روايه زين الفصول من السابع الي الثاني عشر
المحتويات
الحلقة 7
تطلع رسل ع البيت وهي طايره من الفرحة تفتح الباب تلاقي يارا واسر قاعدين بيتكلمو Video call مع حد تدخل تبص تلاقيه اخوها متصدقش وتفرح اكتر وتاخد التليفون منهم
رسل يا روح قلبي وحشتني اوي يا غسان .
غسان اقسم بالله انتي وحشتيني اكتر يا رسل انا اسف اني قعدت مده مش بتصل بيكو بس انتي عارفه النظام هنا
غسان بس ايه ده يابت .. ايه الجمال ده
رسل عملت العملية بقا ومبسوطه اوي ياغسان واتبسط اكتر لما كلمتك والله
غسان انا مبسوط بيكي يا رسل وانك واخده بالك من نفسك ومن دراستك ومن اسر
رسل صح يا غسان انت اخر اجازة نزلتها كانت من مده وكمان انت قولت انها اخر اجازة وانك راجع قريب
رسل قول بعدين اقرر ازعل ولا مش ازعل
غسان مدة الجيش طالت اكتر او تقريبا الفتره اتجددت من تاني ومفتكرش اني اقدر اجيلكو خالص الفتره الجايه
رسل غسان انت بتهرج
غسان مبهرجش يا رسل مش ب ايدي
تبدا رسل تتخنق وتدمع
غسان متعيطيش بس عشان خاطري صدقيني هحاول كل شوية ادور علي طريقة اوصلك بيها
متردش وتمسك دموعها بس تفضل بټعيط برضو
غسان اطمني حتي في غيابي انا معاكي وغير كل ده انا قاعد ومطمن ان انا سايب ايه ..
رسل سايب راجل
غسان حبيبي انا
غسان خليكي جمبها يا يارا
يارا انا جمبها علي طول والله
غسان يلا اشوفكو ع خير
تبتسم يارا
غسان اه يارا
يارا ايه
غسان بحبك
يارا ايه
غسان لا سلام بقا مش وقتو صدمات
ويقفل غسان تروح يارا تقعد مع رسل شوية وتواسيها وبعدين تروح شقتهم وهي مبسوطه وتقعد رسل مع اسر لغاية ما ينام وتنام معاه هي كمان
رسل الله يسلمك والله وحشتيني اوي والمدرسه وحشتني اوي
حور وانتي كمان اخبارك ايه
رسل اهو الحمدلله
حور هو في حاجه مضيقاكي
رسل ايوة اخويا
تحكيلها رسل
حور طب ما عادي يا بنتي فيها ايه هو بكيفو
رسل انتي كمان هتقوليلي عادي
حور طب خلاص ياستي انا اسفه احسن انتي عصبيتك فظيعه
حور انا هروح اكلم ادم
رسل روحي ياختي ل سي زفت بتاعك ده
وتروح تشتري اكل في المدرسه وتجيب شيبسي
زين حضرتك انا عايز كيس الشيبسي ده
رسل مافي غيرو وراك خدو
زين لا انا عايز ده عاجبني
رسل منا بقولك الكرتونه مليانه هو ده عليه سكر يعني !
زين ايوة عليه سكر انا عايزو
رسل بقولك ايه ازين متقرفش امي !!
يبرقلها زين وهو كاتم ضحكتو
رسل متقرفنيش
متلاقيش تغير في ردة فعلو
رسل متعصبنيش !
يبرقلها اكتر
رسل بقولك ايه متوجعش دماغي بقا هي متقرفش امي
زين يابت هزعلك مني
رسل زين مش ناقصه الصراحه خد كيس الشبسي وحل عن نفوخي بقا
وتحدفو في وشو وتسحب واحد تاني
زين في ايه يا رسل متنرفزة ع امي ليه ع الصبح
رسل ونبي يا زين سبني عشان انا لو اتفتحت هعيط وهتلاقي فيضان محصلش من التسعينات
زين طب قوليلي حد ضايقك طيب
رسل ايوة ياسيدي حد ضايقني
زين شاوريلي عليه بس !
رسل مش لما اشوفو انا الاول
زين انا مش فاهم حاجه
يرن جرس البريك ف تاخد كيس الشيبسي بعصبيه وتطلع الفصل يحضرو الحصه وزين مش شايل عنيه من عليها ويخلص يومهم ووهما ع السلم ينزل زين ويكمل معاها
زين طب طمنينين عليكي طيب منتي متسيبينيش كده
رسل انا مخڼوقة بجد يا زين مخڼوقة اوي
وتفتح كيس الشيبسي وتاكل منو بعصبيه
زين طب قوليلي مالك وانا جمبك متقلقيش
رسل يا زين كل الحكايه ان ..
وتتنح رسل تبص قدام باب المدرسه تلاقي اخوها واقف مستنيها تتصدم بفرحة لدرجة انها ترمي كيس الشيبسي وتجري علي اخوها ف يشيلها وتفضل وهي بټعيط مش مصدقه وزين واقف مخضوض ووشو جايب الوان وافتكر لما اسر كان بيقولها ياماما ويفتكر الصورة اللي كانت علي تليفونها يحس بالعرق مالي وشو وميستحملش ويمشي وتجري وراه حور
غسان بطلي عياط بس وحشتيني اوي اووي اوووي
رسل مش مسمحاك يا غسان ع اللي انت عملتو فيا ده بقا كده تخليني من امبارح للنهارده عياط
غسان ياروحي المهم ان انا جمبك اهو متعيطيش بقا وحشتيني اوي
رسل وانت كمان يا غسان اوي
تسلم عليه ويمشو يروحو سوا ومن فرحتها بيه ماشيه ومتبته في ايدو والفرحه مش سيعاها
حور انت بتزعقلي ليه دلوقتي وانا هعرف منين مين دا
زين ازاي يعني معقول محكتلكيش عنو !!
حور لا محكتش يا زين وبعدين انت بتتعصب عليا انا ليه !! ومضايق في نفسك كده لتكون كدبت الكدبه وصدقتها يا زين !!
زين انا مبكدبش يا حور
حور افهم من كده انك حبيتها بجد !
يسكت زين وميردش
حور طب اسمعني بقا يا حبيبي ... فكرة الحب والكلام الفارغ ده مينفعش معايا خطتنا هتمشي زي ما هي .. وانا عارفه يا حبيبي انك معجب بيها بس او صدقت نفسك شويتين عشان انت بتحبني انا وبس وملكي انا وبس !!
يتعصب زين ويمسكها من شعرها
زين مين انتي عشان تتحكمي فيا بالطريقة دي انتي متختلفيش عن اي واحده عرفتها ومثلت اني بحبها كام يوم عشان اسلي وقتي بس الفرق ان مدتك طالت شوية انما هي انا حبيتها بجد ومظنش هتفهمي يعني ايه حب ده لانك بتحبيني عشان مصلحتك مش اكتر يا وزة !
ويسيبها
حور ارجع لعقلك يا زين عشان انت متعرفنيش لما اقلب انا وانت مصلحتنا من البنت دي واحده والفرصه قدامنا وياريت متضيعهاش من ايدينا لان صدقني لو انت السبب في ضياع الفرصه دي انا هندمك بالجامد
زين المره الجايه ابقي هاتي حاجه معاكي نقيس بيها عرض كتافك انا مبتهددش
حور ماشي يا زين بس ابقا افتكر كلامك ده كويس يا روحي
وتمشي وتسيبو يروح بيتو وفضل رايح جاي شبه المجانين ويفضل متعصب لمده كبيره وقاعد يكسر في كل حاجه ويطلع البلكونه يلمح رسل جايه من بعيد ينزلها وهو متعصب ويقابلها يمسك دراعها ويبعد بعيد عن الفيلا
رسل في ايه يا زين انت ماسكني كده ليه !
زين سامعك اهو ! اتفضلي قولي مبرراتك للي حصل الصبح واما اشوف هقتنع ولا لا
رسل حصل الصبح امتي
زين هتستهبلي وتعصبيني ! مين ده ! وليه مقولتيليش من الاول وليه خلتيني اقرب منك واحبك وانتي اصلا مرتبطه
متابعة القراءة
