رواية عشقي انا الفصول من السادس وعشرون للاخير

منك عياال كتيررر أوي نفسي أملى البيت كله عيال منك
أحتضنها بحب وهو يقول 
_ ماشي بس إلى ميزعلش بعد كدة
قالت بفرحة 
_ يعني هتوديني للدكتور
_ ماشي وأمر لله
____________
جلست بجانبه وهي تقول بأنتباه 
_ ها يا دكتورة
_ هو حضرتك متجوزة بقالك قد أيه 
نظرت لآدم الذي قال بتوتر 
_ يعني ممكن 6 شهور أو أكتر مش متأكد بس حصل مشاكل كتير ف كنا بعين عن بعض
نظرت الطبيبة للأوراق التي أمامها وهي تقول 
_ للأسف يا مدام حضرتك مش بتخلفي أو موضوع الخلفة هيبقى صعب بالنسبالك لأن جسم حضرتك ضعيف جدا
قاومت دموعها وهي تقول بنبرة مخټنقة 
_ طب مفيش أي أمل
_ أكيد في أحنا هنمشي على الأدوية لحد فترة وهنشوف مش عايز أحبطك بس فعلا الموضوع صعب وممكن ياخد وقت طويل على الأقل سنتين أو ثلاث سنين
تنفس بعصبية وهو يرى الطبيبة تكسر مقاديف زوجته أمامه لقد قال لها أنه لا يهمه الأطفال لقد كان غبيا عندما وافقها على الذهاب للطبيب أمسكت يده بهدوء وخرجوا من غرفة الكشف بعدما أخذ أسماء العلاج المطلوب صعدت إلى السيارة وهي تنظر له بجانبها قائلة بحزن 
_ أنا مبخلفش يا معاذ أنا مبخلفش
ضحكت بحزن وهي تقول 
_ لا معاذ أيه بقا ما خلاص مفيش معاذ
_ ولا يهمك يا حبيبتي صدقيني ميفرقش معايا الكلام ده
بكت بحزن ليربت هو على شعرها وهو يقول 
_ يا حور كل كاجة بأيد ربنا ميبقاش أيمانك قليل كدة
قالت بنبرتها الباكية 
_ يلا نروح يا آدم أنا تعبانة
أطاعها وذهب إلى المنزل
___________
قالت پصدمة 
_ يعني هتسافر
هز وليد رأسه بإيجاب وهو يقول 
_ أدهم طلب مني أن أروح فرع لندن الجديد لشركته وأني أشتغل هناك والمدير يبقى أخوه
قالت بدهشة 
_ أدهم الحسيني
_ أه جالي المستشفي وقال أنه هيكون سعيد لو مبقناش أعداء وأنه محتاجني في الفرع الجديد بتاعه وأنا وافقت
_ طب هتسافر أمتا 
_ الأسبوع الجاي وكنت عايزك تكلمي والدتك في أن لو ممكن نكتب الكتاب قبل ما أسافر
قالت بخجل 
_ طيب هسألها وأقولك
____________
مسح دموعها وهو يقول بحزن 
_ بس يا حببتي كل ده عشان الخلفة يا حور
عانقته بحزن وهي تقول 
_ أنا كان نفسي أخلف أويي
ربت على ظهرها وهو يقول 
_ يا حور مش دايما الدكاترة بتصدق عادي يعني أنتي ممكن بعد شهرين تحملي مفيش مشكلة
_ طب نشوف دكتورة تانية
قال پغضب 
_ لا يا حور أنا واقفتك مرة خلاص سيبي الموضوع على ربنا وهو لو شايف أن أحنا نستحق نخلف هنخلف شيلي الموضوع ده من دماغك
___________
بعد عدة أيام
بارك الله لكما وبارك عليكما وجمع بينكما في خير
قالها المأذون وأخذ المنديل الأبيض ووضعه في جيبه ظل الجميع يبارك للعريس والعروس ربتت زينات على ذراع أبنتها بحب وهي تقول بفرحة 
_ ألف مبروك يا عروسة
أقترب منهم وليد وهو يقول بحب 
_ ألف مبروك علينا يا عروسة الهنا
قالت زينات 
_ خلى بالك منها أنا مداياك روحي
_ خلى أنتي بالك منها لحد ما أرجع من السفر وأخطفها منك
ضړبت رحمة في ذراعه وهي تقول 
_ ټخطف مين أنا هاجي معاك بمزاجي
قبل يدها وهو يقول 
_ هو في حد يخطف القمر ده برضو
وضعت عيناها في الأرض مع أبتسامة خجوله ربتت أميرة على ذراعهم وهي تقول 
_ ألف مبروك يا حبايبي عقبال الفرح
قال وليد بشوق 
_ كلها كام شهر وأرجع ونعمل أحلى فرح في الدنيا
_ ربنا يخليكي ليا وميحرمنيش منك أبدا
قالت زينات بجدية 
_ لالالا الكلام ده بعد الفرح معندناش بنات كدة في الخطوبة
_ دي بقت مراتي مش مخطوبين
_ طلما مفيش فرح يبقي لسة مخطوبين
قال بتعب 
_ هسمع كلامك وأمر لله كلها كام شهر وكل ما تشوفيني هتلاقيني 
وكزته أميرة في ذراعه وهي تقول 
_ عيب يا واد أحترم نفسك بدل ما تحرمك تشوفها
_ أنتي دايما كدة واقفة في صفها
_ ولسة لما تتجوز هقف برضو في صف مراتك
رفع يده في أستسلام وهو يقول بضحك 
_ لا وعلى أيه الطيب أحسن
____________
أبتلع محمد الطعام وهو يقول 
_ هو آدم هيسافر القاهرة أمتى
نظر أنور إلى محمد وهو يقول 
_ ليه !!!
_ هو مش المفروض يسافر القاهرة بقا خلاص أتجوز وداخل على خلفة وعيال ومسؤلية الشغل البسيط إلى بيعمله هنا مش هيكفي
قال انور 
_ طب وهو هيروح هناك من غير شغل مضمون
قال محمد 
_ عادي يا جدي هو عارف شركات أسمدة ممكن يشتغل فيها مش كدة يا آدم
قال آدم بتوتر 
_ اه فعلا ده أنا ممكن أقدم ورقي ألكتروني حتي
قال أنور بحزن 
_ يعني أنت موافج تسافر مصر
قال آدم بهدوء 
_ عايز أستقر وبعدين أكيد هزوركم كل شوية
_ براحتك ربنا يقدملك إلى فيه الخير
___________
بعد قليل
كان يجلس في الحديقة يفكر ماذا يفعل إلى أن جاء محمد وجلس بجانبه وقال بهدوء 
_ مالك كان شكلك مضايق لما قولت لجدو