رواية تميمي
المحتويات
طرده من الأوتيل وأظن كده أنه مش هيكمل الرحله معانا
سكت ولقيتها بتخبط كتفها في كتفي وقالت وهي بتغمز
ده أحنا طلعنا مأثرين أوي في حياة المدير
عارفه أني غلطانه وبقول لنفسي ياريتني كنت سمعت كلام تميم ياريتني مكنت قربت منه بس أنا والله كنت بس بستفزه وكان غي حكم الزمالا هو أنا ليه أتفهمت غلط
عيطت ولقيتها بتاخدني في حضنها كنت بعيط بحرقه وقولت في حضنها
خليه يرجع لي قوليله أني من غيره ضايعه
بصيت لي بزعل وطبطبت علي وفضلت تهديني بعد شويه لقيته داخل الأوتيل وفي أيديه واحده وعيوني وسعت من الصدمه.
بصيت له ولقيته مشي من قدامي وكأنه مش شايفني فضلت عيوني عليهم لحد ما ركبوا الأسانسير
رمشت بعيوني كذا مره وقولت وأنا مش مصدقه
هو أيه ده!!
هند ممكن تهدي
هو ده تميم!! ومين دي!!
سكتت لما ملقتش رد تقوله قومت بعصبيه وقولت
ده أنا هكسر الأوتيل علي دماغهم
مشيت وأنا مټعصبه كنت ماشيه ناحية الأوض لحد ما شوفت رقم الأوضه خبطت برزعه
في حاجه
آه في حاجات
بتتأمل في الأوضه أول ما شافتني بصيت لي وبان عليه التوتر
بشمئزاز قولت
جيت في وقت مش مناسب ولا حاجه
قامت وقفت وقالت
أنت مين!!
بعصبيه مسكت الفاظه وحدفتها عليها وقولت
أنت اللي مين وبتعملي أيه هنا
جريت وفتحت الباب وقولت بعصبيه
تعالي هنا
طلعت وراها بس لقيته حاوطتني بصيت له بعصبيه وقولت
هو أيه اللي بتعمليه ده!!
بعصبيه وكأني بعاقبه علي كل اللي حصلي وقولت
أنا أيه اللي بعمله ده!! أنت أيه القرف اللي بتعمله ده وصلت بيك أنك تعمل ده كمان!!
بص لي وفضل ساكت دمعت وبعدت عيوني عنه وبعدين بصيت له بشمئزاز وقولت
كلكم شبه بعض
زقيته وكنت همشي مسكني من أيدي وقال
كلنا مين لو تفتكري أنا نصحتك تبعدي عنه لو كنت وحش كنت سيبتك براحتك
الا قولي صح ليه نصحتني!!
نعم!!
كنت ليه بتنصحني كنت بتنصحني علشان أيه!!
عشان أحنا ولاد عم ودمنا واحد ولازم أنصحك وأخلي بالي منك
رفعت حواجبي وقولت
بس
هز كتافه وقال بتوتر
آه هو هيبقي فيه أيه تاني!!
بسخريه قولت
صح يا تميم أحنا قرايب فقط لا غير مفيش حاجه تربطنا ببعض غير أننا قرايب
سيبته ومشيت كنت بندب في نفسي أنا اللي عملت كل ده سمحت لقلبي يحلم بحاجه مش حقيقيه حبي لتميم وهم ولا أنا هقدر أعترف له ولا هو هيحس بيه قعدت علي السلم كنت بحاول أوصل لحل حل يخليني أتعالج من حبي ليه
قومت وقفت وروحت ناحية روڤانا بسرعه
روڤانا
شرقت وهي بتشرب
متابعة القراءة
