رواية رشا الجزء الاخير

وهم يلعبون بمرح طفولى. ثم يخرجون من المياة وتجرى رنا لتلحق اخذ المنشفة وتسبقهم الى الشالية .
رنا وهى تنهج أحمد ..هات المفتاح وقولهم انى سبقتهم وعطلهم لحد ما اخد شاور ...ماشى .
وتجرى بسرعة ليبتسم احمد من منظرها الطفولى فكانت مثل الطفلة الصغيرة التى تسبق أخواتها لدخول الحمام ... إنه مرح طفولى أول مرة يشاهده فيها .
يقضون اليوم فى جولات بين المحلات التجارية وممارسة الالعاب الرياضية المرحة . حتى يذهبون للشالية فى وقت متأخر جدا للنوم.
فى اليوم التالى 
تستيقظ رنا على صوت طرقات على الباب لتفتح الباب وتجد محمود يقف أمامها ويسند بيده على جانب الباب 
محمود بإبتسامه صباح الخير 
رنا پصدمه صباح الخير 
يدخل محمود الشالية ويشاهد الشالية من الداخل ويمر على الغرف ويجد غرفة لمصطفى نائما بها وغرفة لآية نائمة بها ... 
فحدث نفسة قائلا معنى كدا إن رنا بتنام فى نفس غرفة آية. .
محمود انا هنام بقى فى غرفة مصطفى. 
رنا بدهشه دا ..إزاى يعنى !!
محمود مبتسما زى الناس ...مهو مش معقول هأجر شالية اأقعد فية لوحدى .هنام جنب مصطفى. ...
يعنى لو كان جاب زميله مش كان هينام فى غرفتة ..
رنا بحدة مصطفى عمرة ما عمل ولا هيعمل كدا ... مفيش حد غريب بيكون معانا 
لتكمل بتهكم سيادتك مكنتش بتسمح بأى غريب يبقى معانا ..صح 
محمود بحدة وقدفهم انها تقصدة بذلك الغريب انا مش غريب ...أنا ابوهم يا هانم. .
رنا بحدة اكثر ولكن بصوت منخفض بس غريب عنى .... محمود انا آسفة بس مش هينفع تقعد هنا معانا .
محمود طب النهاردة بس لحد لما احجز فى فندق او شالية ..ماشى 
رنا على مضدد يا ريت تشوف حجز بسرعة ممكن .
محمود مش جايلى نوم ...أنا هقعد فى الصالة 
رنا طب انا داخلة انام .
محمود مندهشا أنا هقعد لوحدى ! 
رنا هو انت غريب .. معلش اصلى عايزة أنام 
تدخل رنا الى غرفتها مع آية وتفبق الباب بالمفتاح .وتقطع الغرفة ذهابا و إيابا وهى وتفكر ..ماذا تفعل مع محمود ..إلا أن تعبت ونامت بجوار آية .
بعد وقت طويل. .
آية وهى توقظ رنا ماما ..ماما ..إصحى يقى 
تتحرك رنا فى السرير ووتردعلى آية بدون فتح عينيها أيوة يا آية ..فية إية 
آية بهمس إحنا العصر ...مش هتقومى . 
رناوقد ترددت كلمة العصر فى أزنها إية ! ..العصر ..طب مصحتينيش قبل كدا لية 
آية كان شاكلك تعبان فسيبتك 
رنا وهى تنهض طب يلا علشان احضر الغدا .
آية ماما أنا عملت الغدا خلاص وفطرت أنا ومصطفى و بابا .
رنا وهى تردد ابوكى ...آااه ..ابوكى ..
بصى يا أية بابا بيقول هيقعد هنا لحد لما يلاقى حجز فندق او شالية ..طول مدة وجودة هنا باب الغرفة يتقفل بالمفتاح. ..ماشى 
آية بعدم فهم لية 
رنا بحدة لانه غريب عنى ..ووجودة اصلا غلط وحرام ..فهمتى ...ولا امشى انا 
آية خلاص ماشى يا ماما ... إنتى زعلتى منى لية أنا بس بسأل ... خلاص اللى انتى عايزاه هيتنفذ .
رنا تمام ... هاتى بقى إسدال الصلاة علشان البسة 
آية بدهشة لية بقى ! 
رنا بحدة قلت علشان هو غريب عنى ...
مصطفى ومحمود وآية وعليكم السلام. 
مصطفى يلا يثى يا ماما هنروح الشط ..عطلتينا .
رنا تسأل محمود بتوتر
محمود إنت هتروح معاهم الشط .
محمود لا... انا هقعد هنا ... بصراحة تعبان من السفر ..رنا وهى تنهض خلاص يا مصطفى هلبس وأجى معاك .
مصطفى هامسا أنا قلت لهم يسبقوا هما على ما تصحى وتفطرى .
رنا مغمغه اه أفطر .. .كويس إنك عملت كدا. ..هم عرفوا إن ابوك جة . 
مصطفى أنا قلت لياسمين. 
رنا وهى تنظر له إسمع يا مصطفى لحد لما محمود يلاقى حجز طول ما هو فى الشالية إنت معاه ... لان الوضع دا غلط ومضايقنى ... المفروض بقى يا أنا امشى ..يا هو ..وبردة مش عايزة أحرجة ...بس ده تقييد حرية ليا .. 
تفرك رنا يدها فى توتر شديد وتكمل تفضل معاه طول ما هو جو الشالية ... مفهوم.
مصطفى مفهوم يا ست الكل. ..ها هتنزلى المية .
رنا بتوتر لا.. أنا تعبانه النهاردة وجسمى كلة بيترعش .
مصطفى بقلق طب جيتى لية 
رنا يتوتر علشان ابوك قاعد فى الشالية هقعد معاه إزاى يعنى ! 
تتنهد وتقول أنا هاخد شاى وافطر وإن شاء الله هكون كويسة .
تتقدم آية منهم 
آية قاعدين بتقولوا إية 
رنا مفيش كنت بقولة اللى قلت لك علية فى غرفتنا .
آية بفهم آاااه .... طب يلا إحنا هننزل المية .
تجلس رنا بجوار أحمد على الشاطئ وهى تضع نظارة شمس على عينيها. رنا بشرود هاكل وأشرب شاى وهبقى كويسة .
أحمد وقد قلق عليها رنا ..إنتى كويسة 
رنا وهى تنظر لة من خلف نظارتها الشمسية فية حاجة يا احمد .
أحمد رنا ..إنتى قلقانه ان محمود جة 
تنظر لة رنا وتبلع ريقها وتهز رأسها بالموافقة. 
يشعر احمد بمدى قلق وتوتر رنا ويشعر بالاسى لحالها .ليكمل لو تحبى ممكن الرجالة كلهم يبقوا فى شالية مع بعض وإنتى والبنات فى شالية تانى .
رنا بلهفة يا ريت يا أحمد تعمل كدا ...أنا فعلا متوترة جدا ومش عارفة أتلم على أعصابى ..خاېفة ومش عارفة من إية 
أحمد خلاص انا هكلم مصطفى وهخلية يقول لمحمود ..
رنا إعمل اللى انت عايزة ..أهم حاجه أبقى انا والبنات مع بعض .
أحمد طب إهدى وإشربى الشاى ...يلا إفطرى 
تمد رنا يدها وهى ترتعش لكى تمسك كوب الشاى ولكنها لا تستطيع فتضعه وتأكل الساندوتش ثم تشري الشاى .
يظل أحمد يراقب رنا دون ان تلاحظ. ثم يقوم وينزل البحر مع مصطفى ونور .ويقول لمصطفى على إقتراحة فيوافق علية مصطفى من أجل راحة رنا .فهو يرى أنها متوترة جدا جدا .
يأتى الليل ويعودوا إلى الشالية يجدون محمود لا يزال نائما يدخل مصطفى ويوقظة ويأكلون من يد آية .
يخبر مصطفى والدة انهم سوف ينتقلون الى شالية احمد وسوف تأتى ياسمين للبقاء مع رنا وآية .
يخرحون جميعا للسهر والفسحة ويعودوا قبل الفجر . تدخل رنا والبنات للشالية الخاص بهم ويجلسون يتحدثون حتى آذان الفجر فيصلون وتذهب آية وياسمين للنوم وتظل رنا مستيقظة قليلا ثم تتلقى رسالة مطمئنة من أحمد .
رسالة أحمد نامى بقى ..النور منور لية نامى وهصحيكى اول ما أصحى .
تبتسم رنا للرسالة وتبعث لة برسالة طب تصبح على خير .
أحمد فى رسالة وإنتى من أهل الخير. 
ونامت رنا مطمئنة.
فى ظهيرة اليوم التالى يحضر الرجال جميعهم لشالية رنا لتناول الفطور معا .
رنا بإبتسامة الفطار النهاردة عمايل إيد آية وياسمين .
نور علشان كدا جميل .
مصطفى تسلم الايادى .
أحمد بدهشة وإستنكار عارفين طريقكم .هههه
مصطفى ضاحكا من خاف سلم يا عمى .
ليضحك الجميع معا 
رنا عايزين تتغدوا إية علشان اجهز ليه .
مصطفى أى حاجة من إيدك حلوة 
رنا يا رافع معنوياتى ... خلاص سيبوا بقى الغدا على زوقى 
أحمد مؤيدا ماشى الكلام .
محمود بإبتسامه رنا ديما زوقها عالى 
ليشعر أحمد ببعض الڠضب والغيرة ولكنه ينجح فى ان يخفية 
رنا ضاحكه شكلى هعمل كشرى مصرى .
يضحك الجميع ويقولوا حلوا واللة وكلنا بنحبة .
رنا خلاص ..يبقى كشرى مصرى من المحل اللى