رواية منة الجزء الثاني

البارت الخامس 
همس بعصبيه قالت ازاى يجيله الجرأه أنه يكلمنى أنا هعرفك انك لازم تحط حدود ومتتعدهاش علشان متحصلش مشكله
وكتبتله وهيا مټعصبه وقالت...لا ده متنفعش كتابه
قامت رنه عليه
عند أحمد 
اول ما رنت عليه ماصدقش نفسه ورد علطول
احمد ...الو
همس...انت اي اللى انت بعتهولى ده
احمد وهوا مستغرب من طريقتها وقال...مالك يا همس بعتلك قولتلك انك كنتى حلوه انهارده
همس بعصبيه قالت...طب بص بقى يا احمد انت من تلات سنين سبتنى بحجه انك اكتشفت فجأه أن حبك ليا كان حب مراهقه وانا فاكره برضوا انك قولتلى انسينى وخلينى ابن خالتك وبس

وانا سمعت كلامك وياريت انت كمان تلتزم بكلامك ومتتعداش حدودك معايا وتبقى على قد ازيك الله يسلمك
ودي كمان مش عايزاها تمام ياريت تركز في كلامى كويس اووى علشان متحصلش مشاكل مع السلامه يا احمد
وقفلت بعصبيه وقالت كدا احسن ده هيفكر أن اللى عمله زمان هنساه يبقى بيحلم
وقعدت تكلم نفسها ازاى قدرت أقوله كدا ازاي جتلى الشجاعه أن أقوله الكلام ده ومكنتش متأثره هوا ممكن اكون فعلا نسيته ومبقاش فارق معايا
وكانت همس في صراع بين نفسها وفاقت من شرودها
وقامت غسله وشها وراحت على السرير بتعب وضغط اليوم واول ما حطت دماغها على المخده راحت فى سبات عميق
عند أحمد...
اول ما قفلت التليفون في وشه بقى مصډوم ومش قادر يفكر في حاجه كل اللى جاي على باله هوا ازاى همس الطفله الصغيره اللى كانت بتحبه ومتقدرش تستغنى عنه بس هيا دلوقتى قدرت تستغنى عنه اللى عمله فيها من تلات سنين لسه منستهوش الۏجع اللى سببتهولها وهيا طفله لسه مآثر عليها بقت بتكرهنى للدرجادى مبقتش عايزه تسمع حتى أسمى
وقال بحزن وعيون مدمعه قال...مكنتش اتوقع انك تكونى بالقوه والعند ده يا همس كنت مفكرك لسه همس الطفله الطيبه اللى كانت من اقل كلمه بټعيط
الظاهر أن أنا خسرتك فعلا يا همس ونسيتينى فعلا السنين قادره تنسي اكيد قدرت تنسيكى
وقام واتوضى بنيه أنه ربنا يريح قلبه ويسعدها وبعد ماخلص صلاه حس براحه غريبه وراح نايم علطول بتعب من السفر..
تانى يوم الصبح عند همس 
المنبه رن فصلته وكملت نوم
دخلت هدى على همس وقالت ...همس اصحى يا بنتى هتتأخرى على المحاضرات بتاعتك
همس بنوم قالت...شويه بس يا ماما
هدى وهيا بتفتح الستاره علشان الشمس تدخل قالت ...شويه اي الساعه 8 وربع اخلصى انتى مش قولتيلى صحينى 8
همس وقامت مفزوعه وقالت...ينهار ابيض 8 وربع اي هتاخر
قامت همس دخلت الحمام وخرجت لبست بسرعه وصلت
وخرجت من اوضتها
كانوا متجمعين على السفره ...
هدى ...تعالى افطرى يا همس
همس باستعجال قالت..افطر اي بس ده يارب الحق اوصل فى المعاد الساعه 9 الا تلت يلا سلام
هدى ومحمد ...مع السلامه
عند أحمد 
صحى من بدرى وحجز تذكره طيران لكندا الساعه 12 وصحى وبدأ يجهز حاجته ولبس وخرج لقاهم قاعدين على السفره بيفطروا
محمود باستغراب قالت...رايح فين يا احمد انت مش قولت هتقعد معانا اسبوع
هدى ...رايح فين يابنى
احمد بملامح جامده ....مسافر قلت ملهاش لازمه اشوف مستقبلى احسن بدال ميفوتنى حاجه فى الجامعه
هدى بحزن قالت...أنا لسه مقعدتش معاك انت لسه وحشنى يا بنى
احمد وهوا ط ايديها...معلش يا ست الكل أنا لازم اسافر معلش
محمود بحزن على فراق ابنه قال...مكنت قعدت معانا يبنى
احمد ببرود قال...انت بالذات مينفعش تقول الكلمه دي اي ومش خاېف على مستقبلى
اومال كان فين الكلام ده من تلات سنين كانت فين الطيبه والحنيه دي من زمان
فوقت متاخر اووى فوقت بعد ما خلاص مبقتش معاك وياسمين كلها كام شهر وهتسيبلك البيت متعرفش فرحتها دلوقتى هتبقى عامله ازاى أنها هتبعد عن قسوه قلبك دي
وهتبعد عن
وقطع كلامه صوت ياسمين وهيا خارجه من اوضتها وقالت ...مين قالك انى هبقى سعيده لما ابعد علفكرا المفروض تحترم نفسك وانت بتكلم باباك وتلتزم حدودك معاه وتتكلم بأسلوب كويس ده مهما كان باباك
وهوا اتغير بقى حنين جدا وطيب وعوضنى عن اللى كان بيعمله معايا وانا مبقتش زعلانه منه وبقيت عايزه أفضل معاه علطول
احمد بعصبيه وحزن قال...هوا كل شويه تيجى واحده تقولى التزم حدودك وانتى مالك اصلا ملكيش دعوه أنا أتكلم براحتى وبعدين عوضك انتى مش عوضنى أنا
انا محستش ولا بحنيته ولا بطيبته أنا اخدت القسۏه وبس
بلاش
نتكلم فى الماضى علشان هيوجع ناس كتير اووى
انا ماشى ومش راجع تانى مع السلامه
مشى احمد وساب وراه قلب موجوع بسبب اللى عمله مع ابنه زمان ولغايه دلوقتى محدش نسى الماضى ولا هيتنسى لان القسۏه عمرها ما بتتنسى بتتحفر جوا القلب حتى لو اجي بعدها حنيه وطيبه القسۏه بتفضل فى العقل والقلب
محمود وهوا قايم من على السفره بحزن ...أنا هقوم اروح شغلى
هدى بدموع قالت...متزعلش منه يا محمود هوا لسه مش قادر ينسى انك سبب بعده عن همس وأنه لسه بيحبها بس شكلها نسيته خلاص
محمود بابتسامه حزن ..أنا مش زعلان منه أنا زعلان على اللى عملته زمان معاهم
هدى بابتسامه..اللى حصل حصل خلاص وكله هيبقى تمام انشاء الله
محمود بابتسامه قال..مع السلامه يا حبيبتي
في الكليه بعد ما خلصت همس ومنة محاضرتهم راحوا الكافتيريا يفطروا ..
منة وهيا بتاكل قالت..قوليلى يا همس عملتى اي فى خطوبه ياسمين امبارح
همس ببرود قالت ...عارفه شوفت امبارح مين
منة پصدمه قالت ..اوعى يكون اللى في بالى
همس بضحكه هاديه...هوا اللى في بالك احمد
منة بفضول قالت...احكيلى اي اللى حصل بالتفصيل
همس بابتسامه حكت لمنه كل حاجه حصلت من اول ما شافته في الخطوبه لغايه المكالمه
منة بزهول واستغراب ..مش ممكن تكونى قولتيلى كدا
همس بلامبلاه قالت..أنا نفسى استغربت ازاى جتنى الشجاعه وقولتله كدا ومتأثرتش برجوعه
منة بحيره قالت..ممكن تكونى فعلا نستيه أو بطلتى تحبيه
همس بتصميم ...أنا مأقلمه نفسى أن عمرى ما هسامحه وارجع احبه زي زمان اللى راح عمره ما بيرجع عمرى حبى ليه ما هيرجع زي زمان
منة بابتسامه ...ربنا هيرزقك بالاحسن منه انشاء الله
همس بتغير الحوار قالت...منة شوفتى اعلان الشركه اللى طالبه سكرتيرتين
منة ...لا مشفتوش طالبين اتنين ليه يعنى شركه اي دي
همس وهيا بتفهما قالت...بصى يا ستى دي شركه استيراد وتصدير اتنين صحاب هما اللى أسسوا الشركه دي وهما طالبين سكرتيرتين فهمتى
منة بتفهم ...ايوا فهمت بس ممكن تكون مش كويسه
همس بنفي كلامها ...لا أنا سمعت عن الشركه دي أن أصحابها محترمين جدا وتعتبر دي اكبر شركه استيراد وتصدير فى القاهره
منة بشك في صحبتها ...وانتى مهتمه اووى ليه كدا اوعى تكونى بتفكرى تشتغلى
همس وهيا بتضحك ..ليه لأ تعالى نجهز السى ڤي بتاعنا احنا نعرف تلات لغات والسي ڤي بتاعنا كويس فليه لا
منة برفض ...يا همس هيبقى تعب علينا كليه ومذاكره وشغل واحنا مش ناقصنا حاجه علشان نشتغل
همس بهدوء ..مش شرط اننا نكون محتاجين حاجه علشان نشتغل فى ناس بتشتغل علشان تبنى نفسها بنفسها وتشيل مسؤوليه وبعدين الكليه عندنا يومين فى الأسبوع بس بصى احنا هنروح ونقدم الورق انا قررت خلاص
منة بسخريه قالت...ماشى يا ستى أما نشوف اخرتها
همس بابتسامه ..خير وهنتقبل وهنبدأ نبنى مستقبلنا ونبقى حاجه كبيره في المستقبل
منة بابتسامه ... انشاء الله
بعد ما فطروا حضروا محاضره واحده وكل واحدة روحت البيت .
فى البيت عند همس ...
هدى بابتسامه... حمدالله على السلامه يا حبيبتي
همس وهيا ي من خدها ... الله يسلمك يا قمرى
هدى بحب ...يلا غيرى هدومك عقبال ما احضر الغدا
همس ...ماشى يا ماما عايزه اقولكوا على حاجه بعد الغدا ماشى
هدى ..ماشى بس يلا غيرى هدومك
دخلت همس اوضتها وغيرت هدومها وجهزت الورق بتاعها حطت كل الشهادات اللى تثبت أنها معاها تلات لغات وأنها معاه شهاده فى اداره الاعمال وجهزت الاوراق المطلوبه همس فتحت تليفونها وكلمت منة ...
همس ..ها قولتى لطنط وعمو
منة ..اها هما رفضوا فى الاول قعدوا يقولولى هتتعبى نفسك ليه ناقصك أي لو ناقصك قوليلنا واحنا نجيبهولك
فين وفين لغايه ما وافقوا
همس ..قولتلهم اي لما رفضوا
منة ..قلتلهم أنا عايزه اشتغل وابنى نفسى بنفسى ويبقى ليا فلوسى الخاصه وعربيتى واعمل كل اللى نفسى فيه من شغلى من تعبى ووافقوا الحمدلله
همس ... الحمدلله ادعيلى أنا بقى يوافقوا
منة ...هتقوليلهم امتى
همس ...بعد الغدا هقولهم بس انا عايزه اشتغل ده انا جهزت ورقى خلاص
منة ... انشاء الله هيوافقوا وانا هقفل معاكى هتغدا وهجهزه وبعدين اكلمك
همس ..ماشى يلا سلام
وقفلت وخرجت برا على السفره ...
على السفره.....
اتغدوا وقعدوا يهزروا شويه وبعد الغدا قعدوا فى الصالون
همس بتوتر ...أنا عايزه اقولكم على حاجه
محمد ..قولى يا حبيبتي
هدى ...خير يا حبيبتي
همس بقلق من رده فعلهم قالت...فى شركه طالبه سكرتيره وانا ومنة
عايزين نروح نقدم ورقنا ده بعد اذنكم طبعا ولو اتقبلت هشتغل سكرتيره فى أكبر شركه استيراد وتصدير
هدى بابتسامه قالت ... حبيبتى انشاء الله هيوافقوا انتى معاكى كذا شهاده فى كذا لغه وتقديراتك حلوه انشاء الله هيوافقوا
همس بارتياح لموافقه مامتها ... انشاء الله وانت رايك اي يا بابا
محمد ...أنا مش موافق
همس بزعل وحزن وقالت فى تحدى ......
يتبع....
ByMenna younis
يا ترى محمد رفض ليه وهل همس
البارت السادس......
همس بارتياح لموافقه مامتها ... انشاء الله وانت رايك اي يا بابا
محمد ...أنا مش موافق
همس بزعل وحزن وقالت فى تحدى ....وانا عايزه اعرف حضرتك مش موافق ليه
محمد بصوت عالى نسبيا...انتى اي اللى يخليكى تشتغلى
وانتى مش ناقصك أي حاجه فملهاش لازمه انك تشتغلى
همس بحزن...ليه بس يا بابا أنا مقولتش انى ناقصنى حاجه بالعكس أنا مش ناقصنى حاجه بس انا عايزه ابنى مستقبلى وعايزه احقق كيان لنفسى ويكون ليا فلوسى الخاصه علشان خاطرى وافق يا بابا
محمد بعصبيه...اسمعينى يا همس أنا مش هعرضك أن حد يهينك أو يتحكم فيكى أو يعلى صوته عليكى وتبقى تحت رحمته انا حر أنا مش عايز بنتى تشتغل عند حد
همس بعصبيه ...يا بابا مش انا لوحدى اللى بشتغل كل البنات بتشتغل مش انا لوحدى يعنى وبعدين اي اللى هيخليه يهنى أو يتحكم فيا وأنا بشتغل وبدال بشتغل وبأدى واجبى من غير تقصير مش هيعمل حاجه من اللى فى دماغك يا بابا بالعكس ده هيحترمنى وهيقدر شغلى علشان خاطرى وافق بقى
محمد بتصميم ...وانا مش موافق يا همس ولو عملتى اللى فى دماغك هتبقى زعله كبيره بينك وبينى والمره دي مش هسامحك خلى بالك
همس بعند ...يا بابا علشان خاطري أنا عايزه اشتغل سبنى ابنى لنفسى مستقبل ويبقى معايا فلوس واقدر اجيب اللى أنا عايزاه وانا لما اشتغل واتعرف على ناس جديده هتساعدنى اني ابنى شخصيتى يا بابا ده غير انى عايزه اتحمل مسؤوليه شغل واعتمد على نفسى فى كل حاجه بالله عليك وافق
محمد بتصميم...أنا قولت اللى عندى مفيش شغل يعنى مفيش شغل
همس