رواية مها كاملة

كان نازل رايح لبدر وهو مقرر ان مريم استحاله تبقى غير ليه قابله الشيخ عبد القادر وقفه كيفك ياعمار ياولدى 
عمار انى زين ياشيخ 
عبد القادر والله ياولدى انت مافيه زيك بعد الى عملته ديه رابنا يباركلك
عمار مش فاهم جصدك ايه وايه الى انى عملته 
عبد القادر انك تسيب خطيبتك ميشان تنفز وصية مېت ديه عيند رابنا كابيره جوى ياولدى رابنا يعوضك خير 
عمار سهم مين الى جالك الحديد ديه 
عبد القادر بدر جال انك لما عرفت وصيه نچاة الله يرحمها فضيت الخطبه ميشان بدر يتجوز مريم واهو الحمد لله نفز الوصيه امبارح 
عمار حس فجاه ان الدنيا بتلف بيه يعنى خلاص اتجوزها ومش هيعرف يخدها منه مشى من قدام الشيخ من غير ولا كلمه ورجع البيت تانى وهو بيتوعد للاتنين
بليل عند جاسر دخل البيت بعد ماوصل تالا زى كل يوم لقى خالته وبنتها قعدين حس انه مخڼوق كان نفسه ينزل تانى بس معرفش لانهم شافوه خلاص دخل سلم عليهم 
قامت ساره قربت منه ازيك ياجاسر وحشتنى 
جاسر بضيق الحمد لله كويس انتى كويسه 
ساره بقيت كويسه لما شوفتك 
قرب سلم على نعيمه ازيك ياخالتى عامله ايه 
ردت نعيمه برفعت حاجب كويسه يابن اختى هو لازم نيجى احنا ونفضل قاعدين بالساعات علشان نستناك 
جاسر ابتسم ڠصب عنه ليه ياخالتى بتقولى كده انا موجود اهو ولو اعرف انك جايه كنت استنيتك 
ساره بصتله جاسر ممكن اتكلم معاك شويه فى البلكونه 
قام جاسر وهو مش طايق نفسه وخرج معاها البلكونه بصت نعيمه لصفاء وبصوت كله تكبر ابنك ماله ياصفاء مش طايقنا ليه 
صفاء بصتلها ولاول مره ترد عليها من غير خوف ماله ابنى يانعيمه ما هو سلم عليكم بادب ودخل مع بنتك زى ماطلبت اهو ولا لازم كل شويه ترمى كلمتين على الولا وخلاص 
نعيمه بصتلها قوى باستغراب انتى بتردى عليا كده ليه 
قامت صفاء وقفت انا هعملكم حاجه تشربوها 
سابتها ودخلت ونعيمه مستغربه طريقتها الى اتغيرت معاها
عند جاسر جوه كانت ساره عماله تتكلم وهو مش سامعها وكل تفكيره فى تالا ساره لاحظت انه مش معاها اصلا قربت مسكت ايده جاسر حس بلمستها سحب ايده منها بسرعه بصتله باستغراب مالك ياجاسر انت زعلان منى فى حاجه 
جاسر مش عارف يقولها ايه لا هزعل من ايه 
قربت منه وبصتله قوى انا بحبك ياجاسر وعمرى ماحبيت غيرك وانت كمان عمرك ماحبيت غيرى 
جاسر بصلها قوى اومال انا ليه مش حاسس ان كان فيه حب بينا قبل كده 
ساره اتوترت اننت فاقد الذاكره هتحس ازاى انك كنت بتحبنى 
جاسر اعتقد ان القلب لو بيحب حد عمره ماهينساه ابدا والدليل ان رغم انى مش فاكر امى بس بحبها 
ساره بغيظ قصدك ايه انك معندش بتحبنى 
جاسر سكت ودور وشه الجنب التانى ساره عدت السؤال وقربت منه عارف ياجاسر لما نتجوز انا نفسى قوى يبقى عندنا عيال كتير كلهم شبهك 
جاسر لف بصلها بسرعه وقال لنفسه هو فى كده دى اكيد مريضه 
ساره بصتله قوى مالك بتبصلى كده ليه مش عايز عيال كتير 
جاسر پصدمه منها انا عايز انام 
سابها ودخل وهى فضلت باصه عليه وبصوت واطى مهما عملت مش هسيبك تبعد عنى ابدا
دخلت هى كمان وبصت لامها بغيظ نعيمه فهمت ان مافيش فايده حبت تعمل اى حاجه علشان اختها تاثر عليه يالا بينا ياساره الظاهر اننا مش على المعده
صفاء بصتلها مانتى قاعده معايا يانعيمه مالك فى ايه 
نعيمه بتكبر انتى مش شايفه ابنك دخل اوضته قال ايه تعبان وعايز ينام 
صفاء وايه ياعنى يانعيمه مانتى عارفه انه تعبان من يوم الحاډثه وعموما لو عايزه تروحى انتى حره 
بصتلها نعيمه پصدمه اروح !!! ماشى ياصفاء بصت لساره يالا ياساره 
نزلت نعيمه ووراها ساره الى كلها غل وغيظ 
خرج جاسر لما سمع انهم مشيوا قرب اعقد جنب صفاء ماما انا كنت عايز اكلمك فى موضوع 
اتنهدت صفاء وطبطبت على كتفه انا عارفه انك مش عايز ساره ياجاسر 
جاسر استغرب انها عارفه عرفتى منين 
صفاء عينيها
دمعت بس مقدرتش تقوله انه عمره ماحبها ولا وافق بيها انا حاسه بيك يابنى عموما سيبلى الموضوع ده وانا هتصرف بس اصبر شويه 
جاسر ابتسم وباس خدها ربنا يخليكى ليا 
سابها ودخل اوضته وهى فضلت تفكر هتعمل ايه
تانى يوم عند بدر صحى غير هدومه وخرج يشوف مريم صاحيه ولا لا لقاه فى المطبح ومحضره الفطار 
صباح الخير 
لفت بسرعه مخضوضه ومع لفتها المايه السخنه نزل حبه منها على ايديها جرى بدر عليها ومسك ايديها وفتح عليها المايه الساقعه وهو عمال يعتذر انا اسف والله ماعرف انك هتتخضى كده 
مريم مش عارفه هى موجوعه ولا مكسوفه حاولت تسحب ايديها كان بدر جاب كريم للحروق وحطه على الحړق كل ده وهى منطقتش كلمه بدر بصلها لقى وشها كله احمر افتكر انها موجوعه بس مش بتقول مريم انتى كويسه وشك احمر كده ليه 
مريم صوتها طلع بالعافيه احمم انى زينه الحمد لله دوول شويه مايه صغايرين 
بدر لاحظ ان
احمرار وشها ده كسوف ساب ايدها وبعد شويه يعنى ايدك مش وجعاكى 
مريم بصه للارض لا !! انى حضرتلك الفطور هاروح اوكل يونس 
جات تمشى بدر وقفها انتى. مش هتفطرى معايا 
مريم لسه باصه على الارض لا انى هوكل يونس ميشان انزل شويه اكده 
بدر هتنزلى تروحى فين 
مريم هروح الكليه اشوف لو ينفع اخد باجى السنه انتساب واروح على الامتحان 
بدر وليه كده ماتحضرى محاضراتك دا معتدش غير كام شهر فى السنادى 
مريم طب ويونس اسيبه فين
بدر مټخافيش انا عامل حسابى كلمت واحد صاحبى جابلى مربيه هاتجى تعقد معاه طول ماحنا مش فى البيت 
مريم لا انى اخاڤ عليه تكون من الى بيعاملوا العيال عفش ولا تبجى جاسيه عليه 
ضحك بدر عليها يعنى بذمتك انا هسيب ابنى مع واحده غريبه من غير ما اتاكد ان كانت كويسه ولا لا 
مريم هو انت تعرفيها
بدر لا بس هى هتيجى بكره ونشوفها لو حسيتى انها مش كويسه اشوف غيرها 
مريم فكرت شويه ماشى اما اشوف 
بدر ابتسم طب ممكن تجيبى يونس وتيجى تفطرى معايا 
مريم اتكسفت تانى مش عارفه ليه
حاضر 
دخلت الاوضه ووقفت ورى الباب تكلم نفسها مالك يامريم فى ايه دا زى اخوكى ايه ياعنى لما مسك ايدك اعقلى كده الله يهديكى اه 
اخدت يونس وطلعت فطروا وبعدها بدر نزل شغله وهى قامت تشوف ورها ايه
وصل بدر الشغل وكل زمايله اتلموا حاوليه يعزوه طلع على مكتب سليم يبلغه انه وصل دخل عند وفاء السكرتيره صباح الخير ياانسه وفاء
وفاء صباح النور ازيك يابشمهندس حمد الله على السلامه
بدر الله يسلمك سليم بيه فاضى 
وفاء لا سليم بيه مسافر وهيرجع بكره انشاء الله 
بدر تمام عموما انا فى مكتبى لو اتصل بيكى بلغيه انى رجعت 
وفاء حاضر والبقاء لله 
بدر ونعمه بالله عن اذنك 
رجع مكتبه لقى على داخل عليه حمد الله على السلامه ايه ياعم كل الغيبه دى 
قام بدر سلم عليه عامل ايه ياعلى واحشنى 
على وانت كمان والله اخبارك ايه وايه الغيبه دى كلها 
بدر والله من يوم العزا وانا ماشوفتش يوم عدل والمصاېب عماله تقع على دماغى كل يوم 
على ليه ايه الى حصل تانى 
بدر هحكيلك بس تعالى نشرب فنجان قهوه الاول
بعد كام يوم محصلش فيهم جديد غير ان نعيمه هتتجنن من معامله صفاء الى اتغيرت معاها كانت قعده مع ساره مابتتكلمش ماما مالك بقالك كام يوم مش عجبانى 
نعيمه خالتك قلبها قوى عليا ومبقاش همها ازعل ولا لا 
ساره قولتلك قبل كده خليكى شويه وشويه 
نعيمه يعنى ايه شويه وشويه دى
ساره يعنى شويه تشدى عليها وشويه تديها حنيه علشان متجبش اخرها زى ماحصل 
نعيمه بغيظ حنيه ليه انشاء الله هى الكبيره ولا انا طب انا مش هعبرها وخليها كده بقى هى اصلا طول عمرها مش عجبها حد ومتكبره على الفاضى 
ساره بصوت واطى هى برده 
نعيمه بصتلها قوى بتقولى. ايه يابت 
ساره قامت بسرعه وقعدت جنبها مابقولش ياماما بس ابوس ايدك هادى اللعب شويه علشان خاطرى 
نعيمه وعايزانى اعمل ايه انشاء الله اروح ابوس ايديها 
ساره لا بس تعالى نروح زى مابنروح نعقد معاها وحاولى تخليكى حنينه معاها شويه 
نعيمه صوتها علا ليه انشاء الله وعلشان ايه 
ساره علشان بنتك الوحيده الى قلبها هنكسر يرضيكى بعد كل ده جاسر يسبنى 
نعيمه مايغور وانا اجوزك سيد سيده 
ساره قربت منها
بټهديد لو جاسر سابنى انا ھموت نفسى سمعانى ياماما انا راحه البس وانتى هتيجى
معايا وهتعمليها حلو دا لو مش عايزه تخسرينى 
نعيمه خاڤت هى عارفه بنتها كويس ممكن ټموت نفسها بكل بساطه
بعد نص ساعه كانوا تحت بيت صفاء ولسه هيقربوا شافوا جاسر خارج اتفضلى ياختى الى انتى هتموتى عليه لابس ومتشيك ولا على باله 
ساره بصتله بغيظ انزلى ياماما اطلعى لخالتى انتى 
نعيمه وانتى راحه فين 
ساره لازم اعرف ايه حكايته وبيروح فين انزلى انتى وانا هروح وراه بالعربيه 
نزلت نعيمه وطلعت لاختها وساره راحت ورى جاسر 
دخلت نعيمه بعد ماصفاء فتحت وخدتها بالحضن وده الى صدم صفاء عامله ايه ياصفاء ياحبيبتى وحشتينى 
صفاء لسه على صډمتها الحمد لله انتى عامله ايه 
نعيمه بابتسامه مرسومه على الوش بس الحمد لله بخير كده برضه متساليش عليا كل ده 
صفاء باستغراب اكتر كل ده ايه انتى لسه كنتى عندى من يومين 
نعيمه وهما يومين شويه عموما انا جيت اشوفك واقعد معاكى شويه علشان وحشانى 
صفاء تنورى ياختى عن اذنك هروح اجيب حاجه نشربها 
دخلت صفاء والابتسامه اختفت من على وش نعيمه قال وحشانى قال دانا نفسى ماشوفش وشك تانى
خرجت صفاء تانى ومعاها علبه كبسولات شوفتى جاسر نسى علاجه اعمل ايه دانا دوخت عبال مالاقيته
نعيمه بصت للعلبه ليه كده هو مش عنده غيرها 
صفاء لا دا انا لسه شرياها امبارح حتى الصيدلى قالى انه ناقص فى السوق يالا بقى اما يجى ياخده هدخل انا اجيب الشاى 
دخلت صفاء بعد ماسابت العلبه على السفره قصاد نعيمه طلعت تليفونها وكلمت ساره الو ايوا ياساره خالتك جابت علبه كبسولات غير الى انتى غيرتيها اعمل ايه 
ساره ايه اعملى اى حاجه ياماما اقواك مش انتى معاكى