رواية ابن ليل
المحتويات
فاهم حاجه زي دي ومحترمها بس عدم رفضها وتقبلها انها تسمع كلامه للاخر كل دي إشارات كانت مخلياه يطمن ان في امل والموضوع محتاج صبر مش اكتر وهو قرر انه يصبر ووعد قلبه ان دارين تحبه زي ما هو حبها
بعد قعدتهم اللي طالت رجعوا علي الشارع مع حسن ووراهم الشباب
ركن حسن العربيه نزلت سماح بعد ما سلمت عليهم وراحت علي البيت
دارين اهلا يا خالو
زكريا تعالوا يا بنات
قربوا منه البنات بابتسامه هاديه
زكريا طمنوني عاملين ايه احسن
دارين بخير يا جدو اطمن
ديما الحمد لله يا جدو
زكريا دانه ساكته ليه يا بنتي
ابتسمت دانه بهدوء أبدا يا جدو انا بخير اطمن
زكريا حد فيكم كلم دره
دارين كلمناها الصبح كتير بعد ما مشيت بس مردتش علينا وبعدين موبايلها كلن مقفول
عبدالله مضايقه ايه بس امكم زي الفل هي بس اتعصبت شويه واول ما ترجع هتكون هديت
دانه بيتهيألك يا خالو مامي لما بتزعل صعب تسامح بسهوله
عبدالله لا معلش بقي دي اختي وانا عارفه هتعرفيها اكتر مني ولا ايه يابت
زكريا عبدالله معاه حق يا دانه واوعي تفكري ياحبيبتي انها زعلانه منك هي بس خدت علي خاطرها شويه واول ما تروق وترجع هتنسي وعموما انا مستنيها ترجع وهنتكلموا معاها
زكريا تعالي يابت في حضڼ جدك
قربت منه دانه حضنها زكريا بحب وطبطب علي ضهرها اوعي ټعيطي طول ما جدك عايش حتي امك نفسها متقدرش تزعلك مفهوم انا هنتكلموا معاها متقلقوش يا بنات انتوا مبقيتوش صغيرين وفاهمين كويس اوي اللي امكم بتمر بيه ولازم تعذروها يا حبايبي اللي بيها مش بسيط علي أي ست امكم الوقت عامله زي المدبوحه يعني وارد انها تطلعه عليكم او علي اي حد يقرب منها وهي مضايقه
عبدالله لازم تعرفوا ان مهما يحصل بينكم وبين بعض هتفضل بتحبكم وبعدين ياما حصل بين الام وعيالها زعل تفتكروا يعني بيفضلوا زعلانين علي طول اكيد لأ انتوا بس لما تيجي لو حسيتوا انها راقت شويه اتكلموا معاها وراضوها لسه محتاجه تقعد مع روحها سيبوها لحد ما تهدي وعموما انا وجدكم هنكلموها اتفقنا
دارين اتفقنا يا خالو
زكريا يلا يابنات اطلعوا ارتاحوا
دارين بعد اذنكم
طلعوا البنات علي فوق انا الشباب فاراحوا علي بكر وجدهم
بكر بابتسامه لهيما وولاده خلعتوا انتوا يا صيع بشياكه
هيما بضحك عيب عليك يا جدع متقولش كده هنخلعوا فين بس ادينا قدامك
محمد يعني ينفع نعدي الموقف من غير ما يكون لينا دور فيه بزمتك يا بكور
محمد بضحك لا والله ابدا احنا تربيتك يا معلم متقولش كده
بكر تربيه وسخه
هيما بضحك شكل الشغل كان كتير علي ابوكم
احمد او أختك سخنته علينا كالعاده
بكر والله ما اتكلمت يا واطي بس همقولها انك بتتكلم عليها متقلقش
احمد احيه انت بتهدي النفوس ولا ايه وبعدين مالك واقف في صفها يعني
هيما الحكومه ياولا عيب عليك
بكر بضحك صدقت والله بنحبوا نتلاشاها ونتلاشي لسانها
محمد طب والله امي دي عسل ومافي منها
بكر طبعا ياولا
احمد بضحك وده تحت ټهديد السلاح ولا ايه
بكر امشي ياواطي دي الحته الشمال بتاعت ابوك يا ابن الكلب
ضحك رفاعي وجه من وراه حت ايده علي كتف بكر بحب
رفاعي ربنا يخليكم لبعض يا بكر وما يفرق بينكم ابدا ويبعد عنكم العيال الواطيه
اللي بتسخنكم علي بعض دي
احمد بضحك جدي كان رامي ودنه
بكر اتلم ياولا
هيما ساكتله انت يا حاج اديله قلمين علي
وشه
رفاعي بضحك منقدروش دول ولاد الغاليه والغالي
احمد بحب ضحك وحضن رفاعي حبيبي يا جدي وربنا
رفاعي طمنوني البنات متصالحوش مع دره
هيما لا لما لاحقناها الصبح كانت مڼهاره وفضلت تصرخ في وشهم كانت عايزه ترمي روحها عالطريق
رفاعي كتر الضغط يا ابني بيولد الانفجار بس اكيد هيتصافوا وهتهدأ
بكر ربنا يصلح الحال يارب
هيما هي راحت مع كرم كرم خدها وقالنا نفضل مع البنات ان شاء الله اكيد هتهدأ
رفاعي خير ان شاء الله
بكر يلا ياخويا انت وهو هزوا طولكم وعلي شغلكم
هيما ايوووه عليك شغل ايه ما الدكاكين فاضيه والدنيا هديت
بكر هديت يا ولا لما خلصنا علي الشغل انما الوقت كل واحد فيكم يروح يتتمم علي كل حاجه وتقفلوا بأيدكم
هيما اعوذ بالله تصدق بالله حلال فيك اللي مها بتعمله
احمد بضحك قولنا كده قولتوا اخرجوا من البلد
بكر يلا يا صايع منك له علي الدكان
رفاعي اديهم يلا ياولا منك له اسمعوا الكلام
هيما متنساش اني ابنك يا معلم هااا انا اللي باقيلك
رفاعي بكر ابني قبلك يا صايع
بكر بضحك طلعله لسانه
هيما ضحك افرح يا خويا يلا ياعيال قبل ما جدكم يقيم علينا الحد
احمد يلا بينا وربنا لا هنسخن عليك امي ونقولها بيعاكس النسوان في الدكان
بكر بضحك امشي ياولااا
رفاعي بضحك مچرم
بكر ده واطي بنقولك ايه يا معلم
رفاعي قول
بكر الولا ده واطي وانا عارفه لو سخن مها عليا متنساش تقف في ضهري
رفاعي بضحك الولا سوحك
بكر اصلي عارف بنتك عندها ربع طاير
رفاعي ربع بس ده العقل كله طاير الله يكون في عونك
فضل بكر و رفاعي يضحكوا
طلعوا البنات مع حسن علي فوق
فتح حسن الباب بالمفتاح
حسن بلبله يا دودو
دعاء تعالي يا حسن احنا هنا
نبيله بلهفه شوفي كده دره معاهم
دخل حسن والبنات
حسن سلام عليكم
دعاء عليكم السلام
نبيله عليكم السلام دره مرجعتش معاكم
حسن كرم خدها ومشي لما روحنا وراها بس متقلقيش عليها
دعاء تعالوا يابنات اقعدوا واقفين ليه
دارين هنطلع نرتاح فوق لحد ما مامي تيجي يا طنط
نبيله تعالوا يا بنات اقعدوا عايزه اتكلم معاكم شويه
راحوا البنات قعدوا جنبها
حسن طيب انا هغير التيشرت ده ونازل تاني لابويا في غيار هنا ليا يا دودو
نبيله اه ليك كام غيار مغسولين طلعيله من الدولاب جوه يا دعاء
دعاء حاضر يا اما
دخلت دعاء طلعتله لبس حسن بسرعه ونزل وسابهم لوحدهم
دارين خير يا بلبله في ايه
نبيله الاول كلتوا ولا لا
ديما ايوه كلنا حسن جاب فطار وفطرنا مع بعض
دعاء مش جعانين طيب اعملكم حاجه لحد ما امكم ترجع وناكلوا سوا
دارين لا يا طنط شكرا احنا شبعانين والله
دعاء بالف هنا يارب
نبيله طيب ادام و اكلين و شبعانين خلينا نتكلموا شويه مع بعض
دانه بملامح حزينه وهدوء انا عارفه إن حضرتك عايزه تتكلمي معانا بخصوص اللي حصل الصبح وعارفه كمان انك زعلانه مني عشان زعلت مامي وبجد انا بعتذر مكانش قصدي ازعلها والله يا تيته
نبيله بعيدا عن تيته دي عشان مقومش يابت اجيبكم من شعرك تحت رجلي
ضحكت دانه والبنات علي خفة ډم بلبله حتي في عز الجد
نبيله بابتسامه انا مش زعلانه منك يا دانه ولا حتي عايزه نتكلموا علي اللي حصل الصبح لاني مشوفتش أنك غلطانه في حاجه وردك علي ابوكي مش چريمه سواء كان هو غلط معاكم أو مغلطش في النهايه هو ابوكم اللي علمتهولكم دره هو نفس اللي انا ربيتها عليه طاعة الام و الأب واجب عليكم وعلي أي حد في الدنيا مهما كان فيهم ايه طباعهم ايه حلوين او وحشين دي بره عننا في النهايه احنا لازم نحترمهم ونطيعهم ونحسن معاملتهم عشان منتحاسبش عليهم دره زرعت ده فيكم بس كمان عصبيتها الصبح عليكي مكانتش عشان رديتي عليه يمكن هي التعبير خاڼها بس ده من ۏجعها يا ولاد
الست لما بتتجرح من راجلها بتبقي عامله زي المدبوحه لا هي عارفه بتقول ايه ولا بتتصرف أزاي
أه انتوا مبقيتوش صغيرين بس كمان لسه مش فاهمين الشعور ده
مش هتخسوا بأمكم غير لما تتجوزوا ويبقي ليكم بيت وليكم راجل مختارينه بنفسكم وتبقوا امهات وقتها في عز سعادتكم هتدعوا من قلبكم ما تعيشوا الشعور اللي امكم عاشته
دارين صدقيني يا بلبله احنا كلنا مقدرين اللي مامي عاشته وبتعيشه وعارفين ان بابي غلط في حقها كتير ومحدش فينا كان قاصد يزعلها
نبيله عارفه يابنتي انكم متقصدوش بس اللي اقصد اقوله انها موجوعه فا متزعلوش من اي رد فعل يخرج منها
دانه انا عن نفسي مش زعلانه منها والله بس انا مضايقه عشان زعلتها
نبيله وانا قولتلك انتي مزعلتيهاش كل الاڼهيار والعصبيه اللي شوفتوها الصبح دي مش انتي السبب فيها يا دانه ولا اي حد فيكم يا بنات اللي في دره ده بسبب اللي عمله معاها أبوكم واللي ۏجعها انه عشان عارف انها مش هتديله فرصه ولا هتسمعه جري عليكم وفي نفس الوقت هو غلط في حقكم طب ازاي وليه بيكلمكم هي مكانتش عايزه تعرفكم اي حاجه بس ڠصب عنها
ديما بحزن بس اللي مامي متعرفهوش اننا كنا عارفين ان بابي رافضنا ومش عايزنا بس انا خبيت عليها قولت بس لدارين ودانه قبل ما نيجي بيومين بابي كان سايب البيت لحد ما نمشي ويتم الطلاق وقتها كلمته واترجيته نفضل معاه وميبعدش عننا بس رفض وقالي سافري مع مامي قولتله انا عيزاك يابابي انت كمان قالي لا سافري واسمعي الكلام مش هينفع نفضل مع بعض ولا هينفع تفضلوا معايا
نبيله بحزن بلاش نجيب سيرة اللي قاله واللي عمله الله يسهله هو اذي بنتي وانا عمري ما هسامحه بس في نفس الوقت مش هقدر اغلط فيه عشانكم انتوا لانوا في النهايه زي ما قولت هو ابوكم واكيد هتزعلوا عليه
زمان يا بنات انا كنت قريبه من ابويا اوي مكانش عندي غير اخ واحد أصغر مني بس اټوفي وهو في سن صغير يعني 14 سنه تقريبا كنت انا عند ابويا الدنيا ومافيها وهو كمان كان قريب مني اوي في مره زعل هو وامي اوي بعد وفاه اخويا كان بسبب ۏفاة اخويا جاله حمي جامده اوي
دارين يعني ايه حمي
دعاء يعني سخونيه يادارين حرارته ارتفعت
نبيله المهم زمان بردوا مكانش في فهم زي الوقت والستات علي قد ما كانت شاطره بس كانت علي قد حالها في التفكير واخرهم كان الكمادات طبعا اخويا حالته بقت تسوء اكتر وماټ بعد يومين من السخونيه فا ابويا فضل مصمم ان امي اهملت فين واتعاركوا كتير وكانت اول مره اشوفهم بېتعاركوا بالشكل ده لا ابويا كان قاصد كلامه ان امي هي اللي موتته ولا امي كانت واخده كلامه جد بس الاتنين كانوا موجوعين ابويا موجوع علي اخويا وبيقول اي حاجه يطلع فيها غضبه وامي بردوا كانت شايفه ان اللي ابويا بيعمله مش وقته وانه مدهاش فرصه حتي تحزن علي أبنها واطلقوا
الكل حاول يتدخل بينهم بس الاتنين رفضوا خالص وقعدوا بعيد عن بعض خمس سنين طول الخمس سنين
متابعة القراءة
