رواية نسمة الجزء الاول

أم نوح تسلم ايديكي ياغالية 
ابتسمت تهاني متمتمة تسلميلي و تعيش يا حبيبي رمقته بنظرة مصطنعة الڠضب مكملة 
ياما نفسي تفرح قلبي بيك بقي وتتجوز يا نوح و ابقى هات مراتك يا أخي و أنا افطركم واغديكم واعشيكم كمان 
ارتسمت بسمة مشاكسة على ثغره و تحدث هامسا داخل اذنها 
ادعيلي أنتي من قلبك ربنا يرزقني ببنت الحلال اللي ټخطف قلبي خطڤ زي ما أنتي خطفتي قلب أبو نوح من أول نظرة يا تونة يا شقية 
لكزته تهاني على صدره برفق وهي تقول بخجل 
هدعيلك ربنا يرزقك بلي ټخطف قلبك وانفاسك كمان بس تتجوز و تجبلي أحفاد يجروا حوليا أنا وأبوك 

صفقت ندي بحماس و هي تقول أيوه يا ابيه اتجوز بقي علشان تعمل فرح و نلبس فساتين تجنن 
ارتفع حاجبيه بمرح و هو يتنقل بنظره بينها وبين شقيقتها نهاد مغمغما 
لما تخلصوا الأول جزء القرآن اللي بقالكم سنة بتحفظو فيه أبقى اتجوز علشان سيادتكم تلبسوا فساتين 
انهارده هنخلصه يا أبيه بحول الله بس متنساش تجيب الشوكولاته بتاعتنا وأنت جاي تحدثا الشقيقتان بها بنفس واحد 
سار نوح لخارج المطبخ وهو يقول 
الشوكولاته جاهزة بس اعملوا حسابكم هسمعلكم انهارده في صلاة الفجر 
رايح تفطر الخيل كالعادة قبل ما تفطر أنت و نفضل أحنا مستنينك يا نوح باشا 
قالها شقيقه نور الذي دلف من الخارج حامل بيده خبز طازج تفوح منه رائحة شهية و زجاجات من الحليب 
ربت نوح على كتفه أثناء مروره من جواره متجه لخارج الشقة 
يا ابني فرحانة و رهوان دول بركة في البيت
رسولنا الكريم عليه افضل الصلاة والسلام قال
عليكم بإناث الخيل فان ظهورها عز وبطونها كنز 
سبحان الله 
بمكان أخر 
منطقة شعبية سكانها ذوات الطبقة المتوسطة داخل منزل عبد الحميد العطار منزل قديم الطراز مكون من طابقين الطابق الأول عبارة عن متجر كبير للعطارة والطابق الثاني يحتوي على شقتين مقابل بعضهما 
شقة خاصة ب عبد الحميد و زوجته مني ربة منزل و ابنتهما آية طالبة بعامها الأخير بكلية الطب البطري 
الشقة المقابلة لهم يقطن بها ابنهما إسلام و زوجته رقية الصديقة المقربة