رواية صعيدية تحفة الفصول من السابع للعاشر

بتاعنا
وردة ماشي
يونس ياكشي تقفلي تلفونك بحبك يابت
وردة مش هقولك وانا كمان سلام
اغلقت الخط وكانت خديجة قد نفذ صبرها من انتظاره 
خديجة كل ده بتجيب مية
يونس وقد انفرجت اساريره بمكالمة وردة مية ايه ما الميه جمبك اهه
خديجة الي واخد عقلك انت مش نزلت تجيب ميه
يونس لا لا ما انا افتكرت انه في ميه
خديجة امال ايه الي اخرك
يونس مكالمة شغل ياخديجة
خديجة ومالك مبسوط كده
يونس في ايه ياخديجة خليني اركز في الطريق شايفة الزحمه
صمتت خديحة ولكنها علي يقين ان اخيها ما زال علي علاقته بوردة ولكنها حتي وان كانت تعلم بحقيقة زواجه من رقية فلن تقبل ابد ان ېخونها يونس فهذا غير مقبول اطلاقا
رقية هو احنا هنروح للعيادة ولا المستشفي
يونس المستشفي وياريت متتحركوش غير معايا عشان ميحصلش مشاكل.
رقية بااختناق حاضر ماشي
خديجة بهمس لرقية معلش بېخاف علينا
رقية ماشي ياخديجة 
وفي منزل خديجة وبالأخص في شقة حماتها كانت تخطط شيماء لليوم التالي ليس خوفا ولا حبا لخديجة ولكنه مجرد استفزاز لها ولزوجها نعم فالغيرة تكاد ټقتلها فشيماء تعلم علم اليقين ان ما تخطط لأجله مجرد خرافات ولكن غرضها الاساسي هو مضايقة خديجة واشعارها دائما بالنقص
ام منير انا خاېفة من منعم لو عرف هيخرب الدنيا
شيماء قولتلك مټخافيش وهي لو بتحبه بجد هتعمل اي حاجه عشان تسعده.
ام منير خديجة غلبانه بس انا نفسي افرح بعوض ولدي
شيماء ما قولتلك نخطبوله مايسة بت خالتي ونجوزهالوا واهي ارملة وصغيرة وكمان حملت وسقطت قبل كده يعني بتخلف
ام منير يابتي منعم خرب الدنيا لما بس لمحناله بكده
شيماء تكونش سحراله
ام منير يانهار مقندل هتسحر لواد عمها يابتي لا لا مستحيل
شيماء طب عموما احنا بكره هنفذوا الي اتفقنا عليه بس انتي اوعي تخلي منعم يجي معانا ولو قالك يوصلنا قوليله لا منير معانا وخلاص
ام منير والله مفيش زيك انتي خاېفه علي سلفتك ونفسك تفرحيها وتشوفي عوضها
وحده غيرك تشوف نفسها عليها وتعايرها في الداخله والخارجه
شيماء امال دي اختي وان كنت بقول نجوزوا منعم فمش قصدي يطلقها بعد الشړ بس انا بحسه اخويا وعايزاه يفرح دا بيحب عيالي قوووي ما بالك بعياله هيعمل ايه
ام منير ربنا يديكي علي كد نيتك
شيماء في نفسها طب ادعي بحاجه تاني والله ما اقول آمين
شيماء طب هطلع شقتي بقا اشوف شغل البيت لو عوزتي حاجه اندهيلي سلام
ام منير سلام يابتي
وفي المستشفي وعند
الدكتور..
يونس ها خير يادكتور
الدكتور لا خير ان شاء الله هو بس في شوية التهابات في المعدة وضعف عام هنكتب علاج ونشوفها بعد اسبوعين
رقية يعني الدوخه بسبب الضعف
الدكتور ايوة لان في نسبة انيميا فخدي بالك من التغذية السليمه وانا هكتبلك دواء وفيتامينات وان شاء الله هتبقي كويسه
يونس ماشي شكرا يادكتور
وبعد انا غادروا المستشفي اقترح يونس ان يأخذهم لاحدي الكافيهات لتناول الغداء
خديجة مش هنتغدوا في البيت تعال نروحوا مشوارنا ونروحوا
رقية ايوة مفيش داعي
يونس جرا ايه ياام سما انتي اديكي شفتي الدكتور قال تتغذي كويس واحنا هنطولوا عند الصايغ ناكلوا حتي ساندوتشات ونمشوا او عالاقل نشربوا حاجة
خديجة ماشي اذا كان عشان رقية فماشي وماله نروحوا
رقية خلاص الي تشوفوه
مروة وايش عرفك بيها
وردة عشان دي خديجة لكن دي رقية انا شفتها مرة قبل كده وافتكرتها علطول
مروة بس قمر ايه ده
وردة اتلمي احسنلك احسن انا شايطة وحدي والله ما اسيبك يايونس ماشي ان ما كنت احړق دمك بكره مبقاش انا وجايبها الكافيه بتاعنا.
مروة الكافيه بتاعنا يكونش اشترهولك يونس باشا ما انا قولتلك منجوش هنا حتي غالي بالكدب
وردة وانتي دافعه حاجه من جيب ابوكي غالي ولا مش غالي
مروة يعني انتي الي دافعه من جيب ابوكي ما كله من خير القمر الي منور ده ايه يابت لا وايه مطقمين سوا شكله بيشتغلك ياروح امك
وردة بس احسن اقلب العصير في وشهم اسكتي ويالا بينا من غير ما يشوفنا احسن انا ماسكه نفسي بالعافيه يالا نروحوا عشان افكر بهدوء واشوف هعمل ايه...
بعد ان طلبوا العصر والسندوتشات.. 
خديجة والنبي الاكل ما له طعم يايونس
يونس خلاص اشربي العصير مع ان الاكل حلو ولا ايه ياام سما
رقيه كويس الحمد لله
طب اطلبلكم حاجه تاني
خديجة لا بس هروح الحمام
رقية طب هاجي معاكي
خديجة لا لا خليكي كملي اكلك انا خلصت
يونس الحمام من هنا
خديجة ماشي
يونس تحبي نشتري الدهب من مكان محدد
رقية هههههههههه علي اساس اني بعرف سوهاج وكده
يونس ههههههههههه تصدقي صح خلاص هنروحوا محل شمس كويس جدا وانا اعرف صاحبه بنتعامل معاه
رقية اي حاجه مش فارقه
يونس ممكن نتكلموا بصراحه لان كتب الكتاب قرب
رقية بتوتر ياريت
يونس انا عارف ان الجوازة دي احنا الاتنين اضطرينا ليها عشان كلام ابوي بس وعارف ان عقلك بيودي ويجيب في الي جاي وخاېفه وقلقانه وحاسس بيكي لاني زيك ويمكن اكتر
رقية بس اصل هعمل ايه...
يونس الجواز ده هيبقي شكل قدام الناس وعشان اخد بالي منك ومن البنات لكن انا عمري ما هغصبك علي حاجه ولا اطلب منك حاجه ابدا لكن حقوقك هتاخديها ومش هسمح لحد يقل منك ابدا طول ما انا عايش وهتفضلي مرت الغالي في نظري واظن كده ريحتك
رقية صمتت لبرهه وقبل ان تنطق عادت خديجة ولكن كانت تود ان تسأل يونس عن وردة ولكنها سكتت.....
خديجة ها يلا بينا بقا
وعند محل الذهب رحب صاحب المحل بيونس بشده
الصائغ تحت امركوا
يونس هاتلنا احسن حاجات عندك نختاروا منها
خديجة نشوف الاطقم الكاملة ولا ايه رايك
يونس الي تحبيه خديه ياام سما ده حقك وريني كمان حاجات بناتي كده لبنات اخويا 
فرحت رقيه لتفكيره في بناتها شكرا بس ملوش داعي
يونس اب وبيهادي بناته فيها ايه ولا انا مش زي ابوهم
خديجة تعيش ياخويا
وبعدما انتهت رقية من الاختيار طلب يونس ان يعرض الصائغ عليهم الدبل فااختارت رقية بمساعدة خديجة علي مضض فهي لم تخلع دبلة مصطفي من يديها مطلقا وفي اثناء انشغال خديجة بالإختيار لسجي وسما اقترب يونس من رقية هامسا متقلعيش دبلة مصطفي ولا دبلتك القديمه بس هاتي الجديدة عشان ابويا وامي وخلاص انا مش هضايق انا فهمتك الي فيها
رقية باامتنان لتفهمه لها شكرا يايونس 
وبعد ما انتهوا من الشراء سألهم الصائغ هل يكتب الاسماء علي الدبل
يونس ايه رأيك يام سما حتي لا يحرجها برفضه
رقية لا مش ضروري اصله لسه محددناش الوقت بالظبط
الصائغ الف مبرووك مقدما هو حضرتك العروسه
يونس ايوة يالا شوف الحساب
دفع يونس مبلغا كبيرا ولكن علي رحب فهو من وجهة نظره يؤدي واجبه فقط اما رقية فارتاحت لما سمعت منه فكانت تخشي كثيرا ذلك اليوم الذي سيجتمعان به تحت سقف واحد ولكن هل سيستمر الوضع هكذا لا تعلم......
وفي احدي المقاهي كان يجلس علي مع شلته الضائعه
علي محروق ياصاحبي محروق من الي عملوه فيا ولاد الكلب
دول
صديقه طب ايه الدنيا دلوقتي عايزين فلوس هنتصرفوا ازاي 
علي مش عارف انا غلطت لما مخدتش الدهب كله هو كده كده مضوني علي بياض وممكن يخربوا بيتي
صديقه طب انا عندي فكرة ولا افكار ابليس هتجبلنا فلوس انت مش بتقول حماك ده غني وبيلعب بالفلوس لعب
علي ايوة وواصل عالآخر
صديقه طب اسمعني في الي هقوله وطقطقلي ودانك ومتستعجلش في الرد
علي قول ياحفيد ابليس قووووول اي حاجه تطلعنا من الي احنا فيه ده........
في منزل السوهاجي كانت فاطمة قد وصلت وبعد السلام واثناء انشغال الحاجه سعاد طلبت فاطمة من زينب مرافقتها لاعلي لتحدثها في امر هام...
زينب خير ياخيتي مالك
فاطمة انا عايزة اقولك حاجه انتي عارفه انك اختي القريبه واحنا ستر وغطا علي بعض بس وحيات عيالك
فاطمة جوزي ياختي طلع بيكلم واحده وشكله ناوي يتجوزها
زينب جوزك يابت مصدقكش هو فاضي للكلام ده
فاطمة تفتح هاتفها وتقلب في الصور بصي شايفه اهه رسايلهم سوا والي فهمته ان عرفها من المدعوك الي اسمه الفيس بوك وشكلها مش ساهلة ابدا ومطلقه وعايشه حياتها
زينب يالهوي وسكتاله
فاطمة قلت مخربش علي نفسي وبيني وبينك انا الي قصرت معاه برضك ياختي دا انا كنت قربت انسي اني ست ما بالك هو
زينب طب ما تكلميه وتواجهيه
فاطمة المواجهه جايه جاية بس انا دلوقتي لازم ارجعه ليا امبارح عملتله سهرة حلوةوقفل تلفونه بس الصبح شكلها كلمته وفضل يتهامس في الكلام في البلكونه قلبي بيتقطع وانا عارفه انه بيخوني بس اعمل ايه خاېفه من الشماته
زينب طب وناوية علي ايه
فاطمة بصي انا لازم اعرف عنوان الحرباية دي الي هتخرب بيتي وبعدين انا هتصرف معاهم هما الاتنين بس والله لو ما اتعدل ليشوف مني انقح من الي عمله ابوكي في جوزك
زينب طب ما تحكي ليونس
فاطمة مش وقته كفاية حكايتك انتي وجوزك عليهم اهه انا هحاول ولو معرفتش اتصرف هقولهم يتصرفوا
زينب طب اساعدك ازاي طيب
فاطمة يمكن اسيب معاكي العيال هنا لو عرفت عنوان مقصوفة الرقبه بس اوعي تحكي لحد انا بس قلت افضفض معاكي حكم هتجن من سعت ما عرفت
زينب ربنا معاكي ويصلحلك الحال يارب
وصلوا خديجة ويونس ورقية كانت بااستقبالهم الحاجة سعاد...
الحاجه سعاد اتاخرتوا قوووي ليه
خديجة ابدا روحنا اشترينا الدهب وكمان جبنا لبس وفساتين لرقية والبنات
الحاجه سعاد ببرطمة تقولش بنت بنوت فرحانه دهب وفستان
سمعتها رقية ولكنها فضلت الصمت فهي لا تريد ان تدخل في مشاحنات معها
فاطمة ازيك ياخديجة وحشتيني يابت
خديجة وانتي كمان ياخيتي وحشتيني قوي
فاطمة ازيك ياعروسة ما تفرجينا شبكتك
رقية الحمد لله اتفضلي
الحاجه سعاد ايه ده كله امال لو مكناش زاقينك زق عالجوازة كنتي عملتي ايه
خديجة يونس الي اصر تجيب دول وشايفه جاب ايه للبنات
يونس ياسما ياسجي تعالوا يابنات
سما ايوة ياعمو سجي بتستحمي فوق 
يونس وهو يلبسها السلسله والانسيال
والخاتم ها ايه رأيك في هدية عمو
سما الله حلوين اووي ياعمو انت زي بابا كان بيشتريلنا كده زيك لما يجيب لماما
فاطمة ما هو عمو جاب لماما برضه متقلقيش
سما هو صحيح ياعمو انت هتتجوز ماما وتعملوا فرح
رقية سما بلاش الكلام ده يالا ياحبيبتي اطلعي علي اوضتك
يونس بصي ياحبيبتي اطلعي اوضتك وانا هجيلك وقولي لعمك آدم ينزلي عايزه ضروري
فاطمة انتي مقولتيش لبناتك ياختي مش لازم تفهميهم ولا يلاقوا عمهم معاكي في الاوضه عادي كده
يونس فاطمة اقعدي قعدتك واتكلمي في الي يخصك وبس
فاطمة ناقص تنشني من بيت ابويا يايونس
الحاجه سعاد هو في ايه منك ليها ما خلاص اختك قالت كلمة وعنديها حق فيها ايه
رقية عن اذنكم
فاطمة اهه تولع الدنيا وتمشي
يونس اقترب من فاطمة بصي انا اكتر واحد عارفك وعارف انك بتكرهيها من ايام ما اخوكي مصطفي كان عايش بس مش هسمحلك تقلي منها وزي ما كان مصطفي مش بيسكتلك انا كمان مش هسكتلك 
فاطمة بقا كده يايونس ماشي ياخوي.
انا ماشيه ياما
خديجة استني بس يافاطمة يونس ميقصدش حاجه
الحاجة