رواي نسمة الحزء الثاني

هاخده و نروح ل آية و ان شاء الله مش هرجع إلا و هي معايا.. اطمن أنت يا حبيبي..
قال إسلام .. 
خلي بالك من نفسك و ادعيلي من قلبك..
قلبي دايما بيدعيلك يا حبيبي.. 
همست بها رقية بصوت متحشرج بالبكاء و هي تطلع لعينيه بنظرتها العاشقة..
بادلها هو النظرة بعشق أكبر و هبط الدرج راكضا وجد نوح يجلس على دراجته البخارية ينتظره صعد خلفه و هو يبحث بعينيه عن يوسف.. 
هو فين الدكتور!..
طلب اسم المستشفى مني و قال هيسبقنا على هناك.. هكذا اجابه نوح ببساطة و هو يستعد للانطلاق بدراجته..
عايزين نوصل قبله يا نوح.. يوسف مش سهل و هيدخل لوالدتي و ممكن يعرف منها اللي حصل و مش هيسكت خصوصا ان انا وهو بينا مصانع الحداد و تقريبا مبنطقش بعض.. أنا عايز اشوف امي قبله.. 
قالها إسلام بنبرة راجية نظر له نوح من فوق كتفه و أردف بثقة قائلا.. 
بمشيئة الله هنوصل قبله.. أمسك نفسك انت بس و انا سايق ..
أنهى جملته و انطلق بأقصى سرعة و مهارة عالية في القيادة و بأقل من ثلاث دقائق كان وصلوا أمام المستشفي..
اندفع إسلام راكضا داخل الممر المؤدي للغرفة المتواجد بها والديه وقف أمام الغرفة يلتقط أنفاسه بصعوبة و ينظر ل نوح الواقف بجواره نظرة يملؤها الخۏف.. 
ادخل أنت و أنا هستناك هنا متقلقش..
اقتربت منهما إحدي الممرضات التي اتجهت باسلام نحو غرفة التعقيم و قامت بعمل اللازم قبل أن يدلف لداخل غرفة العناية..
كان بدنه يرتجف و كأنه طفل صغير قام بفعل خطأ ما و يخشي عقاپ والدته دلف لدخل الغرفة بخطي متعثرة خافض وجهه بخزي من نفسه.. 
إسلام.. يا حبيبي يا ابني.. 
همست بها مني بضعف شديد و أشارت له بيدها أن يقترب أكثر.
نظر لها إسلام بأعين مليئة بالندم و العبرات معا و بلحظة كان قطع المسافه بينه وبينها وجثي أرضا على ركبتيه بجوار فراشها و مال على يدها المنغرس بها الأبرة الطبيه مرددا بتوسل.. 
سامحيني.. سامحيني يا أمي.. أنا أسف والله.. مكنتش أقصد..
هششش.. أخرس يا واد. و قوم بصلي.. 
همست بها مني و هي تجذبه بوهن حتي توقف أمامها و رفعت يدها تتفحص صدره و يديه ظنا منها انه ربما أصاب نفسه هو الأخر.
تنفست الصعداء بعدما تأكدت انه لم يطعن نفسه مثلهم و نظرت له و تحدثت بصرامة قائله.. 
أوعى تكون قولت ان انت اللي عملت فينا كده..
صمتت لبرهة و تابعت پبكاء.. 
هكدبك يا إسلام.. لو قولت ان أنت اللي عملت كده هكدبك و هغضب عليك العمر كله يا ابني.. أنا مش هسيبك تضيع مننا أكتر من كده يا ضنايا.. 
...................................... لا حول ولا قوة الا بالله.. 
رقية.. 
بعدما أحضرت صغيرها من منزل والدتها ذهبت مسرعة ل آية على العنوان الذي أخبرها به زوجها.. 
تعالي يا رقية يا بنتي اتفضلي