رواية ايمان الصياد

حضرتك ماتعرفيش ان دكتور مروان قسمنا لمجموعات النهارده وكل مجموعه هتاخد أسبوع تدريب ف المستشفى بتاعته وكمان بمقابل يعنى هانقبض يابنتى ونتنغنغ
ساره بزهق طيب تمام
معتصم طيب اعملك ايه انا دلوقتى يعنى ماكنش لازم العند والبرود بتوعك دول ي ساره اهو الدكتور طلع كويس ومحترم وكمان إحنا آخر سنه يعنى
ساره مادتهوش فرصه يكمل واتكلمت هى معتصم خلاص حصل خير ويمكن من هنا لبكره حاجات كتير تكون اتغيرت
ريهام وقفت تاكسى وقبل ماتركب كان معتصم وساره بيأنبو فيها
معتصم يابنتى هانوصلك السواق ع وصول
ساره ي بنتى بطلى رخامه بقا بقالنا سنين مع بعض وأكتر من الاخوات ووالا مره وافقتى اننا نوصلك!
ريهام بضحك طيب واشمعنا المره دى ال هوافق فيها ياله بقا سلام العداد بيعد عليا اشوفكم بكره وهاكلمك أول ماوصل
وع فكره انا آسفه لآن التآخير كان منى أنا لأنكو انتظرتونى ورفضتو تدخولو من غيرى
إمشى ي بت من هنا قالتها ساره بهزار بعد اعتذار ريهام ليها
لان الحقيقه ساره ماحضرتش لأنها ماكنتش هاتستحمل كميه النظرات إلى كانت هاتشوفها هيمانه ومعجه ببطل قلبها الأول وال هو مروان
ريهام مشيت
ومعتصم وساره السواق جالهم ومشيو هما كمان
وطول الطريق وريهام سرحانه ف مروان وف أول مقابله ليهم وأول دقه قلب ليها....
ساره ومعتصم وريهام كالعاده مع بعض قاعدين ف كافتيريا الكليه معتصم قام يجيب حاجه يشربوها وساره وريهام مع بعض
ساره هو معتصم اتأخر كدا ليه
ريهام بضحك بصى وراكى وانتى تعرفى
ساره بتبص بيكون معتصم واقف مع نغم زمليتهم
ساره بتقوم وريهام بتمسك إيديها بتحذير وتقول بلاش ي ساره علشان خاطر معتصم
ساره فكت ايدها من ريهام ويادوب خاطوتين وخبطيت ف مروان وهو ماسك النسكافيه ف إيده وال ادلق عليهم لإتنين!!
فضلو واقفين جاميدين من الموقف المفاجئ دا للحظات وبعدها اڼفجر مروان ف الضحك وهو بيقولها
كدا متعادلين وبقينا نفس الألوان لان تشيرتاتنا ابيض والنسكافيه بنى
ساره اعتذرت لأنها الغلطانه ومروان قبله عادى وكل واحد رجع مكان ماجه
ريهام انفاجرت ضحك ع صحبتها وساره هاتموت من الغيظ منها
سارهبتضحكى ع ايه ي زفته إنتى
ريهام عليكم طبعا
معتصم جيه وهو بيضحك هو كمان وقالهم إن ف حد النسكافيه اندلق عليه وشكله مسخره ساره قامت وقفت ومعتصم شاور عليها وقلها انتى كمان
ريهامماهما الثنائى دول خبطو ف بعض
معتصموانتى قمتى من مكانك ليه أصلا
ساره بنرفزه بسبب الزفته بتاعتك
معتصم بتكشيره طيب
ريهام بس الواد
معتصم بيقاطعها وهو بيقول دا مش واد دا دكتور مروان جودا .....فاقت ساره من سرحنها ع سؤال معتصم
سرحانه ف ايه وال خلى ساره مش عارفه ترد عليه بأيه
مالك ي بنتى قالها معتصم اما ملقاش منها جواب ع سؤاله الأول
ساره لا عادى مافيش حاجه
معتصم ع فكره إنتى غلطانه وانا لغايه دلوقتى ماتكلمتش...
ساره ع فكره انا عارفه بس
معتصم قاطعها وكمل هو ع فكره عارف بس انتى بتجرى ورا حلم مش ممكن يتحقق ولو ف 1 انه يتحقق انا هقف ف وشه
ساره بإستغراب انت بتقول ايه
معتصم بهدوء ال سمعتيه شكلك ناسيه انى توأمك مش بس
أخوكى يعنى عارف انتى بتفكرى ف ايه وبتحسى بأيه كويس جدااا
ساره دورت وشها ومعتصم كمل كلامه
مروان لأ ي ساره لانك ماتعرفيش عنه حاجه لكن أنا أعرف...ولومستعده تعيشى معاه فعذاب فأنا مش هاسمحلك أبدااا الأفضل إنك تخرجيه من عقلك وقلبك لأنهم لاتنين أغبى من بعض
كملو طريقهم ف صمت تام وأول ماوصلو كل واحد دخل أوضته بدون كلام
لكن الحقيقه إنهم مش قادرين يبصو لبعض مش سهل أبداا ع معتصم انه يبقى عارف إن أخته كل تفكيرها وتركيزها ع واحد لو دخلت دايرته هاتدمر
والا سهل ع ساره إنها تعرف ان أخوها عارف وكاشف كل مشاعرها
ف شقه مراد
مراد واقف وقدامه الداده فاطمه بتاخد آخر فلوس ليها لأنها مسافره بلدهم لظروف ما
ملك ماسكه فيها وبتقولها بطفوليه بريئه ماتمشيش
مراد أخدها ف وهو بيقولها إنها لازم تسافر لأولادها
فاطمه مشيت ومراد وملك مع بعض وبعد شويه مروان انضم ليهم
مروان هلكاان هاموت
مراد بإستخفاف ليه يعنى عملت ايه 
مروان پصدمه بتسأل عملت ايهدا انا من الكليه للمستشفى وكمل بضحك ي قلبى لاتحزن
مراد دا شغلك ال بتحبه لو تاعبك بلاش منه واقعد فالبيت ربى ملك
مروان مين قال انى اشتكيت بص لملك انا اشتكيت ي لوكا
وبعدها وجه كلامه لمراد ما انت كمان بتروح المدرسه الحكومى ال لغايه دلوقتى ماعرفش انت متمسك بيها ليه!! وانت أصلا عندك البيزنيس الخاص بيك
مراد زى مانت متمسك بشغلك انا كمان زيك وبعدين ياريت تخليك ف نفسك وبعدها كمل مراد كلامه بجديه
مراد أنا مسافر الصبح لبنان وهقعد إسبوع وقدمت ع طلب أجازه النهارده
مروان ف حاجه والا ايه وأيه قرار السفر المفاجىء دا
مراد مش مفاجىء والا حاجه بس حضرتك ال مابتبصش ولو من بعيد ع الشركه!!
مروان طيب مسافر ليه 
مراد ف شحنه متأخرة ولازم أسافر بنفسى
مروان تمام
مراد أنا طلبت بيبى ستر علشان ملك لأن فاطمه مشيت خلاص
مروان نعم!! مشيت ليه 
مراد وهو بيهز كتفه الله أعلم المهم انت قابلهم واختار واحده تكون مناسبه وبلاش تخرج بكره وخلى بالك منها....
ف حاره سلمى
قاعده ع السرير وماسكه الجورنال بتشوف يمكن تلاقى شغل جنب شغل المدرسه الحكومى ال هى فيه وال ٧ رأيها مابيجبش همه!!
برقت اول عنيها ماجت ع الراتب ال هاتخده وقالت بصوت مزهول خمس آلاف جنيه!!مش معقول
مامتها دخلت وهى بتقول اى هو ال مش معقول!!
سلمى تخيلى بيبى ستر هاتقبض ف الشهر خمس آلاف جنيه
مامتها وانتى مالك يعنى!!
سلمى بإبتسامهمالى طبعا لأنى هاقدم فيها وياريت يقبلونى ٧
مامتها خدامه ي سلمى وانتى مدرسه!!
سلمى لا ي ماما مش خدامه وف الأساس دى شغلانه زيها زى أى شغلانه انا بس هاكون مع بنت عمرها خمس سنين والا همسح والا هغسل وهاخد راتب كويس جداا لو قعدت ف المدرسه الحكومى مش هاخده ولو بعد خمسين سنه
مامتها خرجت وهى بتقول بعدم رضا انا مش موافقه....
ساره اتصلت الاول بالرقم الموجود وخرجت وهى طايره من الفرحه
قعدت جنب مامتها وباست ايدها وبعدها اتكلمت بجديه...ي ماما انتى ليه معترضه دلوقتى وياريت حضرتك ماتقوليش علشان خدامه دى لأنى مش هاكون كدا
مامتها وبعدين ايه المميز ف الشغلانه دى ما ممكن تلاقى غيرها كتير
سلمى ابتسمت وكملت بذمتك انتى راضيه عن ال بتقوليه دا!!
شوفى انا بدور ع شغل بقالى قد ايه ولو صدف وقدمت بيكون مايناسبنيش والا المرتب بيكون كويس
إنما دا كل حاجه فيه مميزه
اولا البنت ف الحضانه وتقريبا مواعدها نفس مواعيدى بالضبط
ثانيا هاقعد معاها لغايه الساعه تسعه بس وبعدها باباها بيجى يستلمها
ثالثا المرتب خيالى جدااا ومايتعوضش يعنى من الاخر انا الكسبانه شغلى ف الحكومه وشغلى ال بره
مامتها مش مطمنه ماعرفش ليه بس ع العموم جربى
سلمى وقامت تنام علشان المدرسه وتستعد للشغل ال بعد المدرسه كمان
تانى يوم سلمى راحت المدرسه وبعدها العنوان ال ادهولها مروان بعد ماكلمته ولحسن حظها انها كانت أول واحده تتصل وتقابله وهو يوافق عليها ......
خرجو لاتنين من المكتب ومروان نده ع السكرتيره وملك كانت معاها ودى كانت مفاجأه بالنسبه لسلمى وملك...ملك جريت عليها مع استغراب مروان التام
سلمى بصيت لمروان وقالت هى دى الطفله
مروان أيوه
سلمى ابتسمت وشالت ملك وهى بتقول دى أجمل ملوكه حضرتك ماتقلقش خالص عليها
مروان بابتسامه طيب ممكن سؤال
سلمى اتفضل
مروان انتى تعرفى ملك منين
ملك ال جاو٦بت وهى بتقوله دى مس سلمى ال حاكيتلك عنها واداتنى الشكولاته
مروان ابتسم وهو بيقولها أنا كدا اطمنت ع ملك لأنها بتحبك جدا وفعلا صدفه جميله وغريبه .....
الحلقه الثانيه من
انتصار_قلب
مروان اخد سلمى وملك ع البيت وطول الطريق وملك مش مبطله رغى مع سلمى
وصلو ومروان فتح ودخل وهما كمان وقف وخرج نسخه من مفاتيح الشقه وعطاها لسلمى واتكلم
مروان بصى طبعا انتى هنا هاتكونى كل حاجه ل لملك لان انا وباباها مش بنكون ف البيت لفترات طويله ودا بسبب
شغلنا وياريت بجد تطلعى قد المسؤليه ال حطيتى نفسك فيها
سلمى هزت رأسها واتكلمت بتفهم وجديه حضرتك انا مدرسه أولا وثانيا انت شوفت معاملتى مع ملك ولقاءنا كان عامل ازاى ودا الى حد ما كويس ويخليك ترتاح ولو شويه. انا طبعا عارفه انه صعب الثقه تتاخد بسرعه لكن ع الاقل تكون مرتاح شويه
مروان بإبتسامه تمام ودلوقتى الساعه أربعه وانا عاندى محاضره الساعه خمسه وهاكون هنا تسعه إن شاء الله واما اجى هانتفق ع باقى التفاصيل وياريت مافيش خروج غير بعلمى
سلمى ابتسمت وقالت اتفضل ي فندم وكل حاجه هاتكون زى ماحضرتك عاوز بالضبط
مروان دخل أوضته غير هدومه وخرج ع الكليه
وسلمى بدأت تستكشف الشقه الأول هى وملك وبعدها لاتنين خرجو يقعدو قدام ال وبعد وقت ملك اتكلمت مس سلمى انا جعانه
سلمى بصتلها بحب ومسكت ايدها وقالتلها ياله بينا نحضر أكل
سلمى دورى معايا ع المكرونه
ملك وهى بتزم شفايفها ليه ي مس سلمى
سلمى أولا بلاش مس دى قولى سلمى علطول ثانيا المكرونه علشان ناكلها اكله سهله وسريعه
ملك بضيق بس انا مش بحب المكرونه زى بابا
سلمى بإحباط طيب تحبى أعملك ايه
ملك بإبتسامه وفرحه برجر
سلمى بتحك ف راسها وبتقول طيب انا بقا مش بحبه
ملك بملل يبقى ناكل حاجه تانيه
سلمى طيب بقولك ايه احنا نعمل معكرونه وبرجر
ملك سفقت بإيدها وهى بتقول صح كدا وكل واحد ياكل الى بيحبه
سلمى ابتسمت وهزت راسها بالنفى ووضحت لأ احنا هانبدل بما انى مابحبش البرجر يبقى هاكله يمكن يعجبنى
سلمى كملت وهى

بتهز راسها بالنفى لا انا مستحيل أكل مكرونه أبداا أبدااا
سلمى خلاص براحتك بقا
ملك قربت منها وهى بتقولها هو انتى زعلتى منى
سلمى هزت رأسها بأه
وملك ابتسمت وقالت خلاص أنا هاكل المكرونه وأمرى لله
سلمى ابتسمت وبدءو يحضرو الأكل مع بعض وهما ف كامل سعادتهم
ساره ومعتصم وريهام قاعدين جنب بعض ف المدرج
وساره بتتكلم بتريقه حضرته اتأخر عن معاد المحاضره ربع ساعه مين بقا هيحاسبه ع التأخير دا
معتصم عارف هى قصدها ايه وبعد مواجه امبارح وهما بيهربو من نظرات بعض 
ريهام هى ال اتدخلت وقالت بضحك يابنتى دا هو الدكتور وبعدين بلاش العداء دا بينك وبينه دا احنا لسه ف أول السنه
ساره مش بخلق عداوه لكن هو امبارح ماقدرش سبب تأخيرنا فاليه احنا نقدر سبب تآخيره !
قبل ريهام ماترد كان مروان داخل وهو ف كامل شياكته واناقته بص للكل وعيونه جات تلقائي ف عيون ساره...
خلع نظارته وهو بيشاور عليها تقف ووقفت فعلا ومن غير كلام شاورلها ع الباب !!
بس ساره ماخرجتش وفاجأته بردها
ساره بثقه حضرتك انا ماعملتش حاجه علشان آخرج
مروان بس انا قلت إمبارح ان محدش بيدخل بعدى وقلتلك كمان إنك ماتحضرليش محاضره لآخر السنه
ساره ابتسمت ووضحت حضرتك قلت إمبارح ان محدش بيدخل بعدك لكن