رواية مها كاملة

انى كده حاجه مش غريبه انى ابقى لسه عارفك الصبح وابقى مش قادر ابعد عنك 
قالها بتسرع بس مندمش لا مش حاجه غريبه ولا حاجه مش يمكن كنت مستنينى وقلبك حس ان انا الى محتاجها 
جاسر قلبه عمال يدق حاسس ان صوتها سمعه كتير قبل كده واسمه الى حبه اكتر لما سمعه منها حاسس انه سمعه كتير بنفس النبره انا عايز اطلب منك طلب بس ياريت ماتكسفنيش
تالا هقبلك كمان ساعه كويس كده 
جاسر سهم ازاى عرفت انه كان عايز يطلب منها يتقابلوا فضل ساكت وهى كملت مالك مستغرب انى عرفت انك عايز تشوفنى مش يمكن انا كمان عايزه اشوفك 
جاسر تمام ساعه وهفوت عليكى فى الفندق اخدك
تالا ردت بهزار عارف الطريق ولا هلقيك جايب واحده خابطها معاك 
ضحك على كلمتها لا مټخافيش حفظت الطريق خلاص 
تالا تمام هستناك سلام 
جاسر سلام 
قفل معاها وفضل باصص للتلفون وهو بيكلم نفسه معقول يكون حب واحده لسه شايفها من كام ساعه بس ليه حاسس انه يعرفها من سنين ليه حاسس انه حافظ كل حاجه فيها ضحكتها . دموعها . ملامحها 
حس ان دماغه صدعت اكتر دخلت عليه صفاء والدته لقيته ماسك دماغه جريت عليه بلهفه مالك ياجاسر انت تعبان يابنى 
رفع وشه بصلها قوى هو انا كنت بحب ساره فعلا ياماما 
صفاء اتوترت اااه طبعا كنتوا بتحبوا بعض وكنت مستنى لما ترجع من السفر علشان
تخطبها 
جاسر هو انا كنت مسافر 
صفاء شتمت نفسها انها وقعت بلسانها هاا اه كنت مسافر الكويت كام سنه ورجعت وبعد مارجعت عملت الحاډثه وملحتش تخطبها 
جاسر فضل باصصلها مش حاسس ان دى الحقيقه بس دى امه مش ممكن تكذب عليه تمام ياماما انا هغير ونازل 
صفاء هتزل تانى دانت لسه جاى 
جاسر اه ورايا مشوار واحتمال اتاخر 
صفاء دى ساره جايه يابنى تقعد معاك شويه 
جاسر بضيق ماشى هحاول متاخرش 
سابها ودخل الحمام وهى واقفه ضميرها بيلومها بس هتعمل ايه سامحنى يابنى مش بايدى
عند بدر بعد الغدا قعدوا كلهم فى المضيفه يشربوا الشاى والكل بيبصوا لبعض ومستنين بيرى تقوم تمشى بس متحركش
بدر بصلها بغيظ انتى ناويه ترجعى مصر بالعربيه بتاعتك 
بيرى اه بس للاسف العربيه عطلانه ومش عارفه اعمل ايه 
صالح مافيش مشكله هبعت عليش يصلحها ميشان تلحجى ترچعنى جبل ماتمسى 
بيرى بتمثيل معاك حق ولو انى تعبت قوى من السواقه بس مش مشكله 
سعديه صعبت عليها خلاص يابتى خليكى بايته النيهارده وعاودى بكره بدرى 
بيرى بفرحه بجد
خلاص ماشى هسافر بكره الصبح 
مريم استغربت فرحتها وبدر حس انها ناويه على حاجه وقال لنفسه ربنا يعديها على خير 
قام صالح وقف وبص لبدر بينا ياولدى نروح المشوار بتاعنا 
بدر مفهمش مشوار ايه ياحاچ
صالح بصله لامام الچامع 
مريم بصت لبدر الى افتكر حلم امه بص لمريم وحس انها عايزه ټعيط خرج مع الحاج صالح وهى بصت لسعديه ودموعها نزلت اخدت يونس وطلعت على اوضتها سعديه لفت لبيرى همى يابتى اوديكى اوضة الضيوف تريحى فيها 
بيرى ابتسمت يالا ياماما الحاجه لحسن انا تعبانه قوى 
سعديه فوتى يابتى
وصلت بيرى وراحت لمريم لقتها ماسكه صوره لنجاة ودموعها نزله زى الشلال قرب منها وطبطب على كتفها مريم يابتى بتبكى ليه عاد 
مريم بصوت متقطع من العياط مش عارفه ببكى ليه ياخالتى 
سعديه يابتى هو بدر يعيبه ايه 
قامت مريم وقفت يعيبه انه كان چوز خيتى الوحيده يعيبه انها كانت بتحبه اكتر من روحها 
سعديه وانتى كمان كانت بتحبك اكتر من روحها وميشان اكده رايده تطمن عليكم انتم التنين 
مريم بعند لا ياخالتى
انى مش هجدر اعمل اكده مش هستحمل اكون مكان خيتى 
سعديه بخبث خلاص يبجى ماتزعليش لما بدر يتچوز وياخد ابنه لمارته تربيه وياعالم هتبجى حنينه عليه ولا هتعامله كيف مرات الاب 
مريم اخدت يونس فى حضنها قوى لا يونس هيفضل معايا ولو بدر رايد يتچوز يتچوز بس يونس هيفضل معايا 
سعديه ومين هيوافج ان اب يتحرم من ابنه ولا جانون ولا شرع بيجول اكده 
مريم اتنرفزت متصعبيهاش عليا ياخالتى الله يرضى عنيكى 
سعديه بلاش يونس خيتك الى مش مرتاحه فى جبرها يرضيكى تفضل اكده دى پتتعذب يابتى 
مريم بعند مين جال اكده مش يمكن تفسير الحلم حاچه تانيه 
سعديه قرصتها انتى بتشككى فى كلامى يابت رابحه 
مريم اتوجعت لا ياخالتى بس انى مش جادره اعمل اكده وبعدين مفكرتيش فى حديد اهل البلد الى جالوه جبل اكده لما اتچوز بدر هيجولوا يبجى الحديد صوح 
سعديه راحت نحيه الباب علشان تخرج وقبل ماتقفل الباب ربك يحلها بس يرچع بدر ونشوف الشيخ جال ايه
عند بدر وصل للشيخ عبد القادر امام الجامع دخل الحاج صالح ووراه بدر سلام عليكم ياشيخنا 
الشيخ وعليكم السلام ورحمه الله وبركاته كيفك ياحاچ صالح 
صالح بخير نحمده 
الشيخ وانت يابدر ياولدى كيفك
بدر ابتسم الحمد لله ياشيخ فى نعمه
صالح قرب منه واتكلم كنت محتاچ منك مشوره اكده ياشيخ 
عبد القادر خير ياحاچ
صالح انت خابر ان نچاة مارت بدر اټوفت الله يرحمها 
عبد القادر الله يرحمها ويچعل مثواها الچنه 
صالح امين يارب !! امبارح ام بدر حلمت بيها 
عبد القادر انتبه خير انشاء الله 
صالح حكاله الحلم بس ياشيخنا ولما جالت على الحلم جولت مافيش غيرك تفسره وتجولنا نعمل ايه 
عبد القادر اتنهد وبص لبدر واضح ان مارتك كانت بتحبك جوى يابدر ياولدى 
بدر استغرب ليه بتجول اكده ياشيخ 
عبد القادر لانها رغم انتجالها من دنيتنا الا انها لسه شاليه همك وهم خيتها وحلم الحاچه معناه انها مش مرتاحه فى رجدتها وعايزه تطمن عليك وعلى خيتها 
بدر جصدك انها رايده ان اتچوز مريم صوح 
عبد القادر ايوا ياولدى ولو ده محصلش هتفضل على حالها 
بدر بص للارض مش عارف يعمل ايه صالح اتكلم انت خابر
الحديد الى اتجال من اهل البلد ولو بدر اتچوز مريم
هيجولوا ان الحديد كان صوح 
عبد القادر فكر شويه وبعدها بص لبدر بدر ياولدى انت عيندك استعداد تنفذ الى مارتك عايزاه وتريحها 
بدر سكت شويه وقال لنفسه يعنى يابدر هتبجى تعبها دنيا واخره دى اجل حاچه اعملها اريحها بيها 
بص للشيخ اه ياشيخ عبد الجادر انى مستعد اريحها لو كان ده الى هى عايزاه 
عبد القادر يبجى نتوكل على الله 
صالح وحديد اهل البلد ياشيخ
عبد القادر بكره الچمعه انشاء الله بعد الصلاه انى هتكلم مع اهل البلد بس لازم تكونوا موجودين 
بدر اكيد طبعا ياشيخ بس متاخذنيش هتجولهم ايه 
عبد القادر هجولك جبلها ياولدى متخافش
بدر والله ياشيخ اذا كان عليا انى اهل البلد مش همنى فى اى حاچه بس انى مش عايزهم يتحددوا باى كلمه ولا حتى لنفسهم
عبد القادر خابر ياولدى رابنا يهديهم الناس كيف القطر طول ماهو ماشى بسرعه محدش يجدر يوجفه وهما طول مالحديد على هواهم مش بيسكتوا بس انى جادر اوقف الحديد ده بعون الله 
صالح قام هو وبدر طيب ياشيخ نتجابل بكره جبل الصلاه باذن الله 
عبد القادر انشاء الله 
صالح سلام عليكم 
عبد القادر وعليكم السلام فى رعاية الله
عند جاسر وصل قصاد الفندق واتصل بيها نزلتله اول ماركبت بصلها وحس انها وحشاه قوى فهمت من عنيه هو عايز يقولها ايه وحشتك 
جاسر بصلها قوى ازاى بتعرفى انا عايز اقول ايه من قبل مااتكلم 
تالا بصتله بحب يمكن اكون بحس بيك 
جاسر ابتسم تحبى نروح فين 
تالا اى مكان انا معرفش اى حاجه هنا 
جاسر ضحك صدقى ولا انا 
تالا خلاص يبقى اطلع بالعربيه ونشوف فى الطريق
فضل ماشى بالعربيه والصمت مسيطر عليهم تالا اتكلمت اول مالمحت النيل ممكن نقعد هنا 
جاسر ركن ونزلوا قعدوا قصاد النيل لف بصلها قوى ومېت سؤال جواه تالا لفت بصتله قول الى انت عايزه 
جاسر قلبه دق بسرعه انتى مين !!! 
تالا ابتسمت اسمى تالا عايشه طوال عمرى فى لندن مع ماما اتخرجت من الكليه من سنتين وبعدها اشتغلت فى شركه كبيره هناك 
قاطعها جاسر عمرك ماحبيتى
تالا بصتله وعنيها دمعة حبيبت مره واحده بس 
جاسر قلبه اتقبض ولسه بتحبيه 
تالا بصت للارض وسكتت وهو فهم انها ليه بتحب طب هو فين 
تالا نسينى 
جاسر استغرب نسيكى ازاى 
تالا بصتله قوى يعنى عاش حياته ونسى ان يوم كان ليه حبيبه عايشه علشانه بس 
جاسر حد يلاقى واحده تحبه كده وينساها 
تالا ابتسمت بۏجع متلومش عليه يمكن ڠصب عنه 
جاسر اضايق وكمان بدفعى عنه رغم انه سابك 
تالا بصتله بحب مش يمكن قلبه لسه حاسس بيا وبيحبنى 
جاسر تاه فى عنيها وفجاه حس بصداع شديد مسك دماغه جامد وكان نفسه ېصرخ تالا خاڤت عليه قربت بلهفه جاسر مالك ياحبيبى فيك ايه 
جاسر الصداع زاد لدرجه انه سمعها زى الحلم اتكلم بالعافيه فى علبه كبسولات فى
تابلوه العربيه هاتيه بسرعه
جريت جابت العلبه وجابتله ميه اخد منها واحده وبعد دقايق بدا الصداع يهده تالا دموعها نزله والخۏف باين على وشها جاسر بصلها واستغرب ازاى بتحب واحد وازاى خاېفه عليه كده 
تالا بقيت احسن 
جاسر الحمد لله ممكن تهدى 
تالا دموعها زادت انت بيجيلك الۏجع ده كتير 
جاسر مسك ايديها يعنى مش كتير بس الدكتور قالى ان الصداع ده بيجى لما بحاول افتكر 
تالا بصت فى عنيه وانت عايز تفتكر ايه 
جاسر ضغت على ايديها براحه كل لما اشوفك احس انى شوفتك كتير قبل كده مش بس كده واتكلمت معاكى استحاله الاحساس الى انا حاسه يكون اتولد فى يوم 
تالا بهمس احساس ايه 
جاسر انى بحبك 
تالا الفرحه ملت قلبها رغم انه ناسيها بس لسه بيحبها بصتله بحب بس حاولت تدارى فرحتها بجد ياجاسر بتحبنى 
جاسر افتكر انها بتحب واحد تانى ساب ايديها انا اسف نسيت انك بتحبى واحد تانى 
تالا ابتسمت مش يمكن انا كمان نسيته وحبيبت غيره 
جاسر فرح بجد يعنى انتى معنتيش بتفكرى فيه 
تالا الظاهر قلبى هو كمان حاسس انك قريب منه قوى 
جاسر مسك ايديها تانى وفضلوا يرغوا لحد ماروحها بعد ماتفقوا يتقبلوا تانى يوم
فى بيت جاسر بعد نزوله بشويه وصلت ساره وماماتها ودخلت تدور عليه بصت لخالتها اومال جاسر فين ياخالتو
صفاء نزل وزمانه جاى 
ساره بغيظ هو مش عارف انى جايه ولا انتى مقولتلوش 
صفاء قولتله بس هو قالى عندى مشوار وراجع