رواية المربية كاملة

انتي يا سوسو 
دادة سعاد ربنا يجبر بخاطرك يا بنتي 
بدر ضحك لما لقي رقية بتهزر مع دادة سعاد وقالهم انا رايح الشركة وباس كاميليا ومشي وبعد ما مشي لحد الباب نده علي رقية وقالها 
رقية لسة زعلانة رقية لا خلاص كفاية اللي انت عملته عشاني ربنا يخليك ليا 
قالها بجد.. 
قالتله علي فكرة انا بتكسف وسابتة ومشيت ضحك ولبس نضارة الشمس بتاعتة وراح عربيته عشان يروح الشركة 

رقية وهي في اوضتها بتفضي شنطتها تليفونها رن وكان يوسف اللي بيتصل بيها رقية ردت اهلا يا يوسف خير 
يوسف اية يا رقية حد يرد علي حد كدا 
قالتله بقولك خير اية العيب في كدا 
لا لا مفيش عيب المهم انتي فين اصل انا روحت لك الكلية ملقتكيش روحت لك السكن قالولي سبتيه اتصلت بمرات عمي قالتلي انك بتشتغلي مربية عند ست كبيرة لية يا رقية بتشتغلي هو انا مش بدفعلك مصاريفك طيب ومصاريف السكن اللي دفعتها مش خسارة تروح عليا كنتي قولتي اول السنة مكنتش دفعتها 
رقية كفاية بقي يا يوسف كل شوية تفكرني انك انت اللي بتدفع مصاريف الكلية والسكن عموما كويس انك اتصلت انا كنت هتصل بيك عشان اقابلك لاني عايزاك 
قالها بجد عايزاني طيب تحبي نتقابل فين 
قالتله زي ما تحب 
قالها طيب تعالي نتقابل عند سور الكلية اهو تتمشي عشان المصاريف بتاعة اي مكان غالية دلوقتي ولو عوزتي تشربي اي حاجة هجبلك بيبسي 
رقية لا كتر خيرك انا مش عايزة حاجة استناني الساعة 3 قدام باب الجامعة سلام يا يوسف 
رقية كلمت بدر واستأذنته انها هتروح تدي ابن عمها حاجة ضروري ولما ترجع هتحكيله 
بدر قالها تمام خلي السواق يوصلك وسألها محتاجة فلوس قالتله لا انت مديني كتير وانا مصرفتش منهم الا حاجات بسيطة شكرا وقفلت معاه 
الساعة 3 رقية وصلت لقت يوسف مستنيها اول ما وصلت أديتله ظرف فيه مصاريف الكلية اللي دفعها وفلوس السكن وقالتله شكرا يا يوسف دي فلوسك كلها وزيادة عشان عارفاك شغال في بنك وتحب كل حاجة ترجع بفوايدها وكتر خيرك علي تعبك 
يوسف قالها بس انا مطلبتش منك حاجة قالتله كفاية انك كنت بتذلني بيهم كل شوية 
قالها مكنتش اقصد دا انا خطيبك اللي بيحبك 
رقية ردت عليه وقالتله احنا مش مخطوبين اصلا انت ابن عمي وبس وانا عمري ما حبيتك انا بشوفك زي اخويا وانت اللي مش قادر تقتنع وكنت متخيل إنك هتشتريني بفلوس المصاريف عشان ظروف بابا المادية اللي علي ادها بس الحمد لله دلوقتي انا بشتغل وشكرا ليك علي كل حال بعد اذنك وسابتة ومشيت 
يوسف بص لاقاها ركبت عربية فخمة بسواق استغرب ووقف تاكسي وقاله خليك ورا العربية دي وفضل وراهم لحد ما وصلت القصر ودخلت بالعربية وهو نزل من التاكسي وسأل الأمن هو قصر مين دا لو سمحت اصلي بدور علي شغل واحنا علي باب اللي زي بعض ومحتاج تساعدني اشتغل عن صحاب القصر
بتاع الأمن قاله دا قصر بدر بيه 
يوسف قاله واكيد ماما اللي اعدة فيه بعد ما ماټ 
الأمن قاله بعد الشړ علية لا بدر بيه أمة مټوفية ومراتة مټوفية معندوش غير كاميليا بنتة اللي عايشة معاه 
يوسف كمل باقي التمثليه وقاله طيب اجيله امتي عشان الاقيه 
قاله
بدر بية بيخرج كل يوم الساعة 10 الصبح تقدر تستناه وتكلمه 
يوسف قاله شكرا يا صاحبي استأذنك انا بقي
يوسف مشي وهو بيفكر بقي انتي يا رقية تسبيني عشان ماشية مع واحد مليونير وكمان اعدة معاه في قصره طيب والله لاڤضحك واجبلك ابوكي عشان يقتلك وتغسل عاړنا 
يوسف سافر البلد وراح لعمة ابو رقية ودخل عليه وقالة انت يا مربي الاجيال يا محترم سايب بنتك معاشرة راجل راعدة معاه في قصرة عشان الفلوس 
عمه قاله أخرس قطع لسانك انا بنتي اشرف من الشرف 
قاله تعالي معايا وانا أوريك بعينك بنتك اللي استغفلتك وحطت راسك في التراب 
أبو رقية بقي مزهول ومش مصدق وهيتجنن لانه مربي بنته وواثق في تربيتها وانها
عمرها ما تعمل حاجة غلط او حتي تكدب بس كلام يوسف دا ايه
قاله يالا بينا قاله لا الصبح نتحرك عشان نوصل بدري ونظبهم مع بعض قبل ما الباشا يروح شغلة ويسبها 
في الصباح كان والد رقية علي وشك يجيله جلطة