحك _طيب طيب قايمة متزوقش يعني انا غلطانة اني بقولك الحقيقة
شريف _الحقيقة بزمتك انت كنت تحلمي اصلا تتجوزي واحد قمر كده و عسل زي ده انا حلم البنات كلها
نغم _امم حلم البنات كلها ان متأكد من كلامك ده
شريف بتوتر _ بس هما طبعا ميسوش اي حاجة قصادك ده انت الاصل و الباقي تقليد
نغم _انت خۏفت و لا ايه
شريف _لا طبعا أخاف ايه بس اسد يلا في ايه
ضحكت نغم علي منظره لتقول _طيب يا أسد هقوم اجهز الغدا
عند رعد قام بإخبار والدته وحورية عن موافقة شريف واهله علي ان يذهبوا ليتقدموا لميادة رسميا و سيذهبون غدا في الصباح لتفرح حورية بشدة هي وفيروز وتقول فيروز انها ستخبر محمد بنفسها ليصعد رعد وحورية الي شقتهم بينما بقيت فيروز تنتظر محمد لتخبره ولم يطل انتظارها حيث دخل الآخر فور جلوسها بدقائق
محمد باستغراب _ ايه يا ست الكل اللي مقعدك هنا
فيروز بفرحة _مستنياك يا حبيبي
محمد بشك _ايه الفرحة اللي باينة علي وشك و كلامك ده مش مطمنلها
فيروز _ليه بس يا حبيبي ده حتي الموضوع يخصك
محمد بصوت خاڤت انت كده بتطمنيني ده انت لو قاصدة تقلقيني مش هتبقي كده
ليكمل بصوت واضح _ايه هو اللي يخصني ومفرحك اوي كده
فيروز بفرحة _رعد كلم شريف وقاله علي انك عايز تتجوز ميادة وشريف وافق هو وأهله وهنروح بكره علشان نتفق علي التفاصيل ها ايه رائيك في المفجأة دي بقي
محمد في نفسه _ نهار ازرق دي مفاجأة حلوة دي كنت متأكد والله انها لا حلوة ولا نيلة
ليقول بصوت واضح _هو انت كنت بتتكلمي بجد
فيروز باستغراب _ ايوه طبعا بجد اومال كنت بهزر يعني
محمد _لا ازاي عن إذنك
فيروز _اذنك معاك
ليرحل محمد بينما قالت فيروز بخفوت _الواد اتهبل و لا ايه ده كله قبل ما يتجوز اومال لما يتجوز هيعمل