رواية نسمة الجزء الاول

أن يكون حب زائف خادع يسحبها نحو خطأ فادح يجعلنا نقطم أصابعنا بأسناننا من الندم 
يله يا حبايبي نزلوا اخواتكم و ادخلوا غيروا هدومكم على ما نجهز العشا 
قالتها تهاني وهي تنهض من مكانها مكملة 
يله يا بنات حصلوني على المطبخ 
وديني المطبخ يا نور بالله عليك 
نطقت بها نهاد سريعا قبل
أن ينزلها شقيقها الذي نظر لها بحاجب مرفوع مرددا 
الشيال اللي الحاج شرف جبهولك أنا صح!! 
أسمع كلام أختك و تعالي ورايا ياض أنت 
قالها نوح و هو يسير حاملا شقيقته ندي و قام بأنزالها برفق داخل المطبخ و هو يقول 

الحلوين بزيادة يأمروا بحاجة تانية 
ندي نهاد بنفس واحد تسلم لنا يا أحلى أبيه نوح في الدنيا كلها 
ربنا ميحرمناش منك أنت و أخوك و أبوك يا حبيبي أردفت بها تهاني التي اقتربت منه و رفعت يدها ربتت على ظهره ليقول نوح 
و لا يحرمنا منكم يا ست الكل 
كان الجو داخل منزل شرف مشحون بالعاطفة و مشاعر الحب الصادقة و مع ذلك يشعر نوح بقبضة قوية تعتصر قلبه بسبب تلك ال آية التي اقټحمت حياته الهادئة على حين غرة
سار لخارج المطبخ متوجها نحو غرفته لكن صوت والده أوقفه حين قال مستفسرا 
لحد أمتي هتمنع البنت دي أن أخوها ياخدها يا نوح! 
لحد ما تفوق و تقرر هي عايزة أيه بالظبط يا بابا 
هكذا أجابه نوح ببساطة و قد ظهر عليه الڠضب حين تخيل أن من الممكن أن يأخذها شقيقها بعدما طلبت هي منه بنفسها أن لا يتركها
يا ابني البوليس هيجي للبنت دي تاني علشان ياخد أقوالها و لو فضلت بحالتها دي و مقدروش يحققوا معاها هيرجعولها للمرة التالته و يفضلوا بقي راحين جاين على البيت عندنا و دا أنا مش حابه علشان سمعتنا و احنا عندنا البنات أخواتك على وش جواز 
نوح بهدوء و اللي بعمله مع آية دا علشان خاطر أخواتي البنات أخوها في حالة نفسية أسوء ما يكون و والدها ووالدتها في العناية حالتهم خطېرة وهي استنجدت بيا و طلبت مني ما اسبهاش