رواية ابن ليل

عايز يبعتلهم فلوس من غير ما دره تعرف بيضحك علي عقل عيله صغيره وعامل قلبه عليهم وفاكر نفسه هيمن عليهم بفلوس بنتي الواطي اللي معندهوش قلب ولا ضمير وطبعا دره مشافتش قدامها يا حبة عيني كانت كاتمه في قلبها وساكته عشان متزعلش ولادها بس مقدرتش تمسك نفسها ولا شافت قدامها وإنهارت زي ما سمعتوا ونزلت وهي مش شايفه قصادها 

نجوي بس مهما كان يا نبيله اكيد العيال هيفضلوا يتكلموا مع ابوهم دره مش اول ولا اخر واحده هتطلق بس العيال ملهاش ذنب ده مهما كان ابوهم يا اختي وليه حق عليهم وليهم عليه حق ولا ايه 
نبيله الكلام ده لو كان عايزهم ولا أمرهم يهمواااا ابوهم ده رفضهم وقال لدره انه مش عايزهم وقالها اخرجوا من حياتي ودره كانت ساكته ومقالتش للعيال عشان متوجعهمش سابها تسافر وهي مش معاها مليم لا هي ولا العيال ده انت لو حتي قلبك هيقسي علي مراتك مينفعش يقسي علي بناتك ياريتهم صبيان هنقول ماشي بس دول تلات بنات وبقوا عرايس ايه مش خاېف عليهم قلبك موجعكش عشانهم مصعبوش عليك بعد المستوي اللي كانوا عايشين فيه فجأه كده الحال يتغير بيهم افرضي يا نجوي دره كانت رجعت وقفلنا بابنا في وشها هي وبناتها كانت هتعمل ايه وهتعيش ازاي هي وبناتها قوليلي يا نجوي كانت هتعمل ايه 
مها بدموع طيب بس اهدي والنبي متعمليش في روحك كده 
نبيله قلبي واجعني عليها يا مها انتوا سمعتوا صوتها بس مشوفتوهاش وهي نفسها بيتقطع من الۏجع اللي جواها صوتها كان خارج من قلبها بيخبط في قلبي انا ليها حق ټنهار يا ناس خاڼها مع صحبتها واتجوزها تلات سنين من غير ما تعرف خد فلوسها وشركتها وحتي البيت اللي كان حاميهم ومستكفاش بكل ده هو واللي اتجوزها قفلوا في وشها كل حاجه عشان ترجع هي والبنات مصر دي البت رجعت لما حست انها مش في امان هي
وبناتها خاڤت عليهم لا يعملوا في ولادها حاجه 
نجوي للدرجادي ايه معندهوش قلب ده خالص
نبيله مش بنقولك البت شايله وكاتمه في نفسها من يوم ما رجعت وانا قلبي
بيقولي ان دره جواها اكتر بكتير من اللي حكيته مش دي بنتي اللي كلها حياه اللي بتضحك وتهزر وضاړبه الدنيا صرمه دره اللي رجعت الكسره باينه في عينها ونبرة صوتها وانهارده بنتها من غير ما تقصد كسرت دره اكتر 
دعاء بس دانه صغيره ياما عيله لسه متفهمش
هي كانت عايزه تعرف بيتصل ليه
مها البت ملهاش ذنب يا بلبله العيب علي الاب اللي بيستغل حب ولاده ليه وزي ما قالت دعاء دي لسه عيله ومهما اتوجعت من أبوها مش هتحس باللي امها حاسه بيه احنا ممكن نسامح ابونا وامنا مهما ۏجعونا لكن الست عمرها ما بتقدر تنسي او تسامح في ۏجع وكسرة جوزها ليها
نبيله عندك حق ودره اتوجعت واتكسرت منه كتير ومدهاش فرصه بين الۏجع والتاني تاخد نفسها ده كل ۏجع كان بيدبح فيها اكتر من اللي قبله وسايب روحها متعلقه حسبي الله ونعم الوكيل في كل راجل ېموت الست بالبطئ وېغدر بيها بالشكل ده 
نجوي طيب ممكن بقي توحدي الله وتهدي شويه انتي كمان
نبيله لا إله إلا الله
نجوي لو جرالك حاجه دره هتحمل روحها الذنب اكتر لازم تقوي وتاخديها في حضنك وانتي اللي تهديها هي محتجالك يا نجوي كفايه يا اختي بعدك عنها السنين دي كلها البت ما صدقت انك رجعتي فتحتلها دراعاتك من تاني 
نبيله خاېفه عليها يا نجوي اصلك مشوفتيهاش
نجوي مش محتاجه اشوفها عشان احس بۏجعها يا نبيله بس مټخافيش عليها ادام خرجت اللي جواها صدقيني هترتاح وتفوق
دعاء انا قولتلها كده والله
مها متقلقيش كرم راح وراها واكيد مش هيسيبها انتي عارفه كرم وتنشيف دماغه
نبيله يارب بس يكون لحقها
دعاء إن شاء الله لحقها متقلقيش
نجوي قومي يا دعاء هاتيلها اي حاجه تاكلها
نبيله مليش نفس والله محدش فينا داق حاجه السفره زي ما هي قومي انتي يا دعاء افطري يابنتي
نجوي وده اسمه كلام بردوا يلا انتوا الاتنين كلوا حاجه قومي يا مها هاتيلهم لقمتين عشان ميتعبوش وبعدين زكريا وعبدالله باين عليهم الزعل لازم تمسكوا روحكم كده ومتزودوش عليهم حملهم متنسوش يا اختي انهم رجاله والراجل لما الست اللي منه تتوجع ويبقي مش قادر يطول بايده اللي ۏجعها عشان يجبلها حقها منه بيبقس حاسس بالعجز وقلة الحيله ودول مش اي رجاله ده ابوها واخوها بلاش تزودوا الحمل عليهم اسمعي كلامي يا نبيله 
نييله نقول ايه بس منه لله اللي كان السبب في وجعنا وۏجع بنتي 
مها قولي لا إله إلا الله ملكيش غير ربنا يسمع شكوتك ويرد لدره حقها هي وبناتها 
نبيله سيدنا محمد رسول الله معلش حقكم عليا جبتكم علي ملا وشكم وضايقتكم 
نجوي اخس عليكي يا نبيله ده احنا اهل 
مها لو مجيناش عشانكم وعشان دره هنيجي لمين اغلب منكم يا بلبله يلا لو بتحبينا بجد كلي يلا دعاء كلي حاجه انتي كمان
دعاء مش هاين عليا ناكلوا والكل مداقش حاجه واتنكدوا 
مها يابت مال النكد بالاكل لو علي عبدالله وعم زكريا لما تاكلي هنقوموا انا وانتي نعملهم كام سندوتش وهننزلواوبنفسي نحلفوا عليهم يفطروا ولو علي دره كرم مش هيسيبها والبنات حسن والشباب معاهم ودول يا اختي اول حاجه بيفكروا فيها لما يخرجوا من البيت هو الاكل يعني مټخافيش عليهم
ابتسمت دعاء علي كلام مها
مها ايوه كده اضحكي يا بومه وانتي يا ست بلبله اضحكي وبعدين بدل ما ترحبي بينا وتقدميلنا اي حاجه قاعده ټعيطي في وشنا ايه أفتقرتوا
نبيله بضحك يابت هنسمعوكي ربع
مها اموت انا في الربع بتاع بلبله
نجوي ايوه كده اضحكوا و أبعدوا الهم والنكد اللي عشش في قلوبنا ده والله بكره تروق وتحلي 
نبيله يارب يا نجوي
عند البنات والشباب فضلوا واقفين مكانهم يعيطوا ومش عارفين يتصرفوا
عايزين يطمنوا علي دره بس خدها كرم ومشي وغير كده هي مش مديالهم فرصه 
جات سماح وقفت وهي مش فاهمه حاجه 
سماح في ايه حسن في ايه بنات مالكم 
حسن بصوت واطي هنفهمك بعدين خليكي مع البنات بس 
ديما وبعدين هنفضل واقفين كده مش هنتصرف ونطمن علي مامي 
احمد هي مع كرم متقلقوش عليها مش هيسيبها 
دارين بس احنا لازم نتكلم معاها مامي مش هتسامحنا ابدا بعد اللي حصل احنا وجعناها 
دانه كله بسببك انتي قولتلك مامي هتسمع بس انتي فضلتي مكمله والنتيجه سمعت واڼهارت
دارين انتي بتحمليني انا مسؤوليه اللي عملتيه لما انتي خاېفه عليها اوي كده عملتي كده ليه ده انا حذرتك انتي وديما يوم ما كنا في الجامعه قولتلك مترديش قولتلك بلاش نوجع مامي وكفايه اللي هي فيه بس تسمعي الكلام ليييييه متبقيش دانه لو مبوظتيش كل حاجه 
حسن دارين اهدي مش كده
محمد الخلق بتتفرج علينا مش كده لازم نمشي ونروح مكان هادي اتكلموا فيه براحتكم
دانه بإنهيار انا انا يا دارين ببوظ كل حاجه
دارين ايوه انتي تهورك وعدم تحملك للمسؤوليه هو اللي وصلنا لكده
بص هيما علي دانه حس ان كلام دارين ۏجعها 
هيما خلاص يا دارين 
دانه سيبها يا هيما خليها تقول كل اللي جواها
دارين لو بكدب في حرف واحد قولي اني كدابه كملت بإنهيار من اول يوم وانتي اكتر حد معترض علي كل اللي بنمر بيه عارفه انه مكانش سهل بس مامي ملهاش ذنب في اي حاجه حصلتلنا هي مش متحمله نضغط عليها اكتر ومش هقولك من اول يوم بس يا دارين من اول ما كنا في المطار تعبت زهقت مش قادره الطياره تعبتني طيب نرتاح طيب طيب طيب كأن اللي معانا طفله مش واحده كبيره ناقصني ميك اب ولبس وحجات ملهاش اي لازمه وانتي عارفه اننا راجعين من غير ولا دولار بعد ما بابي خد من مامي كل حاجه بعد كل ده وزعلانه اوي اني جايه عليكي وكمان عايزه تحمليني ذنب غلطتك اللي مش قادره تعترفي بيها بينك وبين نفسك 
هيما بص لدانه وهي دموعها نازله
خلااااص يا دارين
دارين رديتي عليه عشان وحشك وقلقتي عليه زي ما قولتي يا دانه ولا عشان يبعتلك الفلوس اللي انتي عيزاها وتجيبي بيها الللبس والميك اب بتاعك
هيما پغضب ماقوووووولت خلاص
حسن دااااارين مش وقته كل ده كفايه
دارين سيبوها خلوها تتكلم بدموع هو انتي شيفاني وحشه اوي كده يا دارين وبعدين انتي ازاي شايله كل ده في قلبك وساكته انتي فاكره بقي ان انتي الكبيره اللي قلبك علي مامي واللي مفيش غيرها بيحس وبيتحمل المسؤوليه شايفه ان انتي بس اللي عارفه الصح من الغلط زعلانه اوي اني معترضه واني عايزه اجيب لبس وميكب وشايفه اني كده قلبي مش علي مامي لا يا دارين انا اتوجعت زي ما انتوا اتوجعتوا اتخذلت في بابي زي ما انتوا اتخذلتوا زعلانه عشان مامي زيكم محدش فيكم يقدر يزايد عليا في ۏجعي من اللي حصل واللي
محتجاه وبطلبه ميقللش ابدا من ۏجع الموقف اللي كلنا مرينا بيه مش يمكن مثلا اكون بطلع ۏجعي في اهتمامي بحاجه بحبها عشان مفضلش افكر واموت من الۏجع 
دارين التفكير والاهتمام باللبس والميكب في ظروفنا اللي فجأه بقت زي الزفت هما اللي هيخلوكي تطلعي وجعك ده بدل ما تفكري في الموقف اللي احنا فيه والظروف الغريبه اللي مرينا بيها
دانه ايه يا دارين مصممه بردوا تطلعيني غلطانه وانتي الملاك اللي بجناحات اللي مفيش منها واللي صاحيه ناميه
بتفكر في الظروف الزفت اللي مرينا بيها لا يا دارين انتي متختلفيش عني انتي كمان مبتفكريش في اللي
حصلنا ونص عقلك مع استاذ ادم اللي ليل ونهار بټعيطي عشانه نسيتي اللي بابي عمله في مامي وزعلانه عشان سي ادم بتاعك اللي خلاكي من يومين ترجعي مڼهاره ومش طايقه اي حد يطلع في وشك
بصتلها دارين پصدمه ونزلت دموعها ومن غير ما تحس بصت علي هيما 
بصلها هيما وبعدين وقف ثابت وبص علي الارض وملامحه اتغيرت وبان عليه التغيير 
حسن ماكفااااايه ايه هتقفوا انتوا الاتنين قصاد بعض
محمد اللي بيحصل ده مش كويس وهيوديكم في حته مش حلوه علي فكره ايه يابنات مع اول موقف تتعرضوله هتوجعوا انتوا بعض
دانه هي اللي بدأت مبسوطه الوقت يا دارين لما حسستك بنفس الۏجع اللي حسستيني بيه مبسوطه واحنا واقفين نعري ونجرح في بعض 
فضلت دارين ساكته وباصلها ودموعها نازله 
سماح يابنات اهدوا عشان خاطري انتوا ملكوش غير بعض وبعدين ايه انتوا اتحسدتوا ولا ايه حصل ايه لكل ده موقف واكيد دره كانت هتعديه لما تهدي 
ديما بدموع انا عايزه امشي مش عايزه ابقي معاكم خلاص مش عايزه ابقي حد فيكم كلكم