رواي نسمة الحزء الثاني

يحدث عكس ما نتمني نقابل الشخص المثالي من وجهة نظرنا بالوقت الصح و لكن لأسباب خارج إرادتنا نفترق!! تاركين قلوبنا بحوذة بعضناو نبقي على يقين أن رب الخير لا يأت إلا بالخيرنحيا على أمل اللقاء مرة أخرى لعل قلوبنا تعود لنا من جديد برفقة محبوبنا..
.. بالمستشفى..
كانت مني تنهمر دموعها على وجنتيها بغزارة و لكن هذه المرة دموع الفرح بعدما نفي زوجها الحبيب التهمة عن عزيزها إسلام و انصاع لألحاحها و توسلها له حتى أغلقت القضية ضد مجهول.
ربنا يكمل شفاك على خير و ميحرمناش منك أبدا يا عبد الحميد.. نطقت بها من بين شهقاتها و اكملت بتقطع..
ريحت قلبي إلهي ربنا يريح قلبك يا أخويا..
أطبق عبد الحميد جفنيه پعنف و أخذ نفس عميق زفرة على مهل مغمغما..
أنا عملت كده لخاطرك يا مني.. لخاطرك أنتي وبس.. لكن ابنك خلاص مبقاش ليه اي خاطر عندي..
قال الأخيرة بصوت تحشرج بالبكاء و اعين ترقرقت بها العبرات و تابع بعدم تصديق..
مش مصدق أن اللي حصلنا دا على ايد اللي المفرض يبقي ضهرنا و سندنا بعد ربنا.. أنا مش قادر و لا هقدر اسامحه و لا أأمن عليكي و لا على أخته معاه بعد اللي عمله فينا و علشان كده اتصلي على يوسف دلوقتي هتفق معاه على ميعاد فرحه هو بنتك في أقرب وقت ..
كان يتحدث بتعب و إجهاد ظاهر على ملامحه الحزينة جعل القلق يزحف لقلب لزوجته فقالت پخوف عليه..
طيب أهدي يا عبد الحميد الله علشان متتعبش يا خويا وأنا هعملك اللي أنت عايزه.. 
نطقت بها مني

وهي تربت على كتفه برفق نفخ هو بضيق و تحدث بنفاذ صبر قائلا.. 
طيب يله اتصليلي عليه يا مني.. مستنيه أيه..
تنهدت مني بقلة حيلة و أخرجت هاتفها من جيب عبائتهااقتربت منه و همست داخل أذنه بتعقل قبل أن تطلب رقم خطيب ابنتها.. 
عبد الحميد أوعى يا أخويا تكون قولت ليوسف ان إسلام هو اللي عمل فينا كده..
حرك عبد الحميد رأسه بالنفي مغمغما.. 
لا اطمني.. هو سألني فعلا بس أنا مردتش عليه لا بأه ولا بلاء..
صكت مني على أسنانها بغيظ و هي تقول .. 
وسألني أنا كمان زي ما يكون وكيل نيابه و مصر يعرف اللي حصل وحسيت بغل في طريقة كلامه على إسلام ابني مش مريحاني يا عبدو..
عبد الحميد بأسف.. ابنك يستاهل يا منيو يوسف شايل منه من ساعة ما مد إيده على آية قدامه..
شهقت مني بصوت خفيض و تحدث پغضب مرددة.. 
يشيل من ابني ليه يا حبيبي.. دا اخ واخته و يوسف دا ملوش انه يدخل بينهم غير بالخير.. غير كده يخرس خالص لأن و لا إسلام و آية هيسمحلو يدخل بينهم .. 
صمتت لبرهة و تابعت بهدوء.. 
عبد الحميد ابننا غلط اه.. بس احنا كمان غلطنا