رواية زينب كاملة
المحتويات
عربون محبة
نظرت لها برفعة حاجب متعجبة فقالت بيسان بخجل وهي تنظر ارضا
_انا لما بستريح لشخص من اول مرة بعطيه العطر ببلاش خاصة لو انا اللي عاملاه
ابتسمت ليان وهي تردف بمرح
_تمام ياستي عربون مقبول
مدت يدها لها و
_وانا استريحت ليكي كمان.. فتسمحيلي نبقي اصحاب
مدت يدها لتسلم عليها وهي تردف
_اكيد.. انا بيسان
_وانا ليان
مدت شيري يدها ووضعتها علي يدا الاثنان وهي تنطق بمرح
_وانا شيري
. . . . . .
_سوزي..
_حبيب قلب سوزي مادام قولت سوزي تبقي عايز حاجة يابكاش
ظهر علي وجهه الخجل وهو ينطق بصوت خاڤت
_خلي ماما تجيبلي sweet ياسوزي بليز.. هي مش بترضي تجيبلي غير لما انتي تقولي ليها
_وليك عين تطلب sweet واسنانك بالشكل دا
ذم شفتيه بحزن وقد شعر من حديثها انها حتي هي لن توافق علي جلب الحلوي له ما ذنبه ان اسنانه ضعيفة! ولا تتحمل ان يأكل عليها الحلوي..
هو ملزوم بغسلها يوميا بمسحوق المعجون ويفعل ذلك بالفعل اذن عليه ان يكافئ بتناول ولو قليل من الحلوي..
دخل سليمان لغرفة جدته بتلك اللحظة وهة ينطق بسعادة ظاهرة جيدا في عينيه
_روح قلبي عاملة اية
ظهرت الدهشة عليها وهي تردف بزهول
_روح قلبك انت مبتقولش الكلمة دي غير لما تبقي رايق ورايق اوي كمان
_انا فعلا رايق وفرحان وسعيد اوي.. اوي كمان
نطقت بحب له
_دايما يارب تكون فرحان ياحبيبي
قبل وجنتي ادهم من جديد وهو يقول
_عامل اية يابطل
اردف ادهم بحزن وقد قرر ان يستغل فرصة سعادة سليمان في طلب ما يريد فربما يوافق
_زعلان..
سليمان بحاجبين يضيقان بتسأل
_زعلان من اية
ادهم بحزن طفولي
_محدش عايز يجيب ليا sweet ياعمو
اهبطه علي الارض وهو يقول بينما يمسد علي ظهره
_روح لدادة وجيدة واطلب منها اللي عايزه وقولها عمو سليمان هو اللي قالي اعمل كدا
نطق بسعادة وهو ينظر له بعدم تصديق فسليمان اكثر واحد كان يتأكد من انه سيرفض ك والدته تناول الحلوي
سليمان بضحك
_اها بجد..
لم يكمل عبارته وغادر الطفل بخطوات راكضة سوزان وهي ترمق حالة سليمان العجيبة
_حالك كدا بيقول ان في حاجة ياسليمان.. مش هتقولي في اية بقي
_مفيش ياتيتا الشغل بس ماشي زي ما انا عايز
قالت بنظرات متفحصة
_وبس..
اؤما بنعم وقد قرر تأجيل اخبارها بأمر حبه حتي يعلم بأجابة بيسان هي الاخري
وكم يتمني ان تكون الاجابة هي نعم أحبك .. حقا كم يتمني
. . . . . .
قرأ سليمان التقرير الطبي بتركيز شديد حتي كتبت كل كلمة في عقله وعلقت لا يوجد فيه ما يفيد
متابعة القراءة
