رواية ايمان الصياد

حفله معتصم باباكى هايطلب إنك تروحى معاهم وهايطلب دا من مراد
سلمى بسرعه بس انا مش عاوزه اروح
مروان خلاص مش مهم المهم انك توصلى لمراد انك عاوزه تروحى معاهم وانك هاتكونى حزينه لو ماروحتيش
سلمى بجهل طيب كل دا ليه انا مش فاهمه حاجه!
مروان لانى عاوز اخويا يفوق بقا وعاوز اختى تعيش حياتها بدون تردد او خوف
سلمى بهدوء وحزن قصدك ايه
مروان قصدى انتى فهماه كويس مراد بيحبك وانتى بتحبيه كل المشكله الماضى ال متعلق ع الجدران وال مخليكو لغايه دلوقتى زى الاغراب وكل واحد ف عالم خاص بيه غير التانى
سلمى وتفتكر اما اوهمه انى هاروح عند اهلى هايشيل كل ماضيه!
مروان ماتقلقيش انا ال هالفت نظره للنقطه دى هو من حقك ان هو ال كان يعمل كدا من نفسه لكن صدقينى دا جهل فقط من مراد لكن الحقيقه هو بيحبك جداا
سلمى بتفكير طيب هاروح فين انا بعد هو مايوافق
مروان بتفكير لقيتها شقتى
سلمى بزهول نعم
مروان انتى وملك تقعدو ف شقتى فوق
سلمى طيب وانت 
مروان بضحك ف اوضتى القديمه هنا
سلمى بحب اخوى انت احلى أخ ف الدنيا
مروان بغمزه علشان تعرفى بس وكمل بجديه انا واعدتك هاكون حمايتك هنا وهاكونلك أخ وواجب عليا أما الاقى اختى حزينه او مش سعيده ف حياتها أقف جنبها....
مروان طلع شقته تانى ......
و سلمى حاطه إيدها ع قلبها أحسن مراد مايوفقش ع اى حاجه من خطت مروان...
باليل ملك قامت بمهمتها....وسلمى كمان ودا خلى مراد هايتجنن أنها ازاى موافقه تبعد عنه يمكن كل واحد ف أوضه بعيد عن التانى لكن كفايه آوووى نفسها موجود معاه ف نفس المكان مراد وافق تحت نظرات سلمى الحزينه وحس انه فعلا مزودها وان من حقها تقضى وقت مع أهلها
مراد موافق انك تقعدى بس بشرط 
رغم ان سلمى زعلت انه مافضلش متمسك بيها لكن ف نفس الوقت سعيده أنها هاتوصل للي عوزاه
سلمى بهدوء شرط ايه
مراد بحب هما يومين بس والتالت هاتكونى ف بيتى
رغم أن لهفته عليها لمست قلبها لكن الصيغه ال اتكلم بيها جرحتها يعنى ايه بيته ماهو كان ممكن قال بيتك مش بيتى!!
هزت راسها وحبست دموعها وهى بتتمنى انه
يتمسك بيها هى ويطرد الماضى من حياتهم .....
سلمى اعتذرت من باباها وفهمته أن مراد مش هيوافق وخصوصا علشان ملك متعلقه بيه ...
وفهمت مراد أنها هاتمشى معاهم بعد حفله كتب الكتاب
مراد حس پخنقه وزهق وقرر إنه هايمشى ودا كان ف مصلحه مروان وسلمى وأنهم بكدا هايقدرو يروحو عادى بدون خوف ............
مروان ابتسم وهو ع السرير وبيقول ف سره مراد لو عرف الخطه هايعمل من فخادى بوفتيك..بس مش مهم المهم انهم يكونو مع بعض..
بص لموبايله وبعدها رن ع ساره وال ردت من اول مره
مروان بضحك ايه دا هو انتى كنت منتظره رنتى والا أيه
ساره بإرتباك وبخجل اه لأ اصل ..
مروان خلاص خلاص مع إنها بسيطه يعنى لو قلتى أيوه منتظراك..
ساره بعند قلت لأ
مروان بخبث لأ قلتى اه الأول وبعد كدا قلتى لأ
ساره طيب سلام علشان هنام
مروان طيب ماتنامى هو حد حايشك يعنى!
ساره مروان ماتبعدش عنى وتخزلنى وتكسرنى قدام الكل
مروان اتفاجىء من تحولها ف الكلام بس حزن آوووى من صوتها الحزين وهى بتترجاه مايكسرهاش تفتكرى بعد كل العڈاب ال شوفناه دا ممكن ابيعك او اخسرك!
ساره بتنهيده وكأنها ماسمعتهوش انا هافضل جامبك وهاكون معاك خطوه بخطوه لغايه ماتعدى وتخطى كل ال فات وتبدأ من جديد بس..بس كل ال محتجاه وعد مجرد وعد بإنك هاتفضل معايا علطول وهاتكونلى السند والظهر
مروان اتجرح آوووى من كلامها لأنها بدون ماتقصد حسسته قد ايه هو كان انسان زباله وقد ايه هى بتضحى علشانه وعلشان تكون معاه....
مروان بحب اوعدك انى مستحيل ازعلك وانى هاكون عايش بس علشان احبك ولأخر نفس فيا هاحبك المهم إنى اموت وانتى معايا وجنبى
ساره بسرعه بعد الشړ عليك
مروان بهيام بتحبينى بتخافى عليا
ساره انت لسه بتسأل بعد كل دا!
مروان محتاج اسمع...
ساره بسرعه وإندفاع بحبك
مروان ماعرفش اذا كان سمع صح والا غلط والا دى تهيؤات أصلا بص للموبايل لقا المكالمة انتهت بس لا هو سمع وسمع صح جدااا كمان ودا خلى تمسكه بساره اضعاف مضاعفه من بعد ماسمع أول كلمه بحبك صادقه ف حياته. ...
. .
مراد ف اوضته لم كل حاجه لعبير ف شنطه كبيره وقفل عليها وهو بيودعها دمعه نزلت وهو بيفتكر كل حاجه عاشها معاها بس خلاص هى راحت ومش هاترجع ولازم يعيش بقا حياته من جديد
مسك الشنطه وخارج بيها وهو بيقول مكانك ف قلبى زى ماهو بس سلمى كمان مينفعش انى أئذيها بأى طريقه لأنها الوحيده ال قدرت تدخل قلبى من بعدك...
تانى يوم مرادو مروان اخدو ميعاد علشان يقابلو احمد

والد ساره
مراد طول الطريق بيدعى ان سلمى تظهر ويشوفها لأنها بجد وحشاه ووحشاه جدااا كمان
مروان مابيفكرش غير ف ساره واعترافها ليه رغم ان حبها واضح وواضح جدا كمان لكن كلمه بحبك ال نطاقتها خلته عايش ف دنيا تانيه خالص وكأنه مسك نجوم السما بإديه
قطع صمتهم دا مراد وهو بيقول هو أنا ممكن اطلب اشوفها لو هى مانزلتش
مروان بسرعه لأ طبعا احنا اتفاقنا ع ايه 
مراد بإحباط فاهم بس مش انت قلت انك لو اتحطيت ف نفس الموقف كنت هاتروح معاها
مروان بهدوء رغم الخۏف ال جواه بس انت ظروفك مختلفه....
مراد والمطلوب بقا
مروان اعتبر نفسك ف فتره خطوبه
مراد بزعر وزهول نعممم مين دول
مروان بتعقل افهم ي مراد سلمى صغيره وكمان زيها زى اى بنت كان نفسها ف فرح وفستان أبيض وليله زى ألف ليله وليله بس للأسف انتو ظروف جوازكو كانت مختلفه تماما عن اى حد
مراد بحزن تفتكر هى بتفكر بالطريقه دى
مروان بتأكيد طبعا لأن ببساطه اى بنت بتفكر كدا
مراد طيب المفروض اعمل ايه دلوقتى 
مروان بحماس تعمل فرح ي كبير
مراد انا مستعد اعمل اى حاجه سلمى عوزاها المهم إنها تكون مبسوطه
مروان بتأكيد صدقنى هاتكون مبسوطه وأوووى كمان...........
...... ..............................
سلمى ماصدقت واستغلت خروج مراد ومروان ونزلت جرى ع شقتها هى وملك ...قعدت ملك قدام ال ودخلت هى أوضه مراد بصت للجدران وللاوضه نفسها حست كأنها اول مره تدخلهااخدت نفس طوييل وهى ف منتهى السعاده حست ان مراد معاها ونفسه ف الاوضه فعلاا إحساس جديد وشعور جديد لمجرد انها حست بجد ان ملهاش شريك ف مراد وإنه ملكها لواحدها غباء أنها تغير من حد ملوش وجود ف الحياه بس اوقات بيكون الإنسان اضعف من إنه يتحكم ف مشاعره دى وخصوصا ف حاله سلمى لأن مراد اول حب وأول عشق ف حياتها....قعدت ع السرير وهى بتمسد بإيدها عليه وبعدها اخدت قميصه وحضته وكأن مراد هو ال بين إيديها اخدت نفس وهى بتقول بحب وزهول انت هاتجننى ي مراد دا اذا ماكنتش اټجننت أصلا ....
ملك دخلت وهى بتقولها بنوم سلمى عاوزه أنام
سلمى رفعتها لمستواها وهى بتبوس فيها بتقولها تعالى ي روح سلمى.......
................................
ساره راحه جايه ف الاوضه قلبها بيدق بطريقه غريبه وكله كوم ومواجهتها لمروان بعد ماعترفتله بحبها كوم تانى خالص!
ريهام بضحك
يابنتى ارحمى نفسك مش هو دا مروان حبيب القلب وعشق سنوات الجامعه السابعه!!
ساره بغيظ ال يشوفك دلوقتى مايشوفكيش يوم معتصم ماراح يتقدملك عارفه كنت شبه الكتكوت المبلول بالضبط ورجلك بتخبط ف بعض وكأنك اول مره تشوفيه!
ريهام بإبتسامه وهى بتفتكر اجمل يوم ف حياتها عندك حق ي سو كنت فعلا حاسه انى اول مره أشوفه بس كان إحساس جميل آوووى
ساره بغيظ ماهو دا نفس احساسى! والبعيده ماعندهاش ډم وكأنها مامريتش بنفس التجربه
ريهام بحب ابتسمت ساره بفرحه وهى بتقول ربنا يفرح قلبك ويسعدك دايما ي أحلى اخت ف الدنيا كلها
ساره دمعت وهى بتقولها وانتى كمان ي روحى تستهلى تكونى أسعد واحده ف الدنيا..........
مراد تحت قاعد مش علبعضه خالص عينه رايحه جايه يمين وشمال وبيتمنى ان سلمى تظهر ولو للحظه واحده بس يشوفها ويطمن عليها .... .
مروان كمان مايقلش عنه لهفه! نفسه يشوفها ويشوف تعبيرات وشها نفسه يشوف لمعه عيونها نفسه يشوفها قدامه ويحسها وهى بتنطق وتعترف بحبه نفسه ف حاجات كتير بس اكتر حاجه نفسه فيها هى إنها تكون قدامه دلوقتى حتى لو من غير كلام المهم انه يشوفها ويملى عينه منها!!
معتصم كان قاعد وشايف الحب ف عيون مراد ومروان إحساس جميل آوووى انك تبقى مطمن ع حد منك او حد بتحبه هو دا فعلا نفس احساس معتصم سامح وغفر لمروان بس علشان متأكد ان مروان بيحب ساره وعارف ومتأكد ان ال بيحب حد بيعمل المستحيل علشانه وعلشان يسعده......
مروان مال ع مراد وهو بيقوله ماتخلص ي كبير الناس بدات تزهق مننا
مراد وكأنه ماسمعهوش هى سلمى ماظهرتش ليه !طيب أسأل عليها أحسن تكون تعبانه والا جاجه
مروان بقلق لمراد يعرف الحقيقه بقولك ايه ماتعملهاش حجه بقا سلمى بخير وملك كمان بخير وإعمل زى ماقولتلك
مراد بقله حيله حاضر
مراد بص لاحمد وهو بيقول حضرتك ي عمى عارف سبب الزيارة الرئيسى ايه
احمد ابتسم وهو بيه راسه أيوه معتصم اتكلم معايا
مراد بإبتسامه وايه راي حضرتك
احمد بهدوء أكيد دكتور مروان غنى عن التعريف
مروان بقلق يعنى أيه 
احمد بجديه يعنى انا ماعنديش غير سلمى وساره يعنى مايهمنيش اى حاجه والا اى حد بعدهم اظن كدا الرساله وصليت....
مروان بهدوء وصليت
احمد تمام
مراد نقرأ الفاتحه
احمد بص لمعتصم ال هز راسه وبعدها قرأ الثلاثه الفاتحه
بعد وقت كان مروان خارج مع مراد وهو هايتجنن لان ساره ماظهرتش أبدااا ومراد مايقلش عنه حاجه .....
احمد لمراد ابقى سلمى ع
مروان قاطعه وهو بيقول ان شاء الله ي عمى
مراد ماخدش باله آووى من الكلام لأن كل تفكيره كان ف سلمى ال ماشفهاش
واحمد استغرب رد مروان جدا لكنه ماعلقش............
..................................
فعربيه الترحيلات كان جمال ورؤف قصاد بعض ومعاهم كام واحد ومن ضمنهم حسام ........
جمال باقى عشر دقايق ونوصل لازم نتصرف
رءوف هانعمل ايه يعنى 
حسام جنبهم كلها دقيقه واحده ونكون احرار بس لا شفتكو والا شوفتونى
جمال ورؤف بصوله پصدمه وبعدها حسام كمل ايه غيرتو رايكو ومش ناوين تهربو والا ايه 
جمال لا يباشا احنا معاك
رؤف دانت ربنا بعتك لينا يباشا
يادوب خلصو كلام ولقو كميه سلاح رهيبه بتنضرب عليهم...
بعد وقت كان رجالت حسام مسيطره ع الموقف لكن رءوف للأسف كان اټصاب
حسام بزعيق انجز انت لسه هاتقف تشوفه
جمال ياله يباشا ماهو باعنى قبل كدا...
جمال وحسام مشيو مع بعض
وفى العربيه جمال بود بقولك ي باشا ماتشوفلى شغلانه معاك او حتى سافرنى لاى بلد وبردو هاكون معاك وخدامك...
حسام بتفكير هاختبرك الأول وبعدها نشوف
جمال