رواية قمر 45

نظره مطوله وقال 
وليد بس ! محصلش اى كلام ما بينكم
تنهدت بضيق وقالت 
بتول لا حصل كلام طبعا وانا عرفته أن انا وهو مستحيل نرجع تانى لبعض وعرفته برضه ان احنا الاتنين هنتجوز وهو يعنى كالعاده ضعيف متمسكش بيا واتخلى عنى انا وابنه بكل سهوله بس طبعا قال إنه هيخلى اسم ابنه على اسمه بس هو ده كل اللى حصل
اقترب منها ونظر بعينيها وقال بحب 
وليد انا مش بشك فيكى يا بتول ومصدقك طبعا فى كل كلمه قولتيها بس كل الحكايه أن انا بغير عليكى منه ومن اى راجل تانى
نظرت له بخجل وقالت
بتول يا وليد خلاص انا ليك انت لوحدك ومافيش اى راجل غيرك يملى عينى انت بقيت كل حاجه ليا انا وعدي
أقترب منها أكثر وأمسك يدها وقال بحب
وليد بجد يا بتول !! يعنى انا بقيت حاجه مهمه فى حياتك
ابتلعت ريقها بتوتر وقالت بخجل
بتول ط ط طبعا يا وليد انت أساس البيت ده دلوقتى واحنا من غيرك ولا حاجه
تعالت انفاسه وأبتلع ريقه بتوتر وابتعد عنها وقال 
وليد ل ل لا بقى ا ا احنا لازم نتجوز بسرعه انا صبرت كتير ومش قادر اصبر اكتر من كده الصراحه
دفعته بقوه وقالت بخجل
بتول ايه اللى انت بتقوله بطل غلاسه يا وليد بقى
تألم بشده وأمسك قدمه بيده وقال 
وليد يا مجنونه انتى ناسيه أن واخد ړصاصه فى رجلى
أقتربت منه بهلع وقالت سريعا 
بتول انا اسفه نسيت والله رجلك وجعت جامد صح اسفه والله اخدك عند الدكتور
أبتسم لها وقال بنبرة حنونه
وليد أهدى يا بتول انا كويس والله كنت بهزر معاكى مش اكتر
حركت رأسها بالرفض وقالت 
بتول لا انت بتكدب عليا رجلك ۏجعتك جامد
حرك قدمه وقال بأبتسامه 
وليد اهى يا بنتى كويسه مفيهاش حاجه اهى
نظرت له بضيق وقالت
بتول والله العظيم انت غلس خضتنى عليك
تعالت ضحكاته وقال 
وليد انا فرحان أوى علشان شايف خۏفك و لهفتك عليا دى ربنا يخليكى ليا وميحرمنيش منك أبدا
ابتسمت له وقالت 
بتول طيب ايه مش يلا بقى علشان ناكل زمان عدي جعان
ابتسم لها وقال بحب 
وليد اوك يلا بينا وساعدها فى نقل الطعام وجلسوا حاول الطاوله بدأوا يتناولوا الطعام 

بالفيلا الخاصه بأيوب
جلس ريان على الأريكة بحزن شديد ونظر إلى أيوب وظل يتنهد بشكل مستمر
نظر له بأستغراب وقال بتساؤل
أيوب فيه ايه يا ابنى مالك عمال تنفخ وتفش على الصبح كده ليه
تنهد بحزن وقال 
ريان انا قابلت بتول امبارح يا أيوب
رد عليه بعدم فهم وقال 
أيوب قابلة بتول ! فين وليه
تكلم بحزن وقال 
ريان عدى ابننا وقع على دراعه امبارح واتجبس فى المستشفى والفاتوره كانت عاليه جدا عليها ومكانش معاها المبلغ علشان كده اتصلت بيا وطلبت أن اسدد ليها الفاتوره المشكله مش فى كده يا ايوب المشكله أنها رفضت وجودى فى حياتها تانى كان عندى امل أننا نرجع ونعيش مع بعض بس هى قالت إنها خلاص هتتجوز واحد تانى انا لسه بحبها بس لما فتحت الماضى قصادى وشوفت حړقت قلبها وهى بتتكلم سكت مبقتش عارف ارد عليها واقول ايه لأنها للاسف كان عندها حق فى كل كلمه قالتها انا كسرتها ووجعتها اوى ظلمتها معايا كتير كان عندى كلام كتيرررر اوى عايز اقوله ليها بس فضلت ساكت لسانى رفض يرد انا متأكد انها هتقول عليا ضعيف ومتمسكتش بيها زى كل مره بس الموضوع مش كده والله انا بحبها لا انا بعشقها بس الافضل ليها أنها تعيش مع راجل غيرى يستحقها يداوى چروحها القديمه يعيشها عيشه افضل يقدر يعوضها